من قائل هذا البيت(والله مايذبحك يكون حاجة)

[غليص]

بسم الله الرحمن الرحيم
أخواني السلام عليكم ورحمة الله وبركاته
يالربع لاهنتو ابي افادتي لمن هذا البيت؟ وهل له تكمله؟

والله مايذبحك يكون حاجة=لاصار في وجهك حيا وأنت محتاج


تقبلوا شكر وتحيات أخوكم الصغير غــــــــــليص

[ابراهيم آل بي حبيب الرفيدي]

ارحب يا غليص

هذه القصيده للشاعر مجعد متعب الرشيدي


دار الهواء فوق الشجـر بندراجـه
=وانا هجوسي تتبعه كـل مـا راج
القلـب نسمـات العليـل ابتهاجـه
=والفكر خلتـه الدواكيـك مسهـاج
فجن خلا لاضاق صدرك علاجـه
=يغنيك عن بعض المجالس والازعاج
سحابـة البـارح قفتهـا عجاجـه
=يلعبها صلف الهوى مثل الامـواج
هبت هبـوب مدوريـن اللجاجـه
=يفرح بزلة صاحبـه كـل هـراج
من غير سبه عاقـدٍ لـك حجاجـه
=لو ان ماله مع هل الطيـب منهـاج
اثر العوج دايـم يحـب العواجـه
=لو ينعدل يرجـع لساسـه وينعـاج
مايستوي طعـم القـراح وهماجـه
=ولايستوي نقع الصفا مثـل هـداج
الله ولا منـت محسـب خـراجـه
=شين اللغا ومن البطر لابـسٍ تـاج
والله مـا يذبحـك ياكـود حاجـه
=لاصار في وجهك حيا وانت محتاج
بالعسر يسـر وللهمـوم انفراجـه
=يجيلها من والي العـرش مخـراج
ارفـع يدينـك للسمـا ثـم ناجـه
=يظهرك لو دونك شرابيك واسيـاج

[عبدالعزيز الخنفري]

الله لا يهينك وارحب تراحيب المطر :46_asmilies-com: :46_asmilies-com: :46_asmilies-com:

[معيض بن صميع]

لاهنت ياغليص


وياهلا وغلا ..



مشكووووور ياابراهيم وبيض الله وجهك ..



وصح لسان الرشيدي


دمتم بخير ..

[غليص]

السلام عليكم ورحمة الله وبركاته
لاهنتوا بيض الله وجيهكم ولكم تحيات
اخوكم الصغير غليص