من يعرف تكملت قصيدة ابن منيجل الفهري في ابن شفلوت

[أبو صقر]

من يعرف قصيدة ابن منيجل الفهري في الشيخ ابن شفلوت الي يقول فيها :::

يعوي على قبر مادراء ويش مجهاه
مادراء انه قبر مترك نزاع الحريبي
كم عقلتن داجت عليها مطياه
سمح الظهور وموديات الغريبي
كم حلتن لما زهمها بتبراه
وكم ملتن دفق عليها سريبي
لاوغد يالي تذبح الحيل يمناه
لما أسنت لراضي وأسنى طريبي
ليته وراء البحرين وترجاه
وتم عيني لعينه رقيبي
حالي كما حال الاسعر لقرب دواه
ثوبه من الذرنوح غادي رعيبي
ياوالله الي غاب اسهيل مزاد شفناه
والجدي من عقبه مدي للمغيبي
لكن نحمد الله ذالك خوة بدلاه
ضياخمن تعمي عيون الحريبي

[فارس قحطان]

ارررحب يابو صقر

انت تنشد عن قصيده وماشالله جايبها كامله :)
والا هي باقي لها اكثر من كذا


بعدين من هو من الشفاليت اللي تنشد عنه علشان نقدر نجاوبك

[خليل بن هدلان]

كفو والله القصيده وقايلها واللي هي فيه
لاهنت يابو صقر لاهنت
تحياتي

[حسين آل حمدان الفهري]

ابو صقر

السلام عليكم



ابشر .





يا ذيب ياللي هيض الناس بعواه = في رأس أبو وضبان يقنب قنيبي
يشوف قبرا ما عرف ويش باقصاه = على مراح منزحين الحريبي
لا ون عرفه الذيب ما قرب لحماه = مايدري ان في القبر باللحد ذيبي
كم ليلة ياذيب عشتك يمناه = كبار الظهور اموصلات الغريبي
هيف السمين اللي تصلح مرباه = ومنارته ينثر عليها السريبي
إن حسب التاجر لكسبه ومشراه = رزقه على ربه يجيه بنصيبي
مشرع بابه لمن كان ينصاه = للضيف والا للرففيق القريبي
وكم غزوة قد زارت القوم تتلاه = مر مع خبت ومر رقيبي
وكم عقلة تاقت ذلوله على ماه = في مقطع منه الضواري تهيبي
وان جا الملوك قِسمة لصايل عطاياه = قحص المهار مشعثرات السبيبي
ياطول ما كان المراكيب تنصاه = واليوم مافاده حضور الطبيبي
ياناس غاب اسهيل ما عاد شفناه = والجدي قبله قد سبق بالمغيبي
غاب الامير اللي مراحه فقدناه = عزالله انه غاب منا حبيبي
ليته ورا مصرٍ كان اترجاه = اوصله من فوق بنت النجيبي
حالي كما حال اجرب ضره ادواه = قلبه من الزرنيخ غادٍ رعيبي
بعده عيوني عيت النوم تشهاه = كني كسير وسط عظمه صويبي
عليك ياللي لا نخيناه نلقاه = اذا نوى بامرٍ عزم ما يهيبي
الوجد ياوجدي على الشيخ وجداه = وجود من رجله كسيرٍ عطيبي
شيخ بعد ما راح بفقد عطاياه = لانكست لسعار واسنى طريبي
عسى النعيم وجنة الخلد مثواه = بجاه رب للنداء يستجيبي
والحمد لله عاضنا بعد فرقاه = بذيب اخو رثعا نجيبٍ اديبي
مثل البحر يصعب على سابحه ماه = ياويل من ذيب يجيله طليبي
ما غلط ابوم اللي على الذيب سماه = عزا الله انه صاب بسماه ذيبي
رايه سديد وان ومر ما عصيناه = الراي واحد ما غدينا ذهيبي
حنا عدو اللي من الناس عاداه = وايضا نصادق من يجيله صحيبي
وتمت بذكر اللي على الخلق حسناه = هو الولي الرقيب الحسيبي
وصلاة ربي عد ما هل وانشاه = وعداد ما بان الهلال ويغيبي

وقد قيلت هذه القصيدة عام 1355 هـ بعد وفاة الامير مترك بن عشق بن شفلوت
شيخ شمل قبايل عبيدة _ رحمه الله _.
والقائل هو الشاعر محسن بن عايض بن منيجل آل حمدان آل سالم الفهري_ رحمه الله _ . وقد اورتها حسب ما جاء في كتاب مناهل الباديةللشاعر سياف بن محسن الفهري_ رحمه الله _ . وهو اقرب واعرف بقصائد والده.
الا اني املك صورة من مخطوطة كتبت باليد قبل حوالي اربعين سنه وتظهر هذه الصورة بعض الاختلافات في بعض الابيات مثل البيت الثالث والبيت الرابع عشر والبيت الواحد والعشرين.


وقد كنا نردد احد الابيات كما يلي حتى قبل ان نعرف انها لمحسن:


ليته ورا البحرين وانا اتمناه = والا ورا مصرٍ فعندي قريبي.
والبيت الآخر:


يانحمدالله يوم ذا خوه بدلاه = ضياغم تعمي عيون الحريبي.

وشكراً للجميع


.

[خليل بن هدلان]

حسين بيض الله وجهك واشهد انك كفو يالقرم
ووجود شرواك هذا هو المكسب الكبير من دون قصور في الاخوان وكلهم وافين
لك اجمل التحايا يا اخي...

[شبل قحطان]

بيض الله وجهك ياحسين ولاهنت

[مشعل بن مترك بن شفلوت]

ابو صقر اولا بيض الله وجهك على فتح المجال في هذه القصيده اللي مثل الدرر ,,,

الحقيقه وانا اخوك انت سألتني عنها وكانت للاسف ما تحضرني وايضا بعدي عن الشيبان صعب من مهمتي في الحصول على القصيده

منهم , ولاكن طير شلوى < حسين بن علي ال حمدان > قام بالواجب واكثر ولاهوب غريبه عليه لأنه دايم سباق على الطيب وعلى

قصايد وعلوم الرجال , ولا يهونون اخواني الموجودين في المنتدي كلهم ,,

والله يرحم شاعرنا الكبير < محسن بن عايض بن منيجل > ويسكنه فسيح جناته هو واموات اخواننا المسلمين,

والله يرزق قحطان بشاعر في حجم بن منيجل .

اخوكم \ مشعل بن مترك بن شفلوت

[ابن عاصم]

حسين عز الله انك مااااقصرت بيض الله وجهك

والشفاليت يستاهلون المدح وتالي

اخووووووك

ابن عااااااااصم

[أبو صقر]

بيض الله وجهك يالاخ/ حسين على هذه القصيه الجميله التي كنت حريص كل الحرص على معرفتها ومشكورر يالغالي

[أبو صقر]

مشـــــــــــــــــــــــكور ياحسين ال حمدان على تكملت هذه القصيدة الجميله
ولك مني خالص الشكر والتقدير

[أبو صقر]

مرحبا بك ياأخ مشعل بن مترك على المرور والكلام الطيب ومشكور وكنت أتمنى تكملت هذه القصيده لاكن بيض الله وجه الاخ حسين على تكملتها
والى لقاء آخــــــــــــــــــــــــــــــــــــــر وشكرا


أخوك / أبو صقر العبيدي

[حسين آل حمدان الفهري]

ابو صقر

الاخوة الكرام

لا شكر على واجب
ويسعدني القيام بالواجب




.

[نجل الضياغم]

بيض الله وجهك عتى هذه المشاركه ولايستغرب منك الطيب مثل ماقال راعى السالفه


الطيب لاتستغربه من هل الطيب = الي لهم في منهج الطيب خبره

وشكرا لك

[أبو صقر]

ونعم والله يانجل الضياغم
ضياغمن تعمي عيون الحريبي

[شيهان]

قصيدة جزلة والنعم في قايلها وفي اللي قيلت فية

[أبو صقر]

الاخ / شيهان شكرا على المرور

[الفتى]

شكراً لك اخي الكريم على هذا المشاركة

[ال مالح]

بيض الله وجهك ياوجه زهير

[أبو صقر]

مرحبا الف يابو فيصل وشكرا لك على المرور