اذا قامت فتيل الحرب

[الاعصار]

اذا قامت فتيل الحرب عن ابيــــوته تسل اسيوف =الا ويش الســـلاح اللي وهو في بيته انسله
سلاحٍ من قديم يعرف سلاحٍ لا يـــزال مـــــعروف=سلاحٍ رافـــق الدعوه ونازل بالـــعـــدى ذله
ماقول اسمه يجي حرفين ولا حتى ثلاث احروف =يجي ياناشدن عنّه على احروف الهـجاء كله

[معيض بن دشن]

لاهنت يالاعصار على اللغز وعندي محاوله اولى
( وش رايك في الدعاء سلاح المؤمن )
تقبل تحياتي ،،،

[الاعصار]

اخوي معيض بن دشن
تشرفت بمرورك يالغلا
والرمعه مالك لوى
ماقول اسمه يجي حرفين ولا حتى ثلاث احروف =يجي ياناشدن عنّه على احروف الهـجاء كله

[ابن سجعان]

السلام عليكم ورحمة الله وبركاته :وش ر أيك بالشعر سواء الهجاء او الفخر او الحداء الخ

[الاعصار]

ابن سجعان صح لسانك هو شعر الهجاء
والبيت الاخير يقول يجي ياناشدن عنه على حروف الهجاء كله
وهو الذي حدد رمعة الهجاء
صح لسانك وبيض الله وجهك