من يوم شفت الملك وأرض السعوديــة

[أبوثامر]

السلام عليكم ورحمة الله وبركاته
هذي قصيدة أحد المبتعثين في أمريكا وأحب أشارك فيها



يالله يامعبود يالخـــــــــــــــــالق الوالي
تغفر ذنوبي وعني تمحي الســـــــــــية
إنت الإله الوحــــــــــــيد ولالك أمثالي
إلك العـــــبادة ولالغيرك عـــــــــــبودية
ويابوي ياللي تطـــــــــــري على بالي
تراي على الوفــا أســــــــــــوق رجلية
أمشي دروبــــك ياطيــــــــب الفالــــي
وأوقــد سراجي من نارك الحـــــيــــــة
وعادات قحــــطان مالها كــــود رجالي
أفخر بها وأنت الذي غرســـــــــتها فية
أعقد حجاجي وأشــــــــــــــوم الأفعالي
وأكره خـــــويي لاغير نــــيـــه بنـــــيه
وإلا الكــفو هوحزامي ودرعي وعقالي
سعد الخوي الكــــفو نســــــل الشقردية
ثقيـــــــــــل ورزين ولابه خف وهبالي
لاقلت يافلان قام وتنـــــــــــــاوش إيدية
ويابــــــــــــــوي أنا بخير وطيب حالي
أبشرك والأمور مـــيـــــه على ميــــــه
في أمريكا ندرس والوقت لوطــــــــالي
نسجد لوجـــــه الكريم ونصفي النيـــــة
نمثل وطنا وإسمه فالســــــــــــما عالي
والله في ذمتــــــي مافيــــه أبد زيــــــة
هذا الوطن للشـــــــيوخ ودار الأبطالي
ســــــــــلام ياديرتي دار السنافيــــــــة
ماضيها نفخر به من طول الأجـــــيالي
وحاضرها مشرف وثوره حضـــــارية
يعـــــــــقب من لايوقف تقدير وإجلالي
للبيرق اللي حمل رمز السعوديــــــــــة
ياذا الوطـــــــــــن بجيك أسابق ظلالي
لو إنك هــجير ولابك ظل أوفـــــــــــية
وهذا قصـــــــيدي طرى توه على بالي
حبيت أبين وأقــــول اللي جرى ليـــــه
هاض الحشا وإشتعل طاروقي وموالي
من يوم شفت الملك وأرض السعوديــة

أبوثــــــــــــــــــــــــامــــــــــــر

[نواف بن سعد المدوخل]

لا هنت يابو ثامر وصح لسانك ولسان شاعرها وانشا الله تعودون للسعوديه ومعكم الشهادات وتنفعون انفسكم والوطن

[العبدي]

صح الله لسان قايلها .. وبيض الله وجه ناقلها ..

ندعو للأخوان المغتربين للدراسة .. التوفيق والنجاح .. والعودة الى ارض الوطن حاملين شهادات ترفع رؤوسهم ورؤوس اهلهم ..

وللمتعالجين .. الشفاء والعافية والرجوع الى أرض الوطن ..

تحياتي ..

أخوك .. \\ العبدي ..

[أبوثامر]

صحة أبدانكم جميع ولاهنتوا على المرور

[سالم الحبابي]

السلام عليكم ورحمة الله وبركاته


اللــــــــــــــــــــــه لايهينـــــــــــــــــــــك


وصــــح لسـانــــــــــــــــك,,,,,,,,,,,,,,,,,,,,,,,

[ناصر السنحاني]

لا هنت على النقل


وبيض الله وجهك ياكحيلان


وتقبل مروري

[فارس ال فرس]

الله يوفق المبتعثين ويثبتهم على دينه