قصدة من الشاعر ابن حمران في حفل استقبال الامير عبدالرحمن في الخرج

[ابن الاماجد]

قصيده القاها احد شعراء قبيلة قحطان الشاعر / سعيد بن عبد الله بن محيـــــا بن حمران
وذلك في الحفل الترحيبي بسمو امير الخرج الامير / عبد الرحمن بن ناصر بن عبد العزيز



الحمد لله..ع الســـــــــلامه وحييت= ياللي الــمراجل.. كلها سلــمت له
الخرج حنت لك .مثل ما انت حنيت= =ومن حن لكبار المعاني مــشت له
عن ما قف الطولات ما قد تخــليت= والطيب والناموس نفسك سمت له
زاهد في الشهرة وزاهد في الصيت= بفعلن منارات الفخار انصــتت له
ادركت .. ثم.. خططت ثم استعديت= ثم انتهضت وما مضيته مضت له
عملت ثم ابدعت وانجزت وابليت= واغدقت ثم انكرت نفس.. زهت له
نكران ذات.. وصمت ما قد تباهيت= ولا توارى.. النور... عن منبت له
لله درك.. في صباحك واذا امسيت= فالك قلـــوب حبها ...عنونت له
اسمك ورسمك.. ياعريب المنابي = في وسطها باسمى الدعاوى دعت له
بالبر.. والاحسان.. والحلم...ناديت= من صادقن.. صافي ألعطا عادة له
ومن موقف ما يخدم العلم.. صديت= واغلى صروح العلم ما صوتت له
يكفي سموك.. راية العـــلم.. عليت= وكل المناقب يا الحكيم احتمت له
في خرجك الخضراء بعلمك تبنيت= والجهل ما حصل طريقن صفت له
كم من طموح لي بغى المجد له بيت= ما تــشــفع افعاله ولا يلـــتفــت له
الفخر.. حظ اللي عنى له ..بتثبيت= والمجد راحوا به رجـــــال بنت له
للشاعر / سعيد بن عبد الله بن محيـــــا بن حمران

[ابراهيم آل بي حبيب الرفيدي]

لاهنت يا ابن الاماجد


وصح الله لسان ابن محيا


ننتظر المزيد من مشاركاتك الطيبه

[ابن الاماجد]

أرحب أرحب اشكرك اخي ابا خليل على المرور الفاخر

[معيض بن صميع]

لاهنت يابن الأماجد



وشكرا جزيلا لك ..



قصيدة رائعة وصح الله لسان ابن حمران



دام حضورك ودمت بخير ..

[صقر آل الصقر]

صح لسانك ياابو محيا
ونتظر المزيد
اخوك الصقري

[عبدالوهاب بن محيا]

صح لسان الشاعر سعيد بن محيا ووفقه الله لكل خير ، كذا الشعر ولا بلاش .

[فيصل الهاجري]

لاهنت يالسنافي وصح السان الشاعر وبيض الله وجهك

[ابن سراع القحطاني]

لاهنت يابن الأماجد

وشكرا جزيلا لك ..

قصيدة رائعة وصح الله لسان ابن حمران



تقديري