المساعد الشخصي الرقمي

مشاهدة النسخة كاملة : الجروي يمدح ربعه بفعايلهم ويزهمهم


معشي الذيب
15-03-2005, 02:55 AM
قال ابن برمان بدى الرجم من ضيق = بعلى المبادي يلعب القاف درياق
في راس رجم كل ما جيت باويق = لجت مزامير الحشاء ما بعد واق
اقول قول حافضه يا مخاليق = يكتب على القران في عرض الاوراق
كتبه فصيح ما يجي فيه تبريق = ياكاتبه مفهوم والحبر ما راق
ذكر علي ربعي وذيك الطواريق = لاسج خطوى مرتة بين الارفاق
في منزل نبته من الوسم ما ذيق = يسقيه ودان وتاليه براق
زهرنباته ناشع به زماليق = مافيه كون الصيد تلعات الاعناق
ولازفا نبته في الحمل والمشاقيق = ذيدانهم ترعاه ما تاخذارفاق
ولنزلوبه وحرق البن تحريق = بهر بهيل وزعفران به اشلاق
ربع قروم وللمراجل مشاويق = وكل يقول انا على الضيف سباق
وكرمان يجعلون للذبايح معاليق = وصحونهم تمسي وتصبح بالارزاق
وبيوتهم مزبن للي لذى من الضيق = لانشفت عن بعض الاحوال الارياق
وقصيرهم يستوفي الحق ما بيق = ويرعى بهيبتهم بعيدا ولا ضاق
ورايتهم العلياء بعز وتوفيق = مكتوبه من عند كتاب الاثاق
بيت عتيق ويرفعونه على سيق = اهل المراجل ما خذوها تشبراق
وعدوهم سم على كبده يريق = اليوم وامس يسحق دواه بسحاق
جروية يروون حد المفاتيق = لا قام للبارود بالجو زعاق
لا ثار من عج السبايا مطاريق = والماوالاشهب في السماء له تصلفاق
يشبع بجرتهم ضباع مخابيق = والطير ياخذ في الخضيراء ترقراق
ويشهدلي ابن حميد مافيه تطقيق = ولا شيوخ مطير جاء منهم اصداق
بلي جرى فوق الحفاير بتسبيق = ماسلم كون الي زبن بين الارباق
والا الحشيشي يوم نوى التساريق = دزه عجب واتبع صوابه على ساق
مع بن طربوش بعزن وتوفيق = ومن راس شلفاء ضويحي ذاق ما ذاق
دزه بشلفاء جباها له تباريق = واتلى العهد به يوم لفوه برواق
هذي فعايلهم بعزن وتوفيق = مكتوبه من عند كتاب الاثاق
ولا عاد مافي كل ماقلت تلزيق = والكذب ماينمي وكثر التميزاق
فودي توصلهم سلام بتفريق = ويرد مضمونه على القلب لافاق
نصيتهم هجنن تبوح الرقاريق = ماوقفت بيد المحرج بالاسواق
اواركن بيض اسواة الغرانيق = حيلن زواها فئ وردوفها اطباق
تزها للكلايف ورسنات الخنانيق = وامات خمس فوقها اجداد واضواق
واهلها غمارن جرو الصوت تطريق = وهي كما صيد ليا شاف تفاق
ردو سلامي صوب ربع مطاليق = جعله فداهم ناقل السوء دقاق
سلام احلى من جميع المذاويق = ناقيه من صدري عن حسن الاخلاق
احلى من السكر على فكة الريق = راعيه يطرب له وهو مابعد ذاق
يثنى عليهم لا من غير تفريق = من قلب محبوبن مصفيه وارقاق
والي حضر منهم يرد المواثيق = سعد النضا لا جاه عجفات ودقاق
شوق الطموح الي تذهل لها الريق = ماتلبس الا مقطع الروز ورناق
ياصلب جدي وش طب التفاريق = عقب الطرب كلن نوى بالتفراق
انتم حدرتو للمهامل من الضيق = وضعونك قفت تخافق تخيفاق
وحنا حضر ونعزق الطين تعزيق = وجعلت للثورين ياناس سواق
مالي جدى كون ارفع الصوت واويق = وابدي بدربيلي على روس الاشفاق
ورجلي حفيت من تعلى الشهاقيق = والقلب حزن مانفعه التهياق
وتمت وقمنا نطلب الرب تعتيق = ياسامعن طلبت عبيدك بالاحلاق
وصلو على نبيكم يامخاليق = الي ومر خمس الفرايض والاشراق

الامبراطور
16-03-2005, 01:22 PM
كفووووووووووووووو كفوووووووووووووووو يا صبيان ال جرو ومليووووووووووووون نعم

والله يغفر للشاعر ويسكنه الجنه

ولاهنت يامعشي الذيب على هذي القصيده التي في معانيها الجزاله والمدح الصادق ولا تخلينا من قصيد الشيبان يا بو ضويحي
ولااااااااااااااهنت على كل حال




اخوك / ربيع المشعلي

حسين آل حمدان الفهري
16-03-2005, 07:11 PM
معشي الذيب


السلام عليكم

لاهنت على ايراد هذه القصيدة الرائعة لابن برمان.

ورحم الله الشاعر سحمي بن عبدالرحمن بن برمان فقد كان لطيف المعشر
حسن الاخلاق ، قابلته عدة مرات في منزلة بالغضاة فكان جم الاخلاق كريم السجايا.
تغصني العبرات كلما سمعت صوته وهو يردد القصائد خاصة قصيدة السبيعي في آل الجرو وقصيدة ابن شعوا


رحمه الله وجعله من ضيفان الجنة

واشكرك على ايراد هذه القصيدة ولا تحرمنا من قصائدة الاخرى ان كانت لديك.


.

فارس قحطان
16-03-2005, 09:52 PM
كفوووو والله في آل الجرو

وبيض الله وجهك يامعشي الذيب على ايراد هذي القصيده

معشي الذيب
16-03-2005, 10:39 PM
من قال ما هان يابو علي
ومالي فضل في ايراد قصيد جدي الشايب سحمي الله يرحمه واموات المسلمين
والا في ايراد اي قصيده جزله وبيض الله وجهك يابن عمي على كل حال ومعروف يابو علي
وابشر بالقصيد والسوالف اللي تطربكم وتطرب اللي يدخل الي شبكه قحطان

معشي الذيب
16-03-2005, 10:48 PM
ما عليك زود يالامبراطور والله لا يهينك وابشر بالخير كله
مادامك مع اللحوات الغانمه بني عمك فلا تضيق والا يضيق خاطرك

معشي الذيب
16-03-2005, 10:55 PM
ماعليك زود يافارس قحطان
وانا جديد على الشبكه اشكركم وبيض الله وجيهكم
يالقايمين على الشبكه ويالمشرفين في تزويدنا بالقصيد والسوالف الطيبه
وشكر للاعضاء على اجتهادهم الدايم

شبل قحطان
17-03-2005, 12:52 AM
معشي الذيب

لاهنت وبيض الله وجهك على ايراد هذه القصيدة الرائعة لابن برمان

معشي الذيب
17-03-2005, 10:00 PM
من قال ماهان يابن هدلان وانت قد اتحفتنا بالقصيد الطيب والسوالف الزينه
وبيض الله وجهك يالمطنوووووخ
ولنا الفخر يوم نمشي ممشاكم

معشي الذيب
17-03-2005, 10:05 PM
من قال ماهان ياشبل قحطان
وبيض الله وجهك
ولنا الفخر يوم نطرح قصيد الشيبان
للحوات الغانمه شروااااااااااااااااااااااااااااااكم
ونتشرف بخدمتكم

الصقري
17-03-2005, 11:21 PM
لا هنت لا هنت 000 يا معشي الذيب 000 المعذرة في التأخر عن الرد، أنا كنت بعيد عن (النت) ها اليومين.

قصيدة كفو واللي قالها كفو (الله يرحمه) واللي جابها كفو.

ننتظر منك العلوم الطيبة يا منقع الطيب.

ولك أطيب تحية من أخوك

معشي الذيب
18-03-2005, 07:39 PM
من قال ماهان يالنهاري
وماعليك زود
وابشر باللي تبي يابن عمي

ابوطير
27-03-2005, 11:59 PM
صحت يمينك يالقرم

والله يرحم الشاعر

وسبعين نعم يا ابن ضويحي

D.t.s


ابوطـــــــير

هاوي نجد
28-03-2005, 12:45 AM
معشي الذيب


كفوا والله كفوا بالجرو وافعالهم معروفه ولا هيب غبيه

سطروا التاريخ بامجادهم و علومهم اللي ترفع الراس

وننتظر جديد مشاركات الطيبه0

تقبل تحيات اخوك

معشي الذيب
28-03-2005, 07:48 PM
ماعليكم زود
يابو طير وياهاوي نجد
وابشرو بالسعد

ابن عاصم
28-03-2005, 08:26 PM
ونعم

ونعم

ونعم

ونعم بربعنا الجرووووووو اي والله اني صااادق

ولاهنت اخوي معش الذيب

معشي الذيب
28-03-2005, 09:02 PM
ماعليك زود
يابن عاصم
مصدق باللي تقوله يالمطنوووووووووووووخ
وتقبل تحياتي يابن عمي

الفارس الجنوبي
10-11-2006, 08:43 PM
شكرا يا معشي الذيب وبيض الله وجهك

معشي الذيب
13-11-2006, 06:19 PM
ارحب يالفارس الجنوبي

ارحبووووووووو يال زبران

لاهنت نفداء خشمك على المرور

عبدالله بن غفره
20-11-2006, 09:51 AM
والنعم يال جرو

وافين وتستاهلون النعم والمدح


والله يرحم الشاعر / سحمي بن برمان


ولاهنت يالغالي على النقل الرائع