المساعد الشخصي الرقمي

مشاهدة النسخة كاملة : شبيب بن عرار النعيمي يجاري حبيب العازمي


اجرد الذرعان
17-04-2007, 01:14 PM
ياطير ياطير ياطير السعد ياللي تـرف الجنـاح=قصيدة الشاعر حبيب وانـا بالطـرق لاحيتهـا
واقول مشهور يامشهور ياطير السعـد والفـلاح=ياللي كفوفك بـدم الصيـد يامشهـور حنيتهـا
انا خويك على الشده الى بـارت يديـن الشحـاح=روس المبادي على شانك صلاة العصر عديتها
خيلت برق(ن) يلوح وهاضني برق الحيا يوم لاح=وانا جري(ن) على الخطوه الى طالت تخطيتهـا
الهجر ومفـارق الخـلان للخـلان سم(ن)ذحـاح=صدقت ماقيل عن قيس الملـوح يـوم عانيتهـا
مواري العاشقيـن الصادقيـن معلقيـن السـلاح=في قمة(ن)حيها يبكي ولا يبكـى علـى ميتهـا
ياشين قرب القلوب الى جرى بين الجنوب انتزاح=القي على المستمع بعض الدروس اللـي تلقيتهـا
ياقوم تدرون وش قوم العزى بي توه اليوم بـاح=حزن وحسايف على كم فرصة(ن)حانت وعديتها
لو تعرفونه عذرتوني اليا صحت ورفعت الصياح=لكن ياهني عين(ن)مـا رأتهـا مثـل ماريتهـا
قمة دلال وجمال(ن)في تعزال الطـوال الشنـاح=سبحانك الله كيف اكملت فيها الوصف واعطيتها
ياوجد قلبي عليها وجد مهموم(ن)يجـر الصيـاح=ويون ونـة حزين(ن)تسهـر النايـم تناهيتهـا
خليتني ضامي(ن)باقصى المضامي كل ماقام طاح=وين انت بتروح من كبد(ن)ضماها لك ولا اسقيتها
صوتي تعداك انا ماني من اللي يطردون الضحاح=اعرف حدودي لكن حقك علـي اليـا تعديتهـا
خذني واخذ ماتبي في ضمة(ن)منك وشربة قراح=حقك علي لـو تبيـن اردهـا بعديـن رديتهـا
من ذاق ماذقت معذور(ن)ليا واق الرقيبـه ونـاح=وان ناحت الورق جر الصوت مثلي يوم لاحيتها


منقوووووووووول

العبدي
17-04-2007, 03:37 PM
صح الله لسان قائلها .. وبيض الله وجه ناقلها . .

اجرد الذرعان
19-04-2007, 03:58 AM
صح بدنك وبيض الله وجهك

لاعدمناك ياسنايدي

@تركي السنحاني@
20-04-2007, 10:48 AM
بيض الله وجهك يا كحيلان على النقل الجميل


وصح لسان الشاعر


دمتم بود