تسجيل الدخول

مشاهدة النسخة كاملة : سؤال رقم 13

ماجد الخليفي
16-04-2007, 08:32 AM
مكان معروف بالرياض ... ما اسمة ...؟؟

:) :) :) :) :)

http://www.qahtaan.com/works/up/uploads/qahtaan-04-16-1176701433.jpg (http://www.qahtaan.com/works/up)
منصور العبدالله
16-04-2007, 10:06 AM
يا شيخ والله اني مار عليها


بس نسيت


ماجد عطنا فرصة لكبرة وبدق على ابو جابر يمرني بالددسن ونلف لك الرياض

شارع شارع وحته حته


مشكور ابو عصام
ابن عياف
16-04-2007, 11:20 AM
البطحاء


والسيارة اللي رافعه مساحاتها

على قد باب الراكب بوفيه عندها

جباتي فنان.......أف ياشيخ مع البيض

وبالماريه هذا مكان تجمع شرق اسيا

خلف عماير الراجحي والالكترونيات

وشفت الباص الكبير من جنبه غرفة كهرب صفراء

في زاويتها الشمالية جحر نمل واضح

(( ما شاء الله علي أعرف كل شي ))

أكيد منصور منقهر مني

لآنه كلم أبوجابر مارد عليه

ولا لقى أحد يوديه

وانا رديت بسرعه

أحم
أحم
@تركي السنحاني@
16-04-2007, 02:00 PM
يا شيخ والله اني مار عليها


بس نسيت


ماجد عطنا فرصة لكبرة وبدق على ابو جابر يمرني بالددسن ونلف لك الرياض

شارع شارع وحته حته


مشكور ابو عصام


انا ما عندي مشاركه انا ما ادخل المنتدى الا علشان انشب لمنصور العبدالله هو و كتاباته


شف وش كتب بغى يكتب بكره كتب كبره

والله ان الدنيا دواره

بعدين انا الوم اخوي ابن خرصان يقول انك مريض والله انك طلعت مريض صدق


تحيااتي للجميع
بن خرصان
16-04-2007, 02:22 PM
بعدين انا الوم اخوي ابن خرصان يقول انك مريض والله انك طلعت مريض صدق


تحيااتي للجميع

وشهد شاهد من اهلها....خخخخخخ
العبدي
16-04-2007, 03:19 PM
ما اعرف الاماكن اللي بالرياض ..

اول ما ادخل الرياض اسوي نفسي اعرف ..
وبعد شهر ارجع له ..

وادخل كني مفهي ..

بس اتوقع انها البطحاء ..
عاصمة الرياض ..

وفي يوم الخميس خاصة تجد .. جيوش زاحفة من الهنود والبنغال .. كانهم افواج من الحجيج ..

وتجد فيها .. الكدادين اللي قدلهم اسبوع سهرانين ..

مشكور يا ماجد ..
عاشق الليل
16-04-2007, 06:08 PM
صوره عماير الراجحي البطحا من الخلف

لو فيه فواتير كهرب كان عرفها بعض الناس

مشكور اخوي ماجد
رحاب
16-04-2007, 07:10 PM
أظنها العمائر الأربعة الخاصة بوزارة المياة من الخلف اللي على طريق الملك فهد
عبدالله آل عباد
17-04-2007, 01:01 AM
جابوها الشباب

يلعن أم القهر

أنا والله أني أعرفها

شف ذلحين ونت تصور

لو تطمر من فوق العماره

تشوف كبري البطحا

ولو تدقق شوي في الشارع

تشوف على يدك اليسار

باصات خط البلده

ولو تدقق شوي

تحصل السواق داق بنت البكار

وعلى يمينه المعاون

يصيح معا الكتره

ولو تدقق شوي تشوف لسان المزمار حقه أطول من المعتاد بواحد صانتي من كثر مايصيح على المسلمين

أها

ألحين ونت واقف تصور

تلفت وراك تحصل عماير

لو تقدر تطمر من فوق العماير ذي

تحصل شارع الملك فيصل


ويااااااااااااااااااااااااااااعيني ياشارع الملك فيصل .......؟؟؟؟






هذا سلمك الله لاشفته

قل الله يرحمك يالملك فيصل

أشهد أنك فيصل

بعد ماتترحم على الملك فيصل

ونت باقي واقف على العماير

تلفت على يدك اليسار

تحصل عماير كبيييره لونه أزرق

لو تدقق في العماير

تلقاه مكتوب عليها مركز أبن سليمان

في اللحضه ذي

لو تقدر تطلع على سلم

بتلقى ورا المركز

شارع أسمه شارع تركي بن عبدالله

خلك منتبه معا الشارع ووجه نضرك عليه

وتجه بأتجاه الغرب

بتحصل منتزه وبركة ما كبيره

المنتزه ذا أسمه منتزه سلام

ولو تدقق شوي

تحصل أمامه محلات نحل كثر التراب

على كل حال ماعلينا

قبل لاتوصل للبركه

تلفت يسار شوي شف يا ماجد شوي

لأنك لو تتلفت أكثر بتحصل يماني جالس على كرسي

وبتدقق في ذا اليماني وتلقاه يدق عود ودموعه أربع أربع

وماهي غريبه تحصله يغني لأبو نوره

وبتحصل قدامه مطعم شوربه وكبده

أذا لاحضت الشي ذا

فأنت في سوق الالات الموسيقيه في الديره

أنا أبغاك تناضر بين السوق ذا

وبين المنتزه

تحصل مبنى كبير لونه بيج لو تقرا المكتوب على المبنى

تحصلها المحكمه الكبرى بالرياض

أنضر مقابل المحكمه على طول من ورا السوق

تحصل الاماره

ماعليك من الاماره

تلفت غرب الماره بتلقى زحمة سيارات واقفه في كل مكان

وبتحصل مبنى كبير مكتوب عليه الاتصالات السعوديه

لو حالفك الحض

بأن كنت تنضر بكره الساعه 11 بتحصل ددسني واقفه

لأن عندي مراجعه في الاماره

والله يعينني من ألحين على الزحمه في طريق الملك فهد





ماجد خلاص ونا خوك خلصنا

أنتبه لايحول بك السلم






متأكد 100 % أن ماحد بيقرى ألي كتبته

وأذا حد قراه يوضح لي

أستمر على هالاسلوب أو أرتاااااااااااح

شوكرن
أبوسالم
17-04-2007, 02:40 AM
أخوي ماجد الخليفي

أنا من شفت الزحمه وقبل لاأشوف العماير دريت أنها البطحاء

وهو في زحمه في غير البطحاء

أخي العزيز أبوجابر ــــــ)) أسلوبك رائع وأستمر عليه وعطنا رقم لوحة الددسن عشان نقابلك بكره لأن أنا عندي مراجعة حولك في المحكمة وشوكرن
آل معمر
17-04-2007, 03:08 AM
مثل ماقال أبو رعد

عماير الراجحي من الخلف
ماجد الخليفي
17-04-2007, 12:36 PM
عماير الراجحي في البطحاء

بورة الفساد حوالينها

يعطيكم العافية يا شباب
عبدالله آل عباد
18-04-2007, 12:05 AM
طيب وشنا نقول من أمس

الفيصليه ؟؟؟؟؟



يالله نزل ألي بعده <<<<< أذا ماعليك أمر
ماجد الخليفي
18-04-2007, 10:52 AM
ابو جابر
مع التحية والاحترام والتقدير

:050103gig :050103gig :050103gig

:1108277243: :1108277243: :1108277243:

:050103hrm :050103hrm :050103hrm
عبدالله آل عباد
18-04-2007, 11:39 PM
خخخخخخخخخخخخخخهه

أذا ماعليك أمر يا بو عصام

أسألتك ذي صارت أدمان


الله لا يهينك يا ماجد

نقدر والله الجهد ألي تقوم به

ولا نتجرا نمزح معك ألا من طيبك

أريقاتو