ابن شرثان غناء بكلمات عذاب ......................

[علي بن شداد القحطاني]

مبارك بن عبدالله بن شرثان شاعر الحكمة والقيم يقول :

ابن شرثان غناء بكلمات صعاب=حاول القاف بحسن حال لين أعتلاه
لاعوا الذيب في دار وحوله ذياب=ياجب إنها تعوى كلها من عواه

يمكن الاطلاع على هذه القصيدة والمئات غيرها من القصائد في كتابنا الحنين والأشجان عند شعراء قبائل قحطان الطبعة الثانية الذي ستشاهدونه بإذن الله في المزاين ظمن الفعاليات المصاحبة ونراكم على خير .

[علي بن مسفرالحبابي]

ارررحب مليون والله يرحم ابن شرثان وشرف لي كبير بمقابلتك في المزائن

[ابراهيم آل بي حبيب الرفيدي]

ارحب يا علي تراحيب المطر


وصح الله لسانك ولسان مبارك ابن شرثان


ولا نعفيك طال عمرك من ايراد القصيده كامله

وترى مشاركاتك شرف لنا

تقبل تحياتي

[علي بن شداد القحطاني]

مرحباً تراحيب المطر بالاخوة :

- علي بن مسفر الحبابي
- إبراهيم آل بي حبيب الرفيدي .

أبو مسفر رحت ما مريت على وأنا والله مجهز هديتك من الأصدارات الجديده .

سعدنا بمروركم ولمسنا مشاعركم ولا هنتوا سباقين بالعلوم الغانمة .

ومن أشعار ابن شرثان نختار لكم ولكافة الأخوة :

ياعين ياللي تعاف النوم ومصده=وتصد حتى من اللي تحت الاقدامي
من أول نلطم العايل على خده=نجعل على كبد راعي الغل ميسامي
ونورد الماء إلى قد سعنها قده=ما حن نتيه مساريها بالاظلامي
ناخذ عليها مع ذيب الخلا مده=وحرابنا له بمضوانا تحلامي
ربعي حباب إلى كل نسب جده=قوماً تكدر على الحراب الايامي
يوم الجهل وأختلاف السبر والرده=والدرب مسموح بين الشرق والشامي
يوم التذاكر خروج حشوها عده=نمشي وطوق الكلاب لها تهرامي

انظر بقية القصيدة العصماء بكتابنا الحنين والاشجان في أشعار قبائل قحطان الطبعة الثانية ص78.

وتقبلوا تحياتي ،،،

[@تركي السنحاني@]

والله يرحم ابن شرثان

و يبيض وجهك يا كحيلان

دائما مبدع

[علي بن شداد القحطاني]

شكرا لمرورك يأخ تركي وتقبل تحياتي ،،،