المساعد الشخصي الرقمي

مشاهدة النسخة كاملة : ((ثلاث نوادر لشاعر المليون ابن فطيس جديده ))


علي بن مسفرالحبابي
15-04-2007, 11:56 AM
اخواني في شبكه قحطان الغالييين اليوم هديتي لكم ثلاث قصايد
للشاعر المليون محمد بن حمد بن فطيس المري امل ان تحوز علي رضاكم جميعاالاولي


ليه المسا عوق الشقاوي وطبّه؟ = وليه الهبوب تصحي القلب لا بات؟
وليه القمر يدعي جريح المحبّه؟ = ويقول له يا هيه..ما فات ..ما مات
جرحك ظهر لو قلت للوجه خبّه= وللحزن في ضحكك رسوم وعلامات
وليه المطر بالذات ريحه.. وصبّه=كنّه رسول بين الاحباب بالذات؟
اشتاق فيه لشوفتك واتنبّه = للي نسيته من مواقف ونظرات
لا استانس الخافق ذكر من يحبّه=ورجع يراجع فالوناسات ما فات
يا مرتع القلب الحزين ومربّه=يزيين بك مثل الذهب صدر الابيات
هيهات ينسى القلب شخص ٍ لعبّه=وهيات يدله خاطري منك هيهات
سبك مديح ومدح غيرك مسبّه=تقول واذني صوتها تقول لك هات
ونبع الغلا عندك وعندي مصبّه=ومن الولا .. في خافقي لك ..ولاياات
وطيفك حطب عيني..وعيني مشبّه=والشوق برد ٍ ما انقطع لو للحظات
ومكانك الصدر ولك القلب شبّه=بين الظلوع اللي فردها التنهات
ولك بيرق ٍ فالقلب حبك يهبّه=شامخ ولا هزه من العذل غارات
محبتك فالوقت ذا ما تشبّه=الا بخيمة بدو بين العمارات
ان شفتني ضايق واهوجس واسبّه=اخاف غدر الوقت.. والوقت دورات
لا تحسب ان دمعي نزل دون سبّه=ابكي من الفرقا وهي مابعد جات
اليوم كل امورنا..مستتبّه= وبكره ماندري وش معه من مسرّات
اربّ قلبك مثل قلبي اربّه=ما يخلفه شور العرب والمسافات

الثانيه


يابريئه وانتي ابعد ما يكون من البراءه=اكتشفت اني انا المخدوع ..وان منتي بريئه

تذبحين الحب وتعزينني فيه بجراءه=وتذرفين الدمع لفراقه ولا كنش مسيئه

كنت اقول انحن حروفه انا حاءه وانتي باءه=وكنت اقول ان في ملامح وجهش اوصاف البريئه

وكنتي لقلبي كرات الدم يعني... ياغذاءه=وكنتي اغلا من مراح الاكسجين ومن مجيئه

وكنتي السلطان به والشوق والغيره ولاءه=والعروق من الوفا والصدق واللهفه مليئه

بس بعد اللي حصل سرت اعرف البير وغطاءه= اشهد ان الكذب مهما تمتن حباله ..رديئه

علموش اللي مبادئهم سخافات ودناءه = وانا ما الومش لأن الاصدقا للشخص بيئه

يعني ماعادش بباء الحب ولاانا بحاءه=اصبحت عندي عبارات الهوى ..عفوا..(بذيئه)

وانهزم جيش الثـقه واضرب عن الرفه لواءه= الرياح تقول له رفرف وهو يئبا الخطيئه

الخيانه داء والفرقا اشوف انها دواءه= عازمٍ ما عاد اطولها ولله المشيئه

الفراش اللي يغره في المصابيح الاضاءه=والا انا اعرف الوجيه السود لو كانت مضيئه

ان حسبتيني جريء وشفتي ان هذي اساءه=فانتي اول من اساء بحقي وكنتي جريئه

اعرفي ان الخيانه ما تواطن والبراءه=وموتي بسيف الهجر..لن الهجر....موته بطيئه


الثالثه




كل ما ذعذع علي صلف الهوى حدريه = يكفخ فوادي بصدري قبل يكفخ ثوبي

خص لاجا بارد ومذعذع عصريه= يجمع اللي به من الذكرى وياتي صوبي

قبل يلعبي وانا قد ريت في ماريه= ضايق من صبح والهاجوس دوبه دوبي

والله ان كنه يداوي الجرح بالشبريه= والجوارح من هواها الصلف ماصدوبي

تجمع اوراق السنين وتظهر السريه= وتترس عيوني حسايف عقب ترس جيوبي

لاذكرت اللي رحل وعيونه الدريه= كل مالديت فيها تهت لالدوبي

تمطر عيوني وخفاقي سرى ساريه= ينعصر وانا دموعي للوفى عذروبي

صمت عن وصل المحبه لنها عذريه = والردى ماهو بمن طبعه ولا بسلوبي

اذكر انه قالي مره وش الحريه= قلت عكس اللي لقيته منك يامحبوبي

اهتوي طاري هله من حبي لطاريه= والدروب اللي تجنبهم مهي بدروبي

متعب رجلي ولو هي صوبهم عبريه= وابني امالي على الترحيب لاهلوبي

اثرهم ناويني بالنيه الشريه= واثرهم دارين وانا اقول ماشكوبي

واثرني ضايع واصدق قصة الحوريه= وش ينجيهم من اثامي الى قفوبي

جزت مادام الهوى يبغي عصا سحريه= وتبت مادام القدر عيا على مطلوبي

قد همومي وين الاقي الصيد في البريه= وقومة في وجه ضيفي واعرف ماجوبي

اكبر اهدافي تزول الدوله العبريه= واكبر امالي يغفرالله جميع ذنوبي

غير هبي وين ماتبغين يالحدريه= واتركي قلبي لحاله والعبي في ثوبي

الحد الرهيف
15-04-2007, 05:48 PM
صح لسان ابن فطيس

أنا أشهد أنه كفو ويستاهل المليون

درر ونوادر بالفعل ماشاء الله عليه


مشكور خوي ابوفيصل على النقل

محمد الحياني
15-04-2007, 06:16 PM
كثر الله خيرك

ولاهنت يالذيب


مبدع كالعادة


وصح لسان الشاعر المتألق بن فطيس

الف شكر

ذي يزن
15-04-2007, 06:17 PM
لاهنت

محمد بن زيد
15-04-2007, 06:56 PM
صح لسان الشاعر ابن فطيس يستاهل المليون والله لا يهينك يا وجه عبدالله على النقل الجميل

علي بن مسفرالحبابي
17-04-2007, 05:04 PM
صح لسان ابن فطيس

أنا أشهد أنه كفو ويستاهل المليون

درر ونوادر بالفعل ماشاء الله عليه


مشكور خوي ابوفيصل على النقل


مرحبا ومسهلا يالحد الرهيف والله يحييك ويحيي مرورك العذب

محمد الفردان
23-04-2007, 09:54 PM
بسم الله الرحمن الرحيم
السلام عليكم ورحمة الله وبركاته
أرحب أرحب أرحب أرحب أرحب أرحب أرحب أرحب أرحب

قسم بالله انك وفيت ولاهنت ياوجه قحطان

فهد بن حسن آل عادي
23-04-2007, 10:26 PM
بعد التحيه



لا هـــنـــــــــــــــــــــــــــــــــــــــــت .

ذيب المعادي
23-04-2007, 10:34 PM
صح لسان

الشاعر ابن فطيس

ولا هنت على النقل الطيب

ياطويل العمر

معيض بن صميع
25-04-2007, 10:48 AM
بيض الله وجهك يابو فيصل



دائما جزل ومميز فلك الشكر الجزيل ..



صح لسان بيرق الشعر ودمت بخير ..

عبدالعزيز الخنفري
26-04-2007, 07:07 PM
«®°·.¸.•°°·.¸¸.•°°·.¸.•°®»الله لايهينك ياكفووووووووووووووووووو ماقصرت ياراعي الاوله:46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: «®°·.¸.•°°·.¸¸.•°°·.¸.•°®»

سعدالحبابي
06-05-2007, 06:12 AM
ماشاء الله علي شاعر المليون عز الله يستاهل المليون بجداره لاهنت ياعلي لاهنت

علي بن مسفرالحبابي
19-11-2007, 12:34 PM
كثر الله خيرك

ولاهنت يالذيب


مبدع كالعادة


وصح لسان الشاعر المتألق بن فطيس

الف شكر

هلا وغلا والله يحييك يامحمد

فارس قحطان
19-11-2007, 01:28 PM
السلام عليكم ورحمة الله وبركاته



صح لسان بن فطيس


والله لا يهيينك يابوفيصل



مميز دايم بمواضيعك



.

مشاري بن نملان الحبابي
20-11-2007, 12:25 PM
بسم الله الرحمن الرحيم


السلام عليكم ورحمة الله وبركاته

لاهنت

ابن حرق
20-11-2007, 11:07 PM
الله يجزااااااااااك خير والله مجهود رائع

علي بن مسفرالحبابي
24-12-2007, 10:30 PM
لاهنت

ولاتهون

محمد الفردان
07-06-2010, 03:30 AM
لا هنت وصحيت ودام لنا هالقلم الرائع

نقل جميل

عوض العبيدي
10-06-2010, 01:41 AM
بيض الله وجهك
وابن فطيس من فحول الشعر