المساعد الشخصي الرقمي

مشاهدة النسخة كاملة : قصيدة بـ500.000 ريال


شبل قحطان
28-09-2004, 03:03 PM
قصيدة بـ500.000 ريال

قصيدة الملازم / مشعل بن محماس الحارثي / التى القاها امام صاحب

السمو الملكي الامير سلطان بن عبدالعزيز في ميدان مجموعـة لـواء

الملك خالد الرابع في المنطقة الجنوبيه .والتى نالت

استحسان سموه ، وتم مكافأته بميلغ (500000 الف ) ونقله الى مكتب

سموه ، وقطعة ارض من الامير خالد ، ومبلغ مالي غير محدد ، ومن

نـائـبــه مـبـلــغ مــالــي غــيـــر مــحـــدد .

-------------------------------

خل النياح وفارق العـش يـا طيـر =غرد وهز الريش فـي كـل عالـي

اليـوم هـذا غيـر وأيامنـا غيـر =والبارحـه ماهـي سـوات الليالـي

الأرض صارت في عيوني نواويـر = والبـدر تـم وجامكـان الهـلالـي

وأبها تحدت فـي بهاهـا الغناديـ =رفلـت جدايلهـا وقـامـت تـلالـي

وفي وجه خالد للفرح ألـف تعبيـ =روحجاج فيصـل فيـه كـل ابتهالـي

من السعادة باقـي شـوي ونطيـر =عز الله ان اللي لفـا الـدار غالـي

يامـر حبـا مـاغـرد العصافـيـر =يامرحبـا مـازاف نبـت السهالـي

ترحيب أحلى من حليب المصافيـر =وضح رعت روض ربيـع وخالـي

باللي شكت رجله طـوال المشاويـر =ياطابهـا درب الخـطـر مايبـالـي

قرت عيون اللـي يحبـون ياميـر = طاريك.. والاالحيـن شفتـك قبالـي

ياما حسبت الوقت حسـب الدنانيـر =اسامـر انجـوم الثـريـا لحـالـي

مبطي وانا اسمع فيك وصف البياطير =واليوم جالي في القصيـده مجالـي

يا سيـدي مـال القوافـي معاذيـر =عـن البيـوت الوافيـات الجزالـي

من لاجعـل للمـدح قيمـه وتقديـر =ماضنتـي يلفـت ذهـون الرجالـي

وانت الذي معك السحاب المزابيـر =تمشي. ميتبعـك الحيـا والخيالـي

وانت الذي بسمك تبـاع الأساريـر = ومثلك له اسمـاءً عـراضٌ طوالـي

سلطان يا سلطان من يومك صغيـر =مافي تسلطانـك وشخصـك جدالـي

كانـوا ولازالويسمـونـك الخـيـر =وياكثر الاسما اللـي تزاحـم فبالـي

كريـم سبـلا الأزبـون المخاسيـر =طلـق الحجـاج الابعيـد المـدالـي

درع البـلاد الاطويـل الاشابـيـر =أبـو اليتيـم الاعشيـق المعـالـي

لو الله ابن مسطر المجـد تسطيـر =على حصـى الأرض ونفودالرمالـي

واخو فهـد ذروة سنـام المشاهيـر =صفوت ملوك الارض بـاول وتالـي

فهـد ولاقلنـا فهـد جـاوب النيـر =تهتـز لسمـه راسيـات الجبـالـي

زعيمنا اللي للعـلا واصـل السيـر =حتـى تعلينـا علـى كـل عـالـي

مال الطموح بوسط راسـه معاييـر =ولا للعوج عنـده ياكـود اعتدالـي

اليازعل تزعـل ملـوك وجماهيـر =وليا رضى ينهـى جميـع الجدالـي

ما يشبه غير الثنيـن ألمنـا عيـر =انته وابـو متعـب كريـم السبالـي

عبدا لله اللي فيه من سالـم الزيـر =خطل اليمين الليـث حـام التوالـي

سقم العـدو الياهـرج دون تفكيـر =رده على العـدوان جاهـز وحالـي

نفخـر بكـم والاالقصايـد تعابيـر =يا شيوخ نجد الشعب كلـه موالـي

والله لوفيكم عـن الملـك تقصيـر =ما خصكـم ربـي عظيـم اجلالـي

منا وفينـا مـا لفيتـو مـدا ويـر =حكامنـا وقـت الدهـور الهزالـي

ورث الجدود امن الليال المعا سيـر =قبل القصور وقبل صـرف الريالـي

هاك الزمام سلاحنـا حملـة بعيـر = ومـن يومهـا متوثقيـن الحبالـي

منها جنـا واضـح ولافيـه تغييـر = نموت مـا نرضـى عليـه البدالـي

ما استعمرونا اللي غذاهـم خنازيـر =تشهد لنا شهب السنيـن الخوالـي

من قبل عاشر جد ابو بوش وبليـر = ماهي ثـلاث شهـور والاحوالـي ؟

واليوم فـي وقـت الرخاوالتياسيـر =شفنـا العجـب لااوالله الاالهبالـي

يا كثر ما قمـت تسـوق المقاديـر =وياشيب عينـي لاذكـرت وطرالـي

المسجد اللي هزه أصـوات تفجيـر =في حـزة فيهـا يجـاب السوالـي

والمسلم اللي ذبح مـن دون تبريـر =ودم الرضيع اللي على الوجه سالـي

ينشدك يا مكفر هـل الديـن تكفيـر = -وش حكم ذبح المسلميـن العزالـي

تدبـر القـران والهـدى تدبـيـر =واخذ الجـواب بصيغـة والكمالـي

فضحكـم الله يـا لوجيـه المغابيـر =ياطغمـة التخـريـب والانحـلالـي

واللي على الفتنـه تـدق المزاميـر =نعرف مطامعهم علـى كـل حالـي

ونعرف من يدفع رسـوم الفواتيـر = يا لحيه اللـي جحرهـا الاحتلالـي

لنحورهـم حنـا سـوات الازاريـر = حنا حمـاة الديـن ياهـل الظلالـي

الأرض نزرعها رمـاح ومساميـر =يحـرم عليهـم وطيهـا بالنعـالـي

ديارنا مـا هيـب كابـل وكشميـر =ياهمـلالـي صــدق ياهمـلالـي

حامينها الاجـداد عـج ومعاصيـر =بسيوفهـم علـى ظهـور الجمالـي

واليوم يا سلطـان شفهـم طوابيـر =ملو من المجلاس تحـت الضلالـي

يبـون يـوم فيـه للحـق تكبـيـر =عـن الكـلام تبـان فيـه الفعالـي

ياسيدي قل وش تبي بس ويصيـر =حدد هدف لـو هـو عسيرالمنالـي

فالجـو نفاثـه وفالقـاع جنـزيـر =وان مت هاك اليوم من طيب فالـي

هـذا وطنـا ماسكـنـاه تهجـيـر =الجيـش واحـد ماجمعنـا الحثالـي

لوينتخـي عرعـر تلبيـه خرخيـر =كل الجنوب يصير جنـب الشمالـي

لا يا وطن لا تحسـب انـا مدابيـر =لوالدهر في بعـض الاحيـان مالـي

طالبك لاتجفل مـن الوقـت وتذيـر =وكــلٌّ ابـنـاك وبالله الاتكـالـي

وان كان ما شفت السعد والتباشيـر =عيـبُ علينـا لبسـنـا للبـدالـي

نذرً على لحرسك وافديـك واغيـر =ديني وعرضي فيـك واغلىحلالـي

واللـي ياثـر فيـك بيـات تاثيـر =ابرى منـه لوكـان عمـي وخالـي

وان مت واخذتني صروف المقاديـر =والله لوصـي فيـك حتـى عيالـي

فارس قحطان
28-09-2004, 04:09 PM
هلا والله بشبل قحطان

قصيده رووووووووعه

وسلطان الخير

هو اهل للمدح والقصيد

خالد آل مطرف العاطفي
28-09-2004, 06:27 PM
لا.... هنت ياشبل اليسود

اختيار .. موفق
وقصيدة .... قويه
سلمت يمينك .. على النقل

صبي بهوان
30-09-2004, 11:09 PM
اختيار موفق , والله انها للي يستاهل الخير كله , ابو خالد جعل ربي يطول عمره واخوانه
ولك جزيل الشكر يا ناقلها , والله اني كنت ادور لها .

تحياتي

شبل قحطان
01-10-2004, 04:20 AM
مشكووووور اخوي فارس على المرور وهذي مافيها شك.

ولا انت اخوي خالد ومشكور على المرور.

مشكور اخوي صبي بهوان على المرور واي قصيده في بالك وتبيها لايردك اللي لسانك

شبل قحطان
13-10-2004, 04:00 AM
مشكوووووورين ياالذيابه على المرور

حراف
13-10-2004, 09:02 AM
لاهنت ياشبل قحطان



القصيدة صح السان قايلها وهي والله تستاهل ويستاهل راعيها



[line]


اخووك حراف

شبل قحطان
21-03-2005, 03:23 AM
مشكووووووور اخوي حراااف على المرور

المعمري
21-03-2005, 04:40 AM
لا هنت يا شبل قحطان تقبل تحياتي وتقديري اخوك المعمري

شبل قحطان
22-03-2005, 01:42 AM
يشرفني مرورك اخوي المعمري

الامبراطور
23-03-2005, 01:52 AM
لا هنت يا شبل قحطان لاهنت قصيده روعه

ابن الشايب
23-03-2005, 03:51 AM
الكلام الطيب ياتي من هل الطيب, ياشبل قحــطان

السيف النادر
23-03-2005, 07:38 PM
لا هنت يا شبل قحطان

صح لساااان / مشعل الحارثي

وسلطان الخير يستاااهل ....

سلمت يمينك يا الشبل

تقبل تحياتي

حمد الحميداني
04-04-2005, 07:43 PM
لاهنت ياهزبر
ولا فض فوك يامشــــــــــعل الحارثي
وانا اشهد

( ملوا من المجلالالالالالالاس تحت الضلالي)

حمد الحميداني

هاوي نجد
04-04-2005, 09:24 PM
شبل قحطان

لاهنت على نقللك للقصيده

وصح اللسان الشاعر الحارثي وسلطان الخير يستاهل المدح

قصيدة رائعه ومن الشبل الرائع الي ما يجيب الى المميز

تقبل تحيات اخوك