المساعد الشخصي الرقمي

مشاهدة النسخة كاملة : لاتـــــعـــتـــذر


ابن خميس
09-04-2007, 02:11 PM
لاتعتذر فاتـت وحـان افراقـك
=قربك وبعدك فالنظـر سيانـي
شفتك تعديتـي حـدود افاقـك
=واسبابها مدحي ونطق لسانـي
ودامك تصد وخاطري مشتاقـك
=وتزيد لوعات الزمان احزانـي
يمين لاعلنها وازيـد احراقـك
=واسقيك من كاس الهوان الواني
أرسم غروبك رسمتي لاشراقـك
=وارجّعك وقت ٍ مضى من ثانـي
يومك تجين وتشرحين اشواقك
=والدمع يسرق كحلة الاعيانـي
يوم الغلا يجتاح كـل اعماقـك
=وأنا الوحيـد بدنيـة الخلانـي
علمتني في ساعتيـن اشتاقـك
=وانـا علـيّ اعلمـك تنسانـي
ماعاد يغرينـي سنـاء براقـك
=ولاعاد لك في مهجتي عنوانـي
أول تشـوّق نظرتـي لعناقـك
=واليوم مات الشوق فالوجدانـي
الديّن رديتـه وجـاك اطراقـك
=والحمد للـي رجّـح الميزانـي
كنتي تبيها فخر بيـن ارفاقـك
=وأنا تـرى حققتهـا بالعانـي
لاتعتذر فاتـت وحـان فراقـك
=قال المثل فاتت علـى ونيانـي

للشاعر/ النايف

@تركي السنحاني@
09-04-2007, 02:15 PM
لاهنت يا ابن خميس وبيض الله وجهك على نقل القصيده الرائعه والطيب مايجي منه الا الطيب

وصح لسان الشاعر : النااايف

دمتم بود

معيض بن صميع
09-04-2007, 04:40 PM
.



ارحب يابن خميس



مشكور يالغالي ولاهنت ..



إختيار موفق ونقل متميز كالعادة ..



صح لسان النايف .. وقصيدة عذبة ..




تقبل التحية والتقدير ..