كريم يابرقاً على الراشدة لاح ..........................

[علي بن شداد القحطاني]

كريم يابرقاً على الراشدة لاح=أسقى مضاميها وملا غدقها
ياسابقي حولية والعزا باح=أشوف خلان تشايز رفقها

السؤال هل قائل هذين البيتين شاعر واحد .

وتقبلوا تحياتي ،،،

[ابن عياف]

ارحب يا أبو ابراهيم

كأني سمعت البيت الاول من شايب في بيشة

الراشدة : هل هي جبال الراشدة في بيشة اما لا

سأبحث عنها عنده بإذن الله لعلي أجد طلبك

وان شاء الله الشباب بيوفون الباقي وبيجيبون العلم

مع خالص تحياتي وتقدير

[متعب الهاجري]

مرحبا بالباحث القدير علي ابن شداد القحطاني

هذي طال عمرك للفارس ابن شويع من الهيازع آل عميره بني هاجر

ياسابقي حوليه والعزا باح (القصـــاب)
هذي من قصص قبيلة بني هاجر قيل الشاعر الذي قال (يا سابقي حوليه والعزا باح)
من بني هاجر أما اسمه فيقال أنه ابن شويع من الهيازع ،
، وهو أحد فرسانهم وشعرائهم وقبيلة بني هاجر أقل من بعض القبائل عدداً إلى أنهم مشهرون بالشجاعة والكرم، ومن المعروف في ذلك الوقت ارتفاع قيمة الخيل، لأنها أكبر وسيلة دفاع عندهم. الشاعر الهاجري المذكور قال أبياتاً يصف فرسه مع شجاعته وذكر بالأبيات قوله :


تلحق بشغموم ايدور للمداح = شرد بضربة من يد ما زرقها

يقول أنني لست ذليلاً بل أصل إلى الفارس ولا أخاف منه، كما ذكر بالأبيات قوله :


ما دام خشم الذيب مسرا ومصباح = تعرس بنا الشينة وكل عشقها

وخشم الذيب محل يتواعدون فيه الغزو، وأي شخص يبين له فعل وشجاعة تخطب بناته زوجات ولو ما عليهن جمال نظرا لطيب أهلها يقول:


ما دام خشم الذيب مسرا ومصباح = تعرس بنا الشينة وكل عشقها

يقول بالأبيات :

وهذه القصيده كامــــــــــــــــله:



يا سابقي حوليه والعـزاء بـاح=واشوف خلان تشايـز رفقهـا


اسعى لها بالبر ما نيـب مـزاح=درب الصعود اللي شحمها فتقها


واقطع مسامير زبرها كما الداح=وأربع بكف ثوينـي لاطرقهـا


أبغي إلى ماجن مع الحزم جمـاح=لاهي على الصابور توطي شنقها


كن ذيلها شختور صيف إلى لاح=على القطاه تنثره مـن زهقهـا


تلحق بمدغوش يدور للامـداح=خطر بضربه من يـد مازرقهـا


جده وأبوه متعبينـه بالامـداح=من نسل جمهور توالـي لحقهـا


كله لعنا قوله عقـب مـن راح=ما زيد تفك البل من اللي وسقها


فكم ذود مصلاح شيعناه بصياح=وغبوقة الماء عقب دافي شلقهـا


كريم يابرق على الراشـدة لاح=يسقي الخريما لين غبـى شنقهـا


ديرة بني هاجر مروين الأرمـاح=هل فرسه من يوم ربـي خلقهـا


ما دام خشم الذيب يطرا بمصباح=تعرس بنا الشينه وكل عشقهـا


كريم يابرق على الراشـدة لاح=يسقي الخريما لين غبـى شنقهـا

الراشده والخاطبيه ديار بني هاجر وتقع في بيشه

وسلامتكم

من هذا الرابط http://www.qahtaan.com/vb/showthread.php?t=279

[سلطان العبيـــــدي]

قصيده مشهوره

عند اهل بيشه ويحفظها الكدادات والمظافره والهيازع من بني هاجر وقبيلة شهران المتواجدون في بيشه

وهناك خطأ مطبعي

اسعى لها بالبر ما نيـب مـزاح=درب الصعود اللي شحمها فتقها


والتصحيح

اسعى لها بالبر ما نيـب مـزاح=در الصعود اللي شحمها فتقها

وقائل هذه القصيده الفارس ماضي بن شويع الهاجري

[@تركي السنحاني@]

الشباب ما قصروا



لاهنت يا ابو شداد على كل حال