(( مزرعة صاحب السمو الملكي الأمير / خالد بن سلطان ))

[هايل]

منذ سنوات وانا أسمع عن مزرعة صاحب السمو الملكي الأمير / خالد بن سلطان بن عبدالعزيز .

وهي تمثل أجمل مزرعة نموذجية في الشرق الأوسط .

أجمل مزرعة في المملكة تقع في محافظة القويعية غرب الرياض ..

شيء ولا في الخيال ..

صور فوق الوصف

وهذي بعض المعلومات عن المزرعة :-

يطوق المزرعة (لاحظوا يطوق) 70 ألف شجرة .

بها 12526 نخلة تنتج 618 طن من التمور .

فيها 31900 أشجار موالح تنتج سنوياً 700 طن من البرتقال 400 طن من الليمون

بها مئات البيوت المحمية تنتج 650 طن من الطماطم و 1200 طن من الخيار .

تنتج 4000 طن من التبن .. أكرمكم الله .

فيها 300 ألف زهرة .

إنتاج عشرة آلاف نبته داخليه .

توفر أكثر من مليون شتله سنوياً .

يوجد بها 70 خلية نحل تنتج طن من العسل سنوياً .

تنتج سنوياً مليون وسبعمائة ألف طائر سمان .

تنتج 16 ألف دجاجة سنوياً .

بها 35 ألف رأس من الماشية تنتج 18 ألف رأس سنوياً .

بها مصنع كامل للتغليف والتعبئة .

بها حديقة حيوان برية .

بها متحف للأسلحة والسيوف .

يعمل بها 600 عامل .

يوجد بها 25 بئراً .

بها قصور وفلل وسكن عمال ومسجد ومركز طبي ونادي رياضي وترفيهي ومطار صغير

http://www.qahtaan.com/works/up/uploads/qahtaan-04-06-1175879435.jpg (http://www.qahtaan.com/works/up)

http://www.qahtaan.com/works/up/uploads/qahtaan-04-06-1175879488.jpg (http://www.qahtaan.com/works/up)

http://www.qahtaan.com/works/up/uploads/qahtaan-04-06-1175879538.jpg (http://www.qahtaan.com/works/up)

http://www.qahtaan.com/works/up/uploads/qahtaan-04-06-1175879591.jpg (http://www.qahtaan.com/works/up)

http://www.qahtaan.com/works/up/uploads/qahtaan-04-06-1175879634.jpg (http://www.qahtaan.com/works/up)

[@تركي السنحاني@]

لاهنت يا ابومحمد على النقل والصور الجميله

وانا كنت اسمع فيهامن اول وهاذي انا اشوفها ذلحين

صدق
(( جنه الله في ارضه ))

[سعيد بن مذي]

الله يرزقنا :(

لاهنت يا علي

[العبدي]

ما شاء الله . .
وأنا على خط الحجاز وهي اول مرة اجي معه . .
وانا في الليل شفت مزرعة على اليمين وانت رايح وهي قريبة من الخط . .
بس والله ناسي هي قبل ولا بعد القويعية . .
مشكور يا بن محمد

[الواصل]

زد وبارك

[@ابوريان@]

مشكور

[عبدالله آل عباد]

سبحان الرزاق

هو خالد بن سلطان بن عبد العزيز ولا واحد غيره

[هايل]

مشكووووووورين على مروركم

[منصور العبدالله]

بس للتصحيح هي مش في القويعيه


هي على الطريق وانت طالع القويعيه


وتبعد عن القويعيه ممكن 100 كيلو


يمكن يتذكر ابن خرصان يوم كنا فريقين في الاستراحة ونلعب مباريات


كنت اروح أصيد لنا غزلان منها....................تذكرت يابن خرصان يوم كنت أروح اتمقنص



علي بن محمد مشكور على هالمعلومات والصور الحلوة


ومهما قلنا يابو محمد مانوفيك حقك...تحياتي

[ابن خضير]

السلام عليكم ورحمة الله وبركاته


المزعة تقع في تبراك وتبعد عن القويعية اكثر من (90) كيلو ومن الرياض (100 )كيلو

ولك تحياتي

[السعيدان]

هذه هي الدنيا!!!!!!!!!!

غنيــــــــــها مفتــــــــــــون ...... وفقــــــــــــــــيرها محـــــــــــــزون؟؟؟؟

أسأل الله أن يعوضنا الجنه خير من الدنيا ومافيها

[صالح ابو مريحة البشري]

الله يحسن منازلنا في الاخرة

[بن خرصان]

لاهنت أخوي محمد

والصور قد جاتني في الايميل قبل ثمان شهور...لكن شاك في صحت هاصور ....



عاد منصور الله يحفظه .......كان يجربع في شعيب جنب المزرعة...

والمشكلة ...يروح ليلنا كله ماصاد الا جربوع واحد وجايه شلل رباعي.

[ابن عياف]

لاهنت

لاهنت

لاهنت

[عبدالله آل عباد]

أبن خرصان

الله يعطيك العافيه


خخخخخخخخخخخخخخهه

والله أن قدني أرحم منصور من كثر ماتعلق عليه

[بن خرصان]

أبو جابر.........

هذا الشيخ منصوووريووووف

أذا مامزحنا معه وتلزقنا في الشيوخ اللي مثله وشرواه ...من بن تلزق به أجل



طيب أنت وينك متغيب عن الكورس اللي حاطه في مجلس اللغة......:cool:

تراني أحاريك عن باب المجلس لاتأخر .......لا أسويلك حرمان من المادة:mad:


وش رايك ,,يمديني أصير محاضر عندكم...........كل الدعوة نفخات وعنطزه عن الدكاترة في السعودية...:017:

والله أكبر من زين العلم اللي عندهم ........:cool:

والله من الدجة..:cool:

[عبدالله آل عباد]

أيييييييييييييييييييييييه

ليتك دكتور عندنا

الله يلعن ألي ماوده

أقل شي تتوسط لنا نمشي وذا مانفع معك نرسل عليك منصور

الله يوفقك يابن خرصان في دراستك

ومنصور عضو محبوب من الجميع

وياخذ الامور ببساطه وبحسن ضن

الله يعطيك العافيه وياه

والله يا النقره ألي بينكم

أنها تضحك الموتان


بس بيني وبينك

المفروض أنه يثبت موضوعك حق مسابقة الاعضاء والمشرفين خخخخخخخخخخخهه

شوكرن

[بن خرصان]

ههههههههههههه

الله يرج أبليسك يابو جابر


تشوفه...........مسوي ثقل.......ومطنشني عشاني أتميلح عنده..

وموضوعي......له أكثر من شهر ...منطول في الدرج..

وكل ماكلمته عن الموضوع...يقولي راجعنا بكرى :110103_ig .......وش دعوة.!!؟؟



والله.....وانك ماحلفتني يابوجابر...

أذا ماثبت موضوعي..:120103_em

لاأسحب الموضوع واحطه في مجلس اللغة.. عناااااد فيه :040104_em

.واقوووم لطش المواضيع......

زي مايسوي منصور ....يلطش المواضيع من مجلس اللغة..




الله يقطع أبليسك يابو جابر.....ياحبك لاتحرش بين العالم :He-he.: ...........(واحد مسوي ناسي الموضوع حقه)

[عبدالله آل عباد]

بسم الله الرحمن الرحيم



أنت تشتغل على مكينة جمس511؟


بسم الله عليك ياذا الولد مسرع رديت

يوم فيها نقره ومشاكل


صرت أخاف منك بعد الرد السريع ذا

الله يجيبك يا منصور تهجد الاادمي ذا ألي أسمه أبن خرصان

مايعرف له ألا أنت


يا بن خرصان خلك بزنس

عندي قصايد كتبتها في معلمين الانجليزي في أثناء دراستي في الثانوي والجامعه

وأبغى أنشرها عندك في مجلس اللغه وأبي الاعضاء يستفيدون ويعرفون أن العلم في الراس ماهو في القرطاس

أذا بتثبتها أزهل موضوعك

ومنصور خله علي

[بن خرصان]

أول شئ......قول ماشاء الله

مااني ناقص امراض واوجاع ...

عندي روميت (خويي في السكن) ...ماهو بصيط........يوقع الطير اللي في السماء...

كل يومين عاطب فيني حاجة.....

وأن شاء الله بأنقل من الشقة بعد شهر.....وافتك من القلق

ثاني شئ

من اللي يقولك أني سريع في الكتابة...هذا النت الله يحفظك:o





أما موضوع القصايد

فلا يهمك أرسلها على الخاص وانا بشوف اللي يناسب وارد عليك

لاني عارف بعض قصايدكم يأهل الدداسن (جلووووف).... ... ماتصلح..لأهل الانجليزي...(حبايب)




منصووور...where are you

abu jaber >>>>want to tell you

he will destroy this forum

hahahahaha>>>>>أبحل بها يابو جابر الحين.......

وانا من أول أقولك تعال....لكن أنت ماتطيع

[عبدالله آل عباد]

خخخخخخخخخخخخخخهه

روميت

أجل الضاهر أسم على مسمى

بس ماعليك دامك باقي عايش مع روميت هذا يعني أن عندك درع واقي ضد الصواريخ



بعدين كومة الكلام الاعجمي ذا ألي أنت كاتبه

منصور مايعرف وشنهو

منصور تر خوينا حولك حواليك ومعه ددسن <<<<<<< هذي علامة الجوده


بعدين من قال لك أن الددسن للجلوف

لا سلامتك

الددسن سياره فارهه وذات مقاييس عالميه ومعايير سلامه عاليه


وعندي قصيده طويله أكثر من ثلاثين بيت

أوصف فيها ددسني

وبأذن الله أنزلها أول مايكتملون الشله

أقول في بدايتها

ساير وقت البطا حزة خطر ======= مسرع في درب عاصوف ومطر

السمافوقي ومن تحتي حديد ======== ليت منهو جاهل بحالي نظر


ألا أن أقول


مكرة ومفرة وقت الطرد ========= عجلة تمضي ليا ما طال خط

ولها لسان يقول لي يابو قحط ======== فلل البنزيم وعط من النمر


كل شي ألا ددسني لاتغلط عليها






ونا داري يابن خرصان أن منت مقصر معنا في ألي تقدر عليه

والله يوفقك


شوكرن

[بن خرصان]

والله احرجتني يابو جابر

بعد هالقصيــــــدة العصماء.......في مدح أم عزيز

ماعادني متكلم على ددسنك هاليومين...


واما منصور تراه فاهم من ذي مبطي....من ايام وادي الغلاء....بس

مسوي ثقل ولا يمرنا في مجلس اللغة

أصبر عليه....بأشتكيه لفارس قحطان....

واسوي عملية نقل أشراف....


واخليه .....ينقل منصور الخرخير.........أقصد مجلس اللغة..

وانا أجي هناا...

عشان أهجد ال معمر.( المهايطي)

واخليه يحضر 24 ساعة هنييييييا.

واقعد انا والواصل ( الحبيب).....مريحين من قلق الاعضاء ولجتهم...



نسيت أنت عاد أستقبل منصور في مجلس اللغة .....وهجده...يامشرف العنكريزي

[آل معمر]

شفت الصور قبل فترة

وما أدري عن صحة نسبتها لخالد بن سلطان

ولكن الاكيد إن المزرعة فتنة وزينة وما ودك إلا تتمشى فيها

تحياتي

[هايل]

مشكوووووووووووووووووووووورين على مروركم يالغالين

[عاشق الليل]

بس للتصحيح هي مش في القويعيه


هي على الطريق وانت طالع القويعيه


وتبعد عن القويعيه ممكن 100 كيلو


يمكن يتذكر ابن خرصان يوم كنا فريقين في الاستراحة ونلعب مباريات


كنت اروح أصيد لنا غزلان منها....................تذكرت يابن خرصان يوم كنت أروح اتمقنص



علي بن محمد مشكور على هالمعلومات والصور الحلوة


ومهما قلنا يابو محمد مانوفيك حقك...تحياتي


هلا والله من ابطى بلغيبات جاب الغنايم

وينك عسى ما خلاف اشتقنا لك ياغالي


بنسبه للمزرعه فهيه منتجه والله يبارك لصاحبها ومشكور يا بو محمد

[عبدالله السويداني]

من يرى هذه المزرعة من الخارج



لا يعيرها أي أهتمام



لكنها من الداخل كما شاهدنا في الصور



جنة الله في أرضه ؛ وأنا يمكن أمر مع هذا


الطريق ثلاث مرات في الشهر ولا كنت أتوقع


أنها بهذا الشكل







لك تحياتي

[سلامة الهاجري]

قناة صلاح الدين الفضائية برزت قناة صلاح الدين الفضائية على الساحة الاعلامية من جديد لنقلها الحقيقة كاملة عما يدور في ارض العراق ومما زاد حب الناس لها ابراز الهوية العراقية لها المتجسد في الزي العربي الاصيل الذي يرتديه رئيس المذيعين فيها الاستاذ محمد الماضي مما يدل على الانتماء العربي لادارة هذه القناة بالرغم من تقنيتها المتواضعة وحبذا لو كان هناك دعم لهذه القناة الرائعة التي دخلت معظم البيوت بلا استئذان ببرامجها المتنوعة الجميلة واخبارها الصادقة بلا رتوش كما تفعل بعض القنوات الفضائية الاخرى وتبنيها لسياسة العراق للجميع ووطن واحد بلا نزعة طائفية او عرق او دين.

[ذيب ال سلمان]

((جنة الله في ارضــــه )) كما قال اخي (تركي.....)
بيض الله وجهك على النقل:1108276493: :1108276578:

[هايل]

مشكووووووووووووووووووووووووووووووووووووووووووووووو ووورين يالغالين على مروركم