المساعد الشخصي الرقمي

مشاهدة النسخة كاملة : خارطة الطريق (( سعد بن جدلان ))


عبدالله المهداني
06-04-2007, 06:38 AM
شامخة من شوامخ الشامخ سعد بن جدلان



خارطة الطريق


يا ذا الجلال اللي عروشك فوق واملاكك حـدر=ومهماً تسامت به عروشه مستحيـل يطولهـا
يا حـي يـا قيّـوم يـا ذات الأنافـة والكبـر=ما نافسك في عظمتك مكـر العبـاد وهولهـا
وما نافسك من عمّر بيوته على سطح القمـر=واللّي ترسي فـوق اقاليـم الميـاه سطولهـا
ما انته بحاجة من عبد ولا بحاجة مـن كفـر=ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن شكـر=واللي ما يشكر نعمة المنعـم عليـه تزولهـا
ياذا الجبروت العظيم ويـا القديـر المقتـدر=تفزع لنا في معضـلات مـا نريـس حلولهـا
تلعب بنا خلاّن فرغتنـا كمـا لعـب الكـور=أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر=شهب الليالي مـن ورانـا يسحبـن ذيولهـا
أنت السلام اللي لك الإسلام وانت المشمخـر=اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر=وسلام يا روح ملائكـة السمـا صلّـوا لهـا
سلام يا بو بكر يا عثمان يـا علـي وعمـر=وسلام يا سبـع الآفـاق أطلالهـا وسفولهـا
سلام يا صدق النوى سلام يا وسـع الصـدر=سـلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر=وتشرق على كل الديـار جبالهـا وسهولهـا
وسلام يا غر السحاب اللـي تبجـح بالمطـر=وشم الجبال اللي تبجـح بالسحـاب قذولهـا
وسلام يا هوج الرياح اللي عطاهـا مستمـر=مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر=ما تضمحل من الزمان ولا نشـوف سمولهـا
و ياليتنا لاما سرحنا اليوم الأبيض من فجـر=تبطي عبات الليل ما تضفـي عليـه سدولهـا
ولاّ ليامنهـا ضفـن سدولهـا يطلـع بــدر=يا صل ضياه اللي على الكوره تطق طبولهـا
المعتبر يآخذ على الدنيا دروس مـن العبـر=والنـاس يكسبهـا معاملهـا بقـد عقولهـا
أحيان تصدف لعبة الشاطر مع غلطـة عمـر=مره .. لكن لا عدت الغلطة ما عـاد ينولهـا
حنا عرفنا كلنا ما طـال مـن شـيء قصـر=والأحلام ماتوا قبلنا شرهين ما وصلـوا لهـا
حتى الجمال اللي تحمّلها الهقـاوي بالصبـر=يالله بحملتهـا تقـوم وتــدّرج بحمولـهـا
والحب سيسـان العبـادة والعبـادة بالجهـر=ان ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر=للـي تحـد سيوفهـا واللـي تعـن خيولهـا
ولا تفكـر فـي غنـاة ولا تفكـر فـي فقـر=وتشفع لبيضان الصدور احضوضها وفعولهـا
واهل التكلـف بالمعرفـة والتصنـع بالبشـر=والله ما هي حول الصحيح ولا الصحيح بحولها
اللي يفضّل ما يقيم بو ميه مـن بـو عشـر=حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر=واللي تخبره بزر يصبح لحيتـه ذا ..طولهـا

@تركي السنحاني@
06-04-2007, 12:54 PM
اخوي عبدالله المهداني لاهنت وبيض الله وجهك
والابداع دايما متصل باسمك الكريم

وصح لسان الشاعر ابن جدلان

الغبــــــــران
06-04-2007, 03:05 PM
شكرآ اخوي عبدالله
وصح لسان الشاعر ابن جدلان

سعيد بن مذي
06-04-2007, 09:28 PM
الشاعر سعد بن جدلان

مدرسة في الشعر مما شاء الله عليه

وإنت يا عبد الله مدرسة في الإبداع

وإنتقاء المواضيع


لك كل الشكر يالغالي

معيض بن صميع
09-04-2007, 04:51 PM
.




ارحب ياعبدالله ولاهنت




صحت يمناك على هالتميز والإبداع



وصح لسان ابن جدلان ..



فعلا هي إحدى شوامخ هذا الشامخ ..



تقبل التحية والتقدير ..

عبدالله المهداني
10-04-2007, 04:55 AM
اخوي عبدالله المهداني لاهنت وبيض الله وجهك
والابداع دايما متصل باسمك الكريم

وصح لسان الشاعر ابن جدلان



اررحب يابو عبدالله


ولاهنت على المرور


ولك تحياتي


:)

ابو فراس المندي
14-04-2007, 11:37 PM
بيض الله وجه الشاعر

ولا هنت على نقل هذه الرائعة

وننتظر جديدك

تحياتي لك

أخوك / أبو فراس المندي

عبدالعزيز الخنفري
24-04-2007, 06:41 PM
«®°·.¸.•°°·.¸¸.•°°·.¸.•°®»السلام عليكم ارحب والله انها قصيدة كفو ومن رجال بلا شك انه كفو وبيض الله وجهك وماقصرت«®°·.¸.•°°·.¸¸.•°°·.¸.•°®»:075: :075: :075: :075: