حسين العبدي أحد أعضاء اللجنه الإعلاميه لمزاين قحطان

[سعد بن عدال]

إعلان



تم تكليف الزميل عضو شبكة قحطان الشاعر والاعلامي حسين العبدي بالانضمام للجنة الاعلامية لمزاين قحطان.


ويرأس اللجنه الشاعر والاعلامي الكبير عبدالله حمير القحطاني وتضم نخبة من اعلاميي قبيلة قحطان وتقوم بالمهام التاليه:ـ


مهام اللجنة الإعلامية

- عقد وتنظيم المؤتمرات الصحفية قبل وأثناء وبعد المزاين.
- إعداد النشرات الإعلامية أثناء المزاين واعتمادها.
- إعداد الأخبار الصحفية وإرسالها إلى الصحف والقنوات التلفزيونية بعد اعتمادها من المشرف العام أو نائبه.
- دعوة الإعلاميين وأخذهم في زيارات ميدانية على المزاين.
- تزويد الصحف والقنوات التلفزيونية ووكالة الأبناء السعودية بأخبار المزاين وخاصة الافتتاح.
- إعداد مجلة المزاين (عدد واحد) عن الرعاة للمزاين والإبل المشتركة وبعض المقالات والمعلومات الهامة عن قبيلة قحطان وفروعها.
- إعداد لوحات الاستقبال ووضعها في الأماكن المناسبة.
- الترتيب مع المصورين الفوتوغرافيين والتلفزيونين.
- توثيق المزاين إعلامياً وتلفزيونياً وذلك من خلال تأمين مصورين محترفين لهذه المهمة.

.................................................. .................................................. ................




وهذا يعد دليل واضح على كفائة زميلنا الأخ / حسين العبدي ..ونتمنى له ولزملائه التوفيق والنجاح..




التحيه لجميع من شاركنا وتمنياتي لكم بالتوفيق

[أبو عساف]

لاهنت ياسعد

وحسين يستاهل العلم الغانم والله يعينه ويجمله في خدمة بني عمه

وأن شاء الله يجمل قحطان بالعلم الغانم

تقبل ودي وتقديري

[ديمقراطي]

لاهنت اخوي سعد

واخونا العبدي يستاهل كل خير وكفوا لهذا المنصب


الله يوفقه ويعطيه العافيه

[سعيد مسعود العماني]

الله يوفق اخونا العبدي في مهمته الجديدة

جعلهم على القووووووووووووووووة

[الهلاال]

لاهنت ياسعد وبيض الله وجهك

الله يعين الي العبدي والي معه والله يبيض وجيههم جميع

الي في الجنه الاعلاميه ولافي اي شي صغيره وكبيرة

كفونا فيها كلها الله يكفيهم الشر.

[مرعي بن دواس الحبابي]

الاخ سعد ابن عدال

الله لايهينك

ونتمنى للاخ والرفيق حسين العبدي التوفيق


اخوك

[حسين العبدي]

اخوي الغالي،، سعد بن عدال


لاهنت على ايراد الخبر وهذا الشيئ ليس تكليف بقدر ماهو تشريف لي بمحاولة خدمة قبيلتي.


واسأل الله ان يعين الجميع على مايرضيه

[العبدي]

مبروك للأخ الشاعر حسين العبدي وبالتوفيق انشاء الله . .

وبالتأكيد لم يوضع في هذه المهمة الا وهو أهل لها . .

وخــير من يمثل قبيلة ال العبد في المزاين . .

وبالتوفـــــــــــيــــــــق

[طلق الحجاج]

لاهنت اخوي سعد على الخبر واخونا حسين العبدي كفو ومااختاروه الا وهو قدها والله يعينا
وياه ويوفقه هو واخوانه اللي في اللجان .

والله الله يالربع في الحضور واليوم يومكم وعقبها كلن بيروح في فاله

والمزاين لكم وكل القبايل تشوف صبيان اقحطان ومزاينهم

واللي مايحضر من المتواجدين في نجد كله مالهم عذر واللي محله بعيد اكيد انه معذور

[عبدالله المهداني]

سعد بن عداااال


بيض الله وجهك على التنويه

وحسين العبدي كفو لما اسند اليه


وأطلب من الله العلي القدير ان يجمل المواقيف ويقدر على إقامة المزاين على أكمل وجه وهذي ليسة بغريبه على صبيان قحطان


تحياتي

[ابن عياف]

يستاهل

وهو كفو باذن الله

وقد المسؤولية

والله يوفقه

ولاهنت أخوي

[الفارس الجنوبي]

مهمة صعبة جدا اللله يوفقه تحيااااتي

[بن خرصان]

لاهنت على سرد الخبر

والله يوفق الاخ سعد العبدي في مهمته الجديدة.....

[علي بن شداد القحطاني]

شكرا يأخ سعد وبالتوفيق للأخ حسين العبدي في مهمته التي تعكس واجهة قحطان في هذا المزاين .