(( ......... ولــــــــيد ..........))

[محمد بن مسفر القويفل]

وليد يا ابن الشامخ اللي سطع فوق= فوق النجوم وفوق نجم الثريّا
يشوش راس القرم وينبض به عروق = واللاش يجعل من كفوفه خبيّا
سلم على خالي وقلّه ترى الطوق = أعظم من طويق الجبل في الحميّا
قله ترى بشت به الزري مطبوق = ما عاد يستر لو لباسه تهيّا
أحدٍ يقول الحق ويطالب حقوق = وأحدٍ ترك درب الحقوق وتعيّا
كم كلمةٍ عرت لها وجه ممحوق = يموت راعيها ولو كان حيّا
نصبح لنا غاية وأهداف وسبوق = ونمسي وحن ناطا على كل غيّا
نحلم على الجاهل إذا جاك مطفوق = ونشوم عن هافي الحيا والمحيّا
نبذل ولا نرجي شكر أي مخلوق =وفي ضلنا يا كثر منهو تفيّا




محمد بن مسفر بن مناحي

[ساج الوقت المشعلي]

لاهنت يابومسفر وصح لسانك

تقبل تحيات

أخوك/ ساج الوقت المشعلي

[أبو عساف]

صح لسانك وعلا شانك وبيض الله وجهك يابومسفر على هذي القصيده

ومسندها على رجال كفو وخالك كفو ونعم بالقوافله كلهم

والله يعينك على الأخرى

تقبل ودي وتقديري

[عبدالله ابن شايع الزهيري]

ونعم يابو مسفر


صح الله لسانك


وراعي المدح يستاهل


الله يحفظك

[عبدالله المهداني]

ارحب يا محمد


من طول الغيبات جاب الغنايم


مسند القصيده على مطلق وخالك مطلق


والله لا يحرمنا من تواجدك العذب



تحياتي :)

[مهدي بن مسفر الحبابي]

أخوي محمد القويفل

صح لسانك وبيض الله وجهك

رايعه ووافيه من وافي ومسندها على وافي

لك فائق احترامي وتقديري

[حمد بن عروان]

ابو مسفر صح لسانك ملياااااااااااااااااااااار

[@ابوريان@]

ونعم يابو مسفر


صح الله لسانك

[محمد بن مسفر القويفل]

ساج الوقت
المشعلي
صح بدنك ولاهنت
لك خالص تحياتي


=============


أبو عساف


ابيض وجه يا ابو عساف
ما عليك زود يا ابن مفلح

لا هنت ودمت



=================



عبدالله بن شايع الزهيري


ما عليك زود يا بو شايع


وشيك على الرسايل

سعدت بوجودك لك خالص تحياتي



==================



عبدالله المهداني



تبقى يا عبدالله

الغنايم والله تواجدك وتشريفك للقصيده بردك

ما عليك زود طال عمرك



تقبل تحيات اخوك



=================


مهدي بن مسفر الحبابي



ما عليك زود يا ابو مسفر

الرائع تواجدك يا القرم
تقبل تحيات اخوك ابو مسفر يا ابو مسفر


================


حمد بن عروان


صح بدنك تريليووووون والله مدري هي تكتب كذا والا لا (:


تقبل تحياتي وتقديري




==================



ابو ريان



ما عليك زود يا ابو ريان وصح بدنك يا الغالي



لك خالص تحياتي وتقديري

[معيض بن صميع]

.


صح لسانك يامحمد بن مسفر




ونعم بك وبخالك وبابن خالك



قصيدة جميلة وحضور رائع



تقبل تحياتي ..

[@تركي السنحاني@]

صح لسانك وبيض الله وجهك يالقرم

والنعم في القوافله جميع

[محمد الحياني]

صح لسااااااااااااااااااااانك


وعلا شاااااااااااااااااااااانك



مبدع وفقك الله

[سعد القحطاني]

الاخ الشاعر / محمد القويفل

صح لسانك مدد

ابدعت يامبدع وانت دائماً مبدع وجزل

لكن عيبك الوحيد انك تقاطعنا جدا

تشرفت واستمتعت بقرائة هذه الرائعه

والتي تكمن روعتها في طيب شاعرها وطيب من اسندت عليه

دمت ودام ابداعك

اخوك ،،،،

.

[محمد بن مسفر القويفل]

الاخوه الاعزاء


معيض بن صميع

صح بدنك والله لا يهينك


ما عليك زود

الجميل تواجدك لا هنت

تقبل تحياتي



=============


تركي بن فرحان الجعادنة

وجهك ابيض وصح بدنك
وما عليك زود طال عمرك



تقبل تحياتي


=============


محمد الحياني


صح بدنك يا سمي

اسعدني تواجدك

لا عدمتك


تقبل تحياتي



=================




مراقبنا الغالي

سعد القحطاني


الابداع في تواجدك

والعذر من الله ثم منكم في القصور وقل الحظور

والله ان ودي اني مقابل النت وراد على كل واحد منك رد خاص
لكن من قل الفرصه وانشالله نتواجد معكم باستمرار


تقبل تحياتي وتقديري





اخوكم
محمد بن مسفر بن مناحي

[علي بن مسفرالحبابي]

صح الله لسانك يامحمد
علي هالقصيده الكفو فيمن يستحقها
وليد وابوه يستاهلون

[سفر بن مبارك]

صح السانك أحوي محمد لاهنت............................................. .......

[بندر الضيغمي العبيدي]

صح الله لسانك لاهنت ,,,,,,,,,,,,,,,,

[رائد نملان الحبابي]

صح الله السانك

اخوي الغالي

على هاذي الدرر الفريده

وتقبل مروري ..