المساعد الشخصي الرقمي

مشاهدة النسخة كاملة : قصـــيده ابكتـــني عنـــد كتابـــتها وبــــها طــلب لـــي ولــــكم


عاشق الليل
30-03-2007, 08:58 PM
يالله إني طالبك تثبيتنـا عنـد السـؤال=يوم يصبح كل منـا لـه ثلاثـة اسئلـه
يوم نصبح من قضاك وقدرتك تحت الرمال=وسط قبرن من ظلامه محـدن ابيتحملـه
يالله إنك تعلم إن اذنوبنـا كبـر الجبـال=تابعين النفس مانخجل من اللـي تعملـه
طالبينك لاتخلينا مـن اصحـاب الشمـال=يوم كلن له كتابـن فـي يدينـه يحملـه
ياعظيم الشأن وبيوتك نشد ألها الرحـال=لاتجـازي كـل منـا علـى قـد اعملـه
لأنوزن فضلك علينا مع عملنا الفضل مال=كيف والعاصي وهو عاصي بفضلك تمهله
من يتوب وله ذنوبن في موازينه أثقـال=تمسح أذنوبه وتغفرله وعفـوك يشملـه
في كتابك فرق واضح للحرام امن الحلال=ولطريق الخير نبراسن ولأحـدن يجهلـه
انت ألأول وانت ألأخر وانت شديد المحال=وانت تجزي كل منفـق علـى مايبذلـه
لاإله الا انـت سبحانـك عليـك ألأتكـال=لادعاك العبـد تفـرح لادعـاك وتقبلـه
عبدك المسكين يرجو رحمتك ياذالجـلال=في جنان الخلـد يامعبـود شيـد منزلـه
نلتـوي يالله بحبلـك لاتقطعـت الحبـال=مالنا غيرك ليـا ضاقـت علينـا نسألـه
والختام ادعيك بسمك يامبدل كـل حـال=أغفر لعبدك ووسع بـأي قبـرن ينزلـه


منـــــــــــــــــــــــقــــــــــــــــــول

علي بن شداد القحطاني
30-03-2007, 10:01 PM
عاشق الليل أشكرك على هذا الأختيار الموفق ونسأل الله لنا ولكم الثبات يوم العرض على الأرض .

وتقبل تحياتي ،،،

معيض بن صميع
31-03-2007, 11:40 AM
.



لاهنت أخوي



قصيدة يجب التوقف عندها



دمت بخير

عبدالله الوهابي
31-03-2007, 06:26 PM
عاشق الليل

جزاك الله خيراً على النقل الجميل

بارك الله فيك وفيما كتبت وسطرته يداك أخي الفاضل

ابن ســنيّن
31-03-2007, 11:49 PM
عاشق الليل
أشكرك على هذا الاختيار الموفق
ونسأل الله لنا ولكم الثبات

علي بن مسفرالحبابي
01-04-2007, 03:12 PM
هلا وغلا عاشق الليل ومرحبا بك لاهنت علي النقل المميز
والله يعطييك وتعجبني علومك في كرسي الاعتراف يالغالي
لاهنت لاهنت

خالد بن حامد الحبابي
12-04-2007, 09:13 PM
بيض الله وجهك على هذه القصيده وهذي ثلاث ابيات كتبتها بنفس الموضوع

بيني وبين الدين عهد ومواثيق=انه يخاويني من المهد للحد
وانه يحملني على قد ما اطيق=وانه يكون بساعة الحشر مسند
هذا الرفيق السنع في ساعة الضيق=ينجيك يومن الخلايق تصدد

@تركي السنحاني@
14-04-2007, 10:36 PM
اخوي بيض الله وجهك على النقل الموفق

وقصيده بالصراحه تستاهل الوقوف عندها

محمد الداغر
05-09-2009, 02:21 AM
لاهنت ياخوي ويعطيك العافيه