المساعد الشخصي الرقمي

مشاهدة النسخة كاملة : كيك و عسل فيديو - محمد بن فطيس المري


مبارك بن حاضر
28-03-2007, 10:56 AM
بسم الله الرحمن الرحيم



أقدم لكم فيديو قصيدة ( كيك و عسل )

لشاعر المليون الشاعر المبدع

محمد بن فطيس اليامي



لـمـشــــاهــدة القــصــيدة - أضــــــغــط هـــــــنــا -

و للحــفـظ - كلك يمين بالماوس ثم ( حفظ الهدف باسم ) (http://www.alqsed.com/sha3er-almlyon2/13-3-2007/qsed-bin-f6es-kek-w3sal.3gp)






بعض العرب حبـه يـوردك الجنـون=ولا يوصف لـه غـلاه احكـاك لـه
مايقنعه وصف الغلا لـو وش يكـون=لو كل حـرفٍ بالحريـر يحـاك لـه
الموت جـاك وهـو تقلبـه الضنـون=ولا لك الا الصبر....وش وداك لـه؟!
ان قلت ضايق..قال : هونهـا تهـون=مايدري ان ضيقتك لـه وبكـاك لـه
تقعد تحبه وانـت ساكـت مغبـون=يمكن بيوم يقال لـه مـا اوفـاك لـه
وكانك مشكك هو يمون .. او مايمون=تخيّل ان عفـت الصبـر فرقـاك لـه
غلاه من فـوق الغـلا ماهـو بـدون=وحكاه سمعك يجبـرك بارخـاك له
ودك تحطـه فالعيـون مـن العيـون=وتبسط على رمضى الثرا يمنـاك له
وتظله من الشمس في ظـل الجفـون=ولا يمـر اذنـه سـوا لبـاك له
وتسج مـن غيـره لونهـم يذكـرون=ومنين ما سجت القـدم ممشـاك له
فلو ٍ يميلـه التـرف ميـل الغصـون=غصن ٍ ليـان ومكرمـه بسقـاك لـه
جديله الى اقفى ستـر منـه المتـون=كنّـي بريحـه لالتفـت لدعـاك لـه
يزها الملابس ..اي لبس ..واي لون=وفالليل وجهـه لا ظهـر قـداك لـه
كيك وعسل لكن ماهو فـي صحـون=ودعاك من عين الحسود اغطـاك لـه
الله لا يعطيـه نـاس ٍ ينضـلـون=ويستر عليـه مـن النحـل لا ياكلـه
الوصف والتعبير في وصفـه يخـون=غير اطلب الله يستجيب ادعـاك لـه
وعذال قلبـك فـي محبتـه يخسـون=سكينهـم عـن قطـع حبلـه حاكلـه
اللـي مـن لحـوم الاوادم ياكـلـون=وحلوقهـم دافـع الـبـلا متواكـلـه
ناس ٍ عن اعراض العرب ما يعرضون=ودايم على نفـس الشكـل والشاكلـه
فـي سلمهـم اولا بالاكـل الاقربـون=واطيبهم اللـي صيدتـه شكـواك لـه
يدعيهـم الشيطـان للذنـب ويجـون=هـذا يقـطـع لــه وذاك يواكـلـه
يا جعلهم فدوة ثـر الغـض الفتـون=اللي على الدرب الطويل اخطـاك لـه
طيفه الى نـام البشـر زارك بهـون=وطيفك الى نـام البشـر سـرّاك لـه
حبه دفان ومقبـرة خضـر الطعـون=بيـن العظـام العـوج كنـك ناكـلـه
اللي كذا حبـه لـو تمـوت مغبـون=ولا لك الا الصبـر .. وش وداك لـه

ساج الوقت المشعلي
28-03-2007, 11:56 AM
مشكور يامبارك ولاهنت رائع من روعة نقلك لهذه القصيدة لابن فطيس

وصح لسان شاعر المليون / محمد بن حمد بن فطيس المري


تقبل تحيات

أخوك/ ساج الوقت المشعلي

احمد بن عدرج
28-03-2007, 12:26 PM
لاهنت يا مبارك ويستاهل ابن فطيس المليون

ابوفهيدالعاطفي
28-03-2007, 07:05 PM
الله لايهينك يامبارك على القصيده ومشكووووووووووووووووووووور

فالح المسردي
28-03-2007, 11:59 PM
الله لا يهينك على النقل الرائع

وابن فطيس غني عن التعريف

وهذه القصيده لها معجبين كثر

تقبل شكري واحترامي

فارس قحطان
29-03-2007, 11:17 AM
السلام عليكم ورحمة الله وبركاته




لاهنت يامبارك



وصح لسان بن فطيس



,

@تركي السنحاني@
30-03-2007, 10:20 PM
لاهنت يا مبارك

وصح لسان الشاعر

عبيدي الدمام/ابوزياد
30-03-2007, 11:16 PM
لاهنت لاهنت لاهنت يالغالي
بيّض الله وجهك
جاري التحميل