الى عموم الاخوان

[عبدالله المطيري]

السلام عليكم ورحمة الله وبركاته

اخواني اليوم نبي نتباحث بامور ساحات القلطه (المحاوره) ونشوف العيوب الي بها


وانا بشوف ردودكم ثم بظيف ردي وبالاخير نستنج الاخطاء الي تصير ونوجه رساله لشاعر الي نرا عليه بعض الاخطاء

تنشر في المنتدى الي يكتب به او منتدى قبيلته

ولكم عاطر تحياتي

اخوكم عبدالله المطيري

[فارس قحطان]

وضح زياده ياعبدالله ؟؟؟؟؟


وعطنى ردك اول :)

[عبدالله المطيري]

السلام عليكم ورحمة الله وبركاته

فارس قحطان حياك الله ونورت الصفحه بمرورك

اما عن سؤالك انا اقصد طال عمرك وش الي تنقد فيه على شعار المحاوره


ببدي انا واعطيك مثال بيت تركي الميزاني وقع بالكفر بسبب بيت اورده الان


انت بالنار من زمانن قديم //والجنه دون وجهك تصك ابوابها (وغيرها كثير)


ومثل الشاعر حبيب العازمي حين اخذته الحماسه مع زيد المطيري واخذ هاذا يعد الوقعات وهاذا يعد الوقعات وبنفس الوقت عبدالعزيز العازمي وحمود السمي البقمي الا ان كادت تصير مشكله (كانت رباعيه )

وفيه مره ناس بحفر الباطن تهاوشوا لدرجة ان الشيبان تتدخلو ا

والكثير الكثير


بنتظار ردك وردود الاعضاء

وتقبل فائق احترامي وتحياتي

[ابن عاصم]

صدقت اخوووي عبدالله بعض المحاورات ماورها الا المشااااااكل

فلذلك ودك يكون هناك تعليمات لضوابط المحاوره

ومن اهم شي في ذلك ان يكون متمكن من المحاوره ويعرف معانيها..... ماهوب ياتي شخص ويفسر على كيفه ويقول هذا يسبني او يذمني او او او الخ

احسنت اخوي عبدالله راي سديد

اخووووووك

ابن عااااااااااااصم

[عبيدي الدمام/ابوزياد]

هذا الكلام المطلوب ..
والشعر فيه خير وفيه شر
وياليت نستخدمه من باب الخير ..
وانا اوافقك الرئي اخي عبدالله المطيري
وياليت الردود في حدود المزح المباح وليس فيه تجريح

[عبدالله المطيري]

حياكم الله وبياكم

اخواني نبي مشاركات اكثر ومانستغني عن اراائكم

[الطرقي]

أرحب يالمطيري

وصدقت هناك كثير من الشعراء يؤدي بهم الحماس
إلى قول أبيات تؤدي إلى الكفر والعياذ بالله
والعتب على الصفوف اللتي تجعل الشعار كأنهم
أعداء وتعيدهم إلى الجاهلية .
ولاهنت على موضوعك ونطلب المشاركة من الجميع .

[عبدالله المطيري]

الطرقي مشكووووووور للتفاعل وابنتظار باقي الاعضاء

ولي عوده بأذن الله