نتائج العضو المتميز في إستراحة المجالس

[منصور العبدالله]

السلام عليكم ورحمه الله


الحين وصلنا للنتائج النهائيه

واليكم النتائج

ماجد الخليفي 24 نقطة

أبو جابر القحطاني 15 نقطة

الزهيري المغترب 12 نقطه

تركي بن فرحان الجعادنه 5 نقاط

بن خريم 3 نقاط

أبو ريان 2 نقطه

ان عياف 2 نقطة

أبو ريم + محمد الشايع + حسن ال حازب + شاهر ال هران + بن خرصان نقطة واحدة لكل منهم


وعلى فكرة أي مشاركه رشح فيها مشرف أو مراقب لم تحتسب


ونذكركم بالجوائز 200نقطه سمعه + بطاقه سوا ب 100 ريال للفائز الأول

و100 نقطه سمعة + بطاقه ب 50 ريال سوا للفائز الثاني



الفائز الأول ماجد الخليفي

الفائز الثاني أبو جابر القحطاني


وكلهم يستاهلون والله وسأقوم بإرسال بطاقات سوا على بريدكم الخاص غداَ أو بعد غد

يعني بكرة أو بعد بكرة وكذلك سوف نقوم بتزويد السمعه كل واحد حسب مركزة


وشكرا للجميع على تفاعلهم والمعذرة لو صار قصور




( ابن خرصان ............. ارتحت الحين)

[سعيد بن مذي]

يستاهلووووون

وتستاهل الشكر على جهودك المبذولة

للرقيّ بالإستراحة

لاهنت يا منصور

[بن خرصان]

السلام عليكم ورحمة الله وبركاته

والله يبارك فيك يامنصوور

ومن قالك أني مستعجل على موضوعك...بس انا خايف عليك من كلام العذال........... (وش عنده الحبيب)

والجائزة..هي لي من أول لي.................. بس ماأدري من تلاعب بالاصوات وغير المراكز.......سمعت هالكلام من مصدر مسؤول..خخهخه خهخهخه


والله الشباب يستاهلون..(ماجد........صاحب الابداع الاول)

وابو جابر....وماأدراك ماأبو جابر.......شعلة المجالس)


منصور...وال معمر...والواصل

ألف مليون شكر

على جهودكم المميزة في أنجاح أجمل أستراحة في عــــــــــالــــــــــــم النت

[هايل]

يستاهلون الجميع

[الواصل]

والله يستاهلون الجميع

[سعيد بن محمد بن خريم]

الف مبروك للفائزين وحض اوفر لنا

مشكور يا منصور على هذي الجهود

[@تركي السنحاني@]

يستاهلون كل خير مع تمنياتي لجميع بالتوفيق

[الزهيري المغترب]

يااخي احس هذا الترشيح ماهو بعيد من شاعر المليون:021:
فيه تلاعب بالاصوات والقرعة

ههههههههههههههههههههههههههه

طيب ليش ماكملتوا الثالث والا يامنصور زعلان علي:confused:

ثانيا
الخليفي اليابان ايش راح يستفيد من سوا:confused:




على العموم مبرووك يالربع


ولو بدلتوا سوا بكوبون للبنزين لا ابو جابر للددسن اشوف كان افضل، صح ياابو جابر؟؟:cool:
تحياتي واشكر الجميع على الجهود المبذولة
الزهيري المغترب:)

[عبدالوهاب آل راضي]

يستاهلون الربع كل خير
والله يرزقنا :d

[منصور العبدالله]

الزهيري المغترب


والله تستاهل وسام كبير والله تستاهل وانت بعد الثالث بس اطلب الجائزة وابشر بعزك

ولك حريه الطلب وحتى لو تبيني أذبح ابن خرصان عادي أبشر أسويها


ابن خرصان


والله بوجودك انت وأمثالك صارت استراحتنا كذا

ولابدونكم ماتسوى

( أول مرة أمدح بدون ما أذب عليك شيء..... تحس اني أخلاق)

والشباب اللي مروا وردو الله يعطيهم العافيه ويوفقهم


والف تحيه للجميع

[ماجد الخليفي]

السلام عليكم
عذرا ـ خطا مطبعي

[ماجد الخليفي]

الى منتدى قحطان

الذي طالما سلب اهتمامي وآثار اعجابي فوقفت له وقفة حب واحترام وتقدير

أقدم جزيل شكري وامتناني لما منحني مشرفوه واعضاؤه من تشريف وتكريم

ولايسعني الا ان آدعو الله العزيز ان يحفظ كل من يقوم على رعاية هذا المنتدى ويوفقهم واعضائه الى ما فيه الخير للجميع



كما اشكر اخي الحبيب ابو عبد الله على مجهوده والمشرفين بالاستراحة على جهودهم بالرقي بالاستراحة


على طاري الهدايا ..

تكريما للفائز الثاني شعلة الاستراحة
ابو جابر
اقدم هديتي .. بطاقة سوا له


وتكريما للفائز الثالث نور المجالس
الزهيري المغترب
اقدم هديتي .. 200 نقطة سمعة له


وهديتي لمشرفين


http://www.qahtaan.com/works/up/uploads/qahtaan-03-27-1175000260.jpg (http://www.qahtaan.com/works/up)



وباقي الاعضاء .. تخيروا من ها العصيرات بالهنا والشفا

http://www.qahtaan.com/works/up/uploads/qahtaan-03-27-1175000457.jpg (http://www.qahtaan.com/works/up)


وسامحونا على القصور


http://www.qahtaan.com/works/up/uploads/qahtaan-03-27-1175001012.jpg (http://www.qahtaan.com/works/up)

[أبو حنش]

ألف مبروك للجميع

والله تستاهلون كل خير

مشكور يا أبو عبدالله

[بن خرصان]

الله يرج أبليسك ياماجد

باأروح أسوي فمتو عندنا من رمضان اللي طاف........

أذا اني بأنتظر الفميتو حقك .......بيجيني بعد أكثر من أسبوع

شوكرن.....ثانكيو....شكريا....أباكبار......بكل اللغات مشكووووووووووووور على أخلاقك العالية

تحية عطرة لك ياصاحب القلب الكبير...........( ماودك تعطيني بطاقة هههههههه)

[منصور العبدالله]

وين أبو جابر يا جماعه

هاليومين ماله حس


على العموم مبروك للفائز ولو إني الجوائز ماتسوى وجائزتكم وتقديركم في قلوبنا


الله يعطيكم العافيه جميعا


بخلي الموضوع مثبت 3 أيام لحد مايطلع الكل وبعدين نفكه


وللمعلوميه تم إرسال الجوائز للفائزين ماجد وأبو جابر على بريدهم الخاص


تحياتي

[هيثم الرفيدي]

الف مبروك للخليفي وحض اوفر للباقين

والله يعينك يامنصور العبدالله على الجوائز

[ابن عياف]

الف مبروك لماجد الخليفي الاول

والف مبروك لبو جابر الثاني

ولاهنت يامنصور دام مجدع أقصد مبدع

وشكراً لتقبل ارائنا ومزحنا معك بكل بساطة

مع انني لا أقبل النتيجة

لأعترافك انت وابن خرصان بالرشاوي

والدليل على ذلك انهاءك الصفقة بسرعة مع ماجد وابو جابر

والدليل الاخر الفيمتو اللي للمشرفين فقط والعصيرات اللي بقت من الصفقة مع ماجد

قام يوزعها على الشباب عشان يقهرهم

مع انه برد على كبدي المحتره بعصير المنقا

ومع ذلك سوف ابارك للشباب

واقول لابو ريان وتركي بن فرحان الجعادنه

لا تشربون من العصيرات

وباعطيكم مني سمة زيادة

=============
كم كرتون فيمتو نصيب بن خرصان .......... سوال عشان انقهر زيادة فقط

[الفارس الجنوبي]

فيه تلاعب بالاصوات وفيه غش ....هههههه تحياتي ومبروك للفائز

[عبدالله آل عباد]

منصور العبدالله


سلمت ودمت


وصلتني الجائزه

أشكر كل من صوت لي كما أشكرك يامنصور جزيل الشكر

ويعلم الله أني أنحرجت منك أنت وماجد

أنت أرسلت لي هديتي وماجد أهدا لي هديته




بيض الله وجيهكم وجمل الله حالكم

ولا يجي من الطيبين ألا الطيب



معا أن ماني مقتنع في نوعية ما أقدم

ولا أحس أني أستاهل نص ماقدمتو



لاكن مجلس أنت فيه يامنصور ولا يهون باقي الاعضاء

ينشرا المقعاد فيه

بارك الله فيكم

والله يعطي كل على قد نيته

[آل معمر]

ألف مبرووووووووووك ويستاهلون كل خير

والله انشغلت وما شاركت وإلا ماكان خليت البطاقة تروح علي

تحياتي لك

[بن خرصان]

السلام عليكم ورحمة الله وبركاته

ابن عياف وشبك علي زعلان:017:

والله أنك فاهمني غلط.........
:)
أنا مع الحق دايماً.......وعشان أثبت كلامي

شف طالع عمرك

اولاً

شف نتايج المرشحين.......

وشف منصور وين حاطني معهم ........أخر واحد بينهم............

.رغم انا المسابقة للأعضاء بس .......يبغى يقهرني منصوريووووف ويحطم طموحي ...( أخص يالطموح عاد):cool:


بس ههيهات له ( متأثر بمسلسل تريخي)..........مايمديه خخخخخخخخخخ:1107953448:

ثانياُ لو تلاحظ قبل أسبوعين حاطيت مسابقة لأفضل عضو ومشرف..............بس عناد في منصور ومسابقته :deal:

وله فتره مطنشني ومزلب مسابقتي رغم انه واعدني أنه بيثبتها بعد ماتخلص مسابقته :mad:

والضاهر أنه مشغول مع القنص.............الله يوفقه ماقصر ذبايح وغنايم مره يعشينا غزلان ومره تماسيح ومره بسكوت وشاهي

يالله لك الحمد .....

يعني حبه فوق وحبه تحت........

الله يخليه الشيخ منصووووريوف فارس متنوع القدرات ...مالتي سستم




ال معمر

الحمد لله على السلامة

ولا تستعجل.....الرزق جاي

هالمره بس للأعضاء

.

.

.
دمتم سالمين

[ابن عياف]

بن خرصان من قال اني زعلان :to-sulk:

وبالذات انت ومنصور احبكم :Uhh.:

واتمنى لكم التوفيق :017:

========================

ابو جابر مبروك وتستاهل وانت كفو

وان شاء الله ان نيتك ونياتنا

كلها طيبه

والدعاوي كلها

مزوح

وكثرو من العصير

شوكرن

[منصور العبدالله]

ابن خرصان


وابن عياف


وش فيكم زعلانييين طيب ماجد ماقصر أشربوا عصير


وانت يابن خرصان موضوعك بدور عليه وبثبته ولا أرسل الرابط حقه على الخاص


وبعدها نفكر ونشوف كيف أخلاقك معنا ومن أخلاقك معنا يانثبت الموضوع


ويا لا


ابن عياف أنتبه وانا أخوك تتفق مع ابن خرصان

زي المويه لا لون ولا ريحة ولاتقدر تمسكه فانتبه لا يهوقك في صفقات خسرانه


وحاول تستشيرني قبلها


قسم بالله من ردودكم قعدت أضحك لحالي تقول مجنون


الله يعطيكم العافيه كلكم والحين بنفك التثبيت وشكرا للجميع