استفسار ياعيال الشايب

[طلق الحجاج]

السلام عليكم ورحمة الله وبركاته وبعد .
سمعت بيت او بيتين ولا حفظتها زين وابي استفسر من قايلها ووش المناسبه واللي عنده علم يعطينااياه الله لايهينكم جميع

والابيات تقول :

عواطف تنقل البندق مع السله بمشوكاتن تلهب لهيبي
من ضربهم غدى نجد لهم كله من الحصاتين ليادلقان للذيبي

وانا مانيب متاكد من الابيات زين بس هاذا اللي اعرف ومشكورين مسبقا

[طلق الحجاج]

غريبه والله ياعيال الشايب مافيه احد رد على الاستفسار وين المشرفين وين الربع كلهم محد عنده علم

[@تركي السنحاني@]

ننتظر الردود من الربع اهل المعرفه

[أبا الذموم]

أررررحب يا طلق الحجاج تراحيب المطر
بالنسبة للقصيدة هي للشاعر ابن جريب آل عاطف وهي قصيده عمرها أكثر من ثمانين عام وقالها الشاعر وكان في الأحساء ثم في قطر وقام يتذكر ربعه في نجد وقال هذه القصيده :



يا فاطري درهمي بي دام به شله = من ديرة الغرب يا وجناي هجي بي .
يا محلا بعض مرواح ٍ على حله = لي طرف اليوم وقد الشمس بتغيبي.
لي من زمت روس نجد كنها خله = متعزل السواد عن المهاضيبي .
برد عليها وتسري ليلها كله = وأرب تقيّل بهم في مدلق الذيبي.
تلقى ربوع ٍ تحط الكيف في الدله = ويضدها العسر وتلاوي على الطيبي.
عواطف ٍ تنقل البندق مع السله = ومشوّك ٍ يلتهب مثل المشاهيبي.
من ولبهم صار لهم شفا نجد كله = ومن الحصاتين لا دلقان للذيبي.
خل الركايب تنصى بيت عبدالله = غمر ٍ شجاع ٍ نهار الخبث والطيبي.
يا جعل موت العرب لا جاء بيندله = يندل منهو ردي ٍ في المواجيبي.

وهذا وتقبل مني أخلص التحيات .

[عشاق]

تلقى ربوع ٍ تحط الكيف في الدله = ويضدها العسر وتلاوي على الطيبي.
عواطف ٍ تنقل البندق مع السله = ومشوّك ٍ يلتهب مثل المشاهيبي.

:075: صح لسانك يأبا الذموم :075:

مشكور على القصيده

[طلق الحجاج]

بيض الله وجهك اخوي ابا الذموم عزالله انك كفيت ووفيت , والله لايهينك ياتاج راسي

[شامانـ العاطفي]

اخوي الغالي ابا الذموم

قرأت في أحدى كتب الباحث ابن شداد إن قايلها

الشاعر عايض بن جريب بن عريج ال سويّد ال عاطــف

وتقبل تحيتي ..