كراون فكتوريا ....

[خالد العاصمي]

السلام عليكم ورحمة الله وبركاته

نويت شراء سيارة جديدة وأستقر القرار على كراون فكتوريا 2007

سعرها جديدة ب 84 الف ريال كلاسيك

والفل أبشن ب 107 الف ريال

يقولون أن موديل 2008 شكلها سيتغير وبتصير مثل حجم الكابرس

ودائما الموديلات الشكل الجديد يأتي به بعض العيوب

والبعض الآخر يقول ان شكل 2008 نفس ال 2007

وأفضل وسيتم أضافة بعض المميزات لجعله أكثر جاذبية لكسب رضى العميل

فهل تنصحوني بذلك ؟

وما هي مميزاتها وعيوبها أن وجدت ؟

وجزاكم الله الف خير

[الهلاال]

الله يوفقك انشاء الله

مركوب العافيه

عليك بالجديد وخل هرج الناس يقعد

[أبوسالم]

اختيار رائع وموفق

توكل على الله والله يعطيك خيرها ويكفيك شرها

[خالد العاصمي]

لاهنت يالهلال

والجديد مايحتاج مافيه كلام

ويخدمك ولاتقعد تكد عليه مثل المستعمل

مع ان بعض الفرود الي تجي من أمريكا مستعمله تقول جديدة من زين الرشة

ولاكن الخافي اعظم تتفكك مع اول مطب

والموتر المستعمل يبغاله كفرات وبريكات وهوبات وسيور وبطارية واهواز و كنداسة وفلاتر ويايات وتربيط وووووالخ

[خالد العاصمي]

لاهنت يابو سالم وبارك الله فيك

وأن شاء الله أول مأشتريها نزوركم لدياركم ونتعرف على كل اعضاء مجالس قحطان الأشاوس

[هادي الخنفري]

الاخ محتري السيل
السلام عليكم ورحمة الله وبركاته
فكرت في كلامك وقلت لازم افيدك ولو بمحاولة بسيطة

انا لقيت لك صور لفورد ( يقولون انه لموديل 2008) لاحظة كلمة يقولون (لأني غير متأكد من كلام اهل المواقع الأخرى) يقولون انه لموديل 2008 وبصراحة شكله حلو وأليك هذه الصور

http://forum.sh3bwah.com/attachment.php?attachmentid=7580&stc=1&d=1170141140

http://forum.sh3bwah.com/attachment.php?attachmentid=7581&stc=1&d=1170141180

http://forum.sh3bwah.com/attachment.php?attachmentid=7582&stc=1&d=1170141228

http://forum.sh3bwah.com/attachment.php?attachmentid=7583&stc=1&d=1170141303

http://forum.sh3bwah.com/attachment.php?attachmentid=7584&stc=1&d=1170141350


أتمنى ان أكون قد وفقت في أفادتك ولكن تذكر ربما تكون هذه الصورة لكراون فكتوريا او تكون لنوع اخر او جديد من شركة فورد

وتقبل تحياتي ،،،

[@تركي السنحاني@]

الله يوفقك يا محترى السيل

وبعدين الكراون فكتوريا يفضلونه على الميركوري

لانه حق مكده

اما المركوري فهو حق شخصيات بس


والله يوفقك

[خالد العاصمي]

شرفني أشتراكك معنا في المجالس ياهادي وياهلابك ومرحبا

ولاهنت يالخنفري وتسلم يمينك

ولو ان الصور ماطلعت

لاكن أنكانها اللي انا شفت فهي للنكولن وموتر خيال لاكن اتوقع سعره بيكون غالي

ودائما اول موديل للشكل الجديد يتحاشاه الناس لعدم تجربته

[خالد العاصمي]

أرحب ياتركي

وبالنسبة للكراون فكتوريا كلامك صحيح ....

موتر ومجرب وراعي كد غمارة فسيحة ودفع خلفي ثمانية سلندر وقيمته جيدة مقارنة بالسيارات الأخرى

وبالتوفيق للجميع

[محمد الحياني]

توكل على الله


وعسى الله يوفقك

انا استخدم كراون موركري


شيء خياااااااااااااااالي

[سعد بن عوض ال سيف]

ان كانت 2008 نفس 2007 في الشكل فأقول خذها لانه يبي يصير فيه تطوير لكسب رضى العميل
واما ان كان 2008 مختلف عن 2007 فأنصحك لاتستعجل لان بالعاده يكون هناك في الشكل الجديد خلل مصنعي
هذا رأيي وانت وهواك

[المصدر الخاص]

اقول خلك من نصايح الشباب اعلاه

وتعال اشتر مني هاي لكس 92 على كيفك

الله يوفقك طال عمرك ويعطيك خيرها ويكفاك شرها اشر الجديد والله يوفقك والهايلكس تراى ماهي للبيع دور لك غيرها

[محمد الضويري العاطفي]

السلا عليكم


فكتوريا سياره عمليه ولا احد ذكر فيها عيوب وخاصتا الشركات والوزاراة الدوله ستعمل فكتوريا بلخصوص للعملها المميز


وتبي صج وصراحه اتكل على الله واول ماتشتري السيارة عليك بدعاء الدابه تحصل الدعاء في كتيب (حصن المسلم )

ضع يدك على الكبوت او طبلون السياره وتقول الدعاء وبعدها اجعل امرك لله ولايهمك ياتاج راسي .


ودمتــــــــــــــــــــــــــــم

[العبدي]

تبغى نصيحة من القلب الى القلب ..

أنصحك بالابعاد عنها .. لاكثر من سبب .. ؟؟
الاول .. انها امريكية وبذلك ندعم الميزانية الامريكة بــ 84 الف ريال :applaudit: :applaudit: (( احلى يالسياسي والببسي اللي شاربه من شوي ))
ثانيا . هي موتر ممشا .. لكن لا قدر الله وصار لك حادث اسمع القربعة وصلح الرديتر (( اذا جات الدعمة في الوجه ))

ثالثا .. انصحك بالكامري .. ممشى .. وعزم .. وين ما تحطها على الجرح يبرى .. الا البر .
تحياتي يالمحتري ..
وان شريتها فالله يعطيك خرها ويكفيك شرها ..
سؤال ؟؟؟ شكلك بايع اسهم وصرت بطراااان .. هل هذا صحيح .؟؟

[العبدي]

الله يعطيك خيرها ويكفيك شرها ..

[هيثم الرفيدي]

تبغى الشور اصبر لين تنزل 2008

[عبداللة بن ناصر]

السلام عليكم ورحمة الله وبركاته
هلا اخوى محترى السيل اللة يوفقك حبيت اعطيك معلومة بأنة فى الكويت ب75 الف ريال حسب ماقلى زميلى الى شراة قبل شهرين وسلامتك