المساعد الشخصي الرقمي

مشاهدة النسخة كاملة : سالفه وقصيده


فارس الفراج
06-03-2005, 10:45 PM
بسم الله الرحمن الرحيم

السلام عليكم ورحمة الله وبركاته ومساكم الله بالخير


اول شي احب اقولكم ان السالفه ذي وقصيدتها مثبته ولاخير في اللي ما يثبت كلامه لأنها صار عليها مشاكل وبغت توصل للخشوم


هذي قصيده للشاعر مبارك بن فايز البخيت السبيعي نسيب سعد بن فرج بن لبده
الرجال هذا كان من سكان بحره المجاهدين وكان رجال كريم معترض طريق اهل الجهاد واهل المورات من جماعته وغير جماعته بأختصار بيته من كان يخلا من الضيفان مع انه كان رجل محتاج وعنده حرمتين وعيال واجد
المهم الرجال ذا يقول عن نفسه انه ما يقصد الا لسبب مثل الضب ما يتحرك الا اذا حكيت ظهره
يوم جا يوم من الايام قاموا جيرانه القريبين ونسيبه يعاتبونه ويطالبونه ويقولون انت منتب حاتم الطي يومك تعترض اهل المورات واهل الجهاد وكان وقتها يسوي القهوه الرجال مع كثر الكلام عليه سج وحط بهار القهوه في بريق الشاهي
شافوه ربعه وقوموه من المعاميل وهاضت قريحته بذالابيات


سجـه مع الهـــــاجـوس طبيعـةٍ لـي @@@ طبيعةٍ بمـوت مـا جـزت منهـا

اشكي على الخلاق وارفع له ايـدي @@@ لا كثـرت الافكـار يفـك منهـا

اما الكـرم قد فاز بـه حـاتـم الطـي @@@ حتى الفرس من شان ضيفه طعنهـا

خلوني اكرم في حياتي دامني حـي @@@ وان مت مدري جثتي مـن دفنهـا

خلقت في الدنيا واناما معـي شـي @@@ وبروح منها مامعـي شـي منهـا

مسكين ياللي تحسب الواجد اشـوي @@@ والعافيه لـو تنشـرى وش ثمنهـا

يا جاهل الدنيا تراهـا كمـا الفـي @@@ يا مخبل اللي فـي حياتـه ومنهـا

ان ناحرت لك قامت تروح واتجـي @@@ مثل الذلول اللـي طويـلٍ رسنهـا

وان دبرت خلتك طايـح ومرمـي @@@ وكم واحدٍ له حاجـةٍ مـا ضمنهـا

لا بد مانرحل عن المـزح والغـي @@@ ونسكن بيوتٍ قبلنـا مـن سكنهـا

النفس مثل الغصن عايش على الري @@@ ولولاه كل الناس عافـت وطنهـا

يالله عسا الحسنات تقضي على السي @@@لا قربـوا للنفـس ذرعـة كفنهـا

اما المشكله اللي صارت عليها فهي انها نسبت قبل فتره لبن جدلان لكنه ونفاها بن جدلان ونسبها للمشعبي السبيعي اللي نسبها لعمره لكن البخيت عنده شهود منهم ثنين كانوا معه من عيال عم المشعبي كانوا معه ذيك الليله

الاكيد ان القصيده تعتبر من عيون الشعر النبطي



اسف على الاطاله ولنا لقاء اخر بأذن الله

حسين آل حمدان الفهري
07-03-2005, 12:44 AM
فارس الفراج


السلام عليكم

قصيدة شامخة كما هو صاحبها فالكريم يقدم عند الكثير قبل الفارس الذي يضحي بنفسه.

نشكرك على ايرادها والتنويه عن الالتباس الحاصل عليها.


.

فارس الفراج
07-03-2005, 08:56 AM
ارحب يا حسين وانشهد انك صادق ان القصيده شامخه مثل راعيها

تشرفت لزيارتك لموضوعي

ملحف الرفيدي
07-03-2005, 12:27 PM
لا هنت على القصيدة وصح لسااااااااااااااااااان قايلها

كحيلان
08-03-2005, 04:13 AM
ارررررررررررررررحب مليووووووووون

يافارس الفراج..

وصح السانك والسان قايلها ولاهنت وبدايه قويه.

لكم تحياتي اخوكم/ كحيلان

شبل قحطان
08-03-2005, 12:47 PM
لا هنت على القصيدة وصح لسااااااااااااااااااان قايلها

معشي الذيب
30-03-2005, 07:03 PM
بيض الله وجهك يافارس الفراج

والله لايهينك ويجمل حالك

والعذر والسموحه على التاخير ياخوك

ابن شرعا
16-08-2005, 07:36 PM
للرفع
القصة والقصيدة تستاهل

آل معمر
25-08-2005, 12:48 AM
سالفة وقصيدة طيبة جدا جدا

مشكوووووووووووووووووووووووووور وما قصرت يا فارس الفراج