أبو ياسر
06-03-2005, 10:44 PM
السلام عليكم ورحمة الله وبركاته،،،،
أخواني الأعزاء أحببت أن أشارك بهذه القصيدة
والله أسال أن ترضيه ،، وثم تحوز على رضاكم.
وأعذروني على كل خطأ وارد
يالله يالمعبود ياخالق البشر=ياباسط سبع ومحصي رمالها
من بعد ذكر الله بأبدى كلامي=وأشرح عنا نفسي وماقد بدالها
الهاجس اللي هيض القلب صكّته=شجع جموع الهم زود قتالها
مدري علام الوقت ياقف بضدي=ياتي بلوعات صعيب احتمالها
دنيا دنية ماتوقف وترتدع=كل شكاها في جنوب وشمالها
كل يصيح من الزمن من مصايبه=يشكي يصيح يقول يالله عدالها
أمشي مع العربان جسمٍ وصورة=والهم والهاجوس روحي شالها
مظهر شجاع يحتمل كل نايبة=ولاّ الحقيقة مانتحمل ميالها
كم من كريم مايحسب خسايره=أصبح فقير يشحذ الناس مالها
وكم من شجاع ينثني دون لابته=يحمي طوارفهم ويحمي حلالها
أصبح عشاء السرحان وباقي فطوره=ساق القدم يم المنية وجالها
وكم شيخ قوم منزله فوق معتلي=شال الكوايد دقها مع جلالها
أصبح تحت الأقدام قدره ومنزله=يلبس من ثياب المهونة اسمالها
وكم من ضعيف كف خيره وشره=نفسه من ظلاله تزايد اجفالها
ضعيف حال ياعسى الله يعينه=جته الحمول المتعبات ثقالها
وكم واحد يمشي على جادة الهدى=نفسه على التقوى زايد جلالها
وقف له الشيطان في كل منعطف=روابط الإيمان حلل حبالها
جماعة في الدين تعود وتنتكس=نعوذ بالرحمن مما جرالها
غدارة دنياك ما تنصفي لك=مرٍ سلام ومر يكسف هلالها
وكم واحد قضى نهاره مع الغنم=يرعى سوارحها بروس جبالها
وأصبح مع التجار يبني قصوره=عقب المذلّة ذاق صافي زلالها
وأشوف منبوذٍ من اطرف قبيلته=مجالس الأقراب ماقد لفالها
كل يبي فرقاه حتى قرايبه=بغضه لداره راجح مكيالها
صدفه!! لفاه مبشر جاء يبشره=كنز الذهب مدفون وسط غلالها
من ورث ابوه وصار ملكه وحقه=يالله يافراج حل اشكالها
وجته القبيله بالتهاني تبلغه=مبروك يامن للملايين نالها
واصبح جميع الناس تبغى تناسبه=يازين طعم العز عقب حثالها
أنشهد إنه صادق راعي المثل=النفس لاكثر الغنى زان فالها
وأشوف من طبعه خسيس وفعلته=تكسي بياض الوجه سود شيالها
نذل من الأنذال عايش بطبعهم=اعراض خلق الله بالكذب طالها
في مجلسه تلقى هروج النمايم=الزور والبهتان عنده مجالها
الله يمحي الدار واللي سكنها=خباث النفوس الله يدني آجالها
وزود على ماشفت ربعه تقدره=ياللعجب دنياك هذا حالها
والخافي أعظم لو تدور وتتطلع= مابان من عجفاء الزمن غير جالها
والمعذرة لاصار نقص وزله=هذا كلام للضماير طرالها
والهرج لاطول تناقض وانسمج=يغني قليل السالفة عن طوالها
والختم يالعراف يالسامعيني=ياللي ينومسني جميل افعالها
صلوا على المختار ماذعذع الهوى=ومالاح برق في نصوب خيالها
والسلام عليكم
محبكم... أبو ياسر
أخواني الأعزاء أحببت أن أشارك بهذه القصيدة
والله أسال أن ترضيه ،، وثم تحوز على رضاكم.
وأعذروني على كل خطأ وارد
يالله يالمعبود ياخالق البشر=ياباسط سبع ومحصي رمالها
من بعد ذكر الله بأبدى كلامي=وأشرح عنا نفسي وماقد بدالها
الهاجس اللي هيض القلب صكّته=شجع جموع الهم زود قتالها
مدري علام الوقت ياقف بضدي=ياتي بلوعات صعيب احتمالها
دنيا دنية ماتوقف وترتدع=كل شكاها في جنوب وشمالها
كل يصيح من الزمن من مصايبه=يشكي يصيح يقول يالله عدالها
أمشي مع العربان جسمٍ وصورة=والهم والهاجوس روحي شالها
مظهر شجاع يحتمل كل نايبة=ولاّ الحقيقة مانتحمل ميالها
كم من كريم مايحسب خسايره=أصبح فقير يشحذ الناس مالها
وكم من شجاع ينثني دون لابته=يحمي طوارفهم ويحمي حلالها
أصبح عشاء السرحان وباقي فطوره=ساق القدم يم المنية وجالها
وكم شيخ قوم منزله فوق معتلي=شال الكوايد دقها مع جلالها
أصبح تحت الأقدام قدره ومنزله=يلبس من ثياب المهونة اسمالها
وكم من ضعيف كف خيره وشره=نفسه من ظلاله تزايد اجفالها
ضعيف حال ياعسى الله يعينه=جته الحمول المتعبات ثقالها
وكم واحد يمشي على جادة الهدى=نفسه على التقوى زايد جلالها
وقف له الشيطان في كل منعطف=روابط الإيمان حلل حبالها
جماعة في الدين تعود وتنتكس=نعوذ بالرحمن مما جرالها
غدارة دنياك ما تنصفي لك=مرٍ سلام ومر يكسف هلالها
وكم واحد قضى نهاره مع الغنم=يرعى سوارحها بروس جبالها
وأصبح مع التجار يبني قصوره=عقب المذلّة ذاق صافي زلالها
وأشوف منبوذٍ من اطرف قبيلته=مجالس الأقراب ماقد لفالها
كل يبي فرقاه حتى قرايبه=بغضه لداره راجح مكيالها
صدفه!! لفاه مبشر جاء يبشره=كنز الذهب مدفون وسط غلالها
من ورث ابوه وصار ملكه وحقه=يالله يافراج حل اشكالها
وجته القبيله بالتهاني تبلغه=مبروك يامن للملايين نالها
واصبح جميع الناس تبغى تناسبه=يازين طعم العز عقب حثالها
أنشهد إنه صادق راعي المثل=النفس لاكثر الغنى زان فالها
وأشوف من طبعه خسيس وفعلته=تكسي بياض الوجه سود شيالها
نذل من الأنذال عايش بطبعهم=اعراض خلق الله بالكذب طالها
في مجلسه تلقى هروج النمايم=الزور والبهتان عنده مجالها
الله يمحي الدار واللي سكنها=خباث النفوس الله يدني آجالها
وزود على ماشفت ربعه تقدره=ياللعجب دنياك هذا حالها
والخافي أعظم لو تدور وتتطلع= مابان من عجفاء الزمن غير جالها
والمعذرة لاصار نقص وزله=هذا كلام للضماير طرالها
والهرج لاطول تناقض وانسمج=يغني قليل السالفة عن طوالها
والختم يالعراف يالسامعيني=ياللي ينومسني جميل افعالها
صلوا على المختار ماذعذع الهوى=ومالاح برق في نصوب خيالها
والسلام عليكم
محبكم... أبو ياسر