المساعد الشخصي الرقمي

مشاهدة النسخة كاملة : فارس


هايل سعيدان الزهيري
20-03-2007, 12:05 AM
صلوا على الهادي الشفيع

أكتبي لي يالحروف الأبجديه

وعبري لي قدر مايوسع مجالك

عبري عن فرحة ن لي داخليه

عبري لي كان هذا في منالك

بارك الله لك وظيفتك الرهيه

وأحمد الله يوم ماخابت آمالك

حقق الله خطوة ن مستقبليه

وحظك الطيب رفاك وماعصى لك

البدايه بذكر الله في البديه

باعث الأموات جليت بجلالك

عقبها ياهاجسي فزعتك ليه

تنصنع الأبيات من خوف إنفعالك

أكتب العرفان مع أجمل تحيه

لك ولا فخري بغيرك وإمتثالك

أنت همي ياولد جزل العطيه

عطني علومك وبشر كيف حالك

ياعريب الجد عندي لك وصيه

كان تسمح لي فأنا بقولها لك

الحذر ياخوي فإنها عسكريه

بس يبغى يستفزك والبقا لك

وإحترم نفسك تحصل مقدريه

تحترمك الناس لي هي كلها لك

وراعي الهرج الذعف خله ضحيه

إسفهه ياخوي حتى من جدالك

فارس إسمك والسمي يشبه سميه

والمعالي فوق وإظهر والسما لك

وإنتبه لاتزل حد الجاذبيه

فتهوي في غبة اللي ماطرى لك

وإنتبه للعود ياحوض المنيه

كم تساوي لي تذكرك ثم دعى لك

بر أمك لاتوريها الخطيه

برهم تمكين وإدراك المنى لك

ولا تشل من الهروج الجانبيه

ولا تصدق كل من جاك وحكى لك

ومايدور للقراده والرديه

غير من فاله عسى ماهو بفالك

وخل عينك في المراقيب العليه

تطلع المرقاب وتجاوب سؤالك

والشجاعه وصفنا في الجاهليه

والكرم في فعل بوك وفعل خالك

وماتطوع لك نفوس زئبقيه

مالبشر من يمينك في شمالك

فالبحر ماهي بتملاه الفضيه

وأن بغيت إرضى البشر ياعزتى لك

والله إن الله أمر طاعة نبيه

وأن عصيته فعرف إن الله قبالك

بآمرك بأمره وبنهاك النهيه

لا تعدى حد من غير أحوالك

والصلاه أمر على كل البريه

لا تخليها وخلها في خيالك

وأنت لاتنهار لي جتك البليه

البليه حلها صبر وتمالك

وما يسر الناس مقطوع العنيه

وإعن للعاني ليا منه عنى لك

واصل أقرابك ومن واصل ذويه

أحسن ويلقى الجزاء من عند مالك

والعجل فيه الزلل والمهمهيه

لا تسرع تجني بيدك نكالك

مالحسود يسود في الدنيا الأبيه

والكبر لا تطوله ولو كان طالك

وإنتبه لاتتبع الحسنه بسيه

فتنحسب سياتك ويابيل بالك

ومن تبي يقدرك لا تكثر مجيه

عاد يكفي عن مجيك بإتصالك

ماني بجاهل عزايمك القويه

أنت قصر ساسه اللي فوق شالك

وأنت حر لي طعمت الشاذليه

تعرف إن الهيل مافارق دلالك

وأنت رجل ن تعرف إن النار حيه

وأن وطيت النار يعني لك زوالك

والله إن عندي لحبك دافعيه

من جهه تستاهل وكلي فدى لك

والنهايه خوك يبغى المعذريه

يوم وصاك القدى لأنك كذلك












وسلاااامتكم

عبدالله المهداني
20-03-2007, 12:07 AM
ارررررررررررحب ترحيب الحيا



الله يحييك


وصح الله لسااااانك



وبيض الله وجهك


وفارس ما بيخلف


تحياتي

معيض بن صميع
20-03-2007, 11:06 AM
.



ارحب ياهايل ..




صح لسانك .. وعلا شانك ..




قصيدة رائعة وبها الكثير والكثير ..





دام تألقك وإبداعك ولاهان بوحك ..





دمت بخير مع أجمل تحية ..

سعود الحبابي
21-03-2007, 04:57 AM
[font=MS Sans Serif]صــح الله السانك
وبيض الله وجهك
ولا تحرمناء من ابداعاتك
الله يطول عمرك[/font

هايل سعيدان الزهيري
26-03-2007, 05:50 PM
ارررررررررررحب ترحيب الحيا



الله يحييك


وصح الله لسااااانك



وبيض الله وجهك


وفارس ما بيخلف


تحياتي

صح بدنك والله لايهينك على المرور

شكرا لمرورك يالغالي

تقبل شكري وإمتناني لك

محمد طلان الحارثي
31-03-2007, 02:17 PM
هايل

صح لسان

وعلا شانك

ولاهنت

قصيدة جزل وتستحق المتابعه والتامل لما فيها من توجية

بارك الله فيك

@تركي السنحاني@
31-03-2007, 07:34 PM
صح لسانك وبيض الله وجهك

سعد القحطاني
01-04-2007, 02:48 PM
هايل

صح لسانك مدد لا عدد

ابدعت يامبدع

الله يوفقنا واياك

ودمت بخير

.

حمد الدليهي
01-04-2007, 05:48 PM
صح الله السانك

هايل سعيدان الزهيري
12-04-2007, 11:59 AM
.



ارحب ياهايل ..




صح لسانك .. وعلا شانك ..




قصيدة رائعة وبها الكثير والكثير ..





دام تألقك وإبداعك ولاهان بوحك ..





دمت بخير مع أجمل تحية ..

صح بدنك يابو علي

ولا هنت على المتابعه المستمره .

تقبل تحياتي وتقديري

هايل سعيدان الزهيري
27-04-2007, 12:04 PM
[font=MS Sans Serif]صــح الله السانك
وبيض الله وجهك
ولا تحرمناء من ابداعاتك
الله يطول عمرك[/font
صح الله بدنك ولاهنت يالغالي
وبيض الله وجهك
وشاكر لمرورك وتقبل تحياتي يالغالي سعود

عمر الزهيري
05-05-2007, 12:29 PM
هايل بن سعيدان

بيض الله وجهك ع القصيدة

وفارس كفو ,,, وما عليه خوووووف


وفي انتظار جديدك,,,


تحياتي ,,,,
أخوك/ عمر

هايل سعيدان الزهيري
13-05-2007, 04:44 PM
هايل

صح لسان

وعلا شانك

ولاهنت

قصيدة جزل وتستحق المتابعه والتامل لما فيها من توجية

بارك الله فيك

محمد صح بدنك يالغالي
ولاهنت على المرور
وتقبل شكري وتقديري