المساعد الشخصي الرقمي

مشاهدة النسخة كاملة : قصيدة أعجبتني ، غايه في الروعه والجمال معني وصياغة


السعيدان
16-03-2007, 03:36 PM
قصيده اعجبتني..

قرأت هذه القصيده في احد المنتديات فاعجبتني...انشاء الله تعجبكم..


إذا المراجل لبسة شماغ وعقـال
................................ قـل للعـذارى يلبسـنّ العمايـم


ما عاد يفرق زول حرمه ورجال
................................. دام الفعايل تشبـه البعـض دايـم


المرجله ما هيـب كلمـه وتنقـال
................................ وتروح ما راحت هبوب النسايـم


وإلا خشونة صوت أو رفع الأثقال
...................................أو رزة صـدور وفعـل الزلايـم


ولا هي بعد مفتاح موتر وجـوال
....................................وإلا ردى لسانـن حديثـه شتايـم


المرجله شيمه عن القيـل والقـال
.................................رفيع نفس (ن ) حر بالجو حايـم


المرجله عقلٍ وزن وزنـه جبـال
.................................ودون العقل وش فرقنـا والبهايـم


يا مسندي لو مايل الوقت بي مال
....................................يا ولد أبويه يـا عظيـم العزايـم


يا معرب الجدين من العم والخال
.................................. يا نخوة المفزوع وقـت الهزايـم


المرجله يا خوي هي طولة البـال
..................................هي العزم هي الصبـر فالظلايـم


فيها الكرم عـزه دلـه وفنجـال
............................ فيها الكرامه عن ردى الطبع شايم


والدين لامنه خذا القلـب منـزال
................................ مشى طريق الحق وابليـس نايـم


ومن لا عرف ربه في طيب الحال
.................................لابد وقت الضيـق بالهـم هايـم


حتى صلاتك مع جماعات ورجال
............................. في خيرها يا خوي نعـم الغنايـم


ولامن نصف ليلك قم صفي البال
............................يا عظم أجرك بين ساجـد وقايـم


ولا من رفع ربي له كل الأعمـال
.......................... حسن الذكر لا قالو فـلان صايـم


وخلك شريف القصد يا طيب الفال
.......................... سوء المقاصد فالبيـوت الهدايـم


واحذر تبيع النفس في درب الأنذال
...........................وتتبع خوي إبليـس راع النمايـم


النفس خيل لك إذا كنـت خيّـال
............................ومن لا قوى نفسه قوته الهزايـم


ولا صرت ما تدري لو يش أنت رجال
....................... والله خسارة فيك ذبح التمــــايم


عذرا لأعرف قائل القصيدة الرجاء ممن يعرف قائلها فلا يبخل علينا بذكر اسمه

أبو عساف
16-03-2007, 03:55 PM
أقول أبيض وجه ياكحيلان على النقل والله يوفقك

وصح لسان الشاعر وأن شاء الله يفيدونك الربع بقائل القصيده

السعيدان أختيار موفق ونرغب فالجديد

لك كل الود والتقدير والاحترام

أخوك / أبوعساف

العبدي
16-03-2007, 05:44 PM
اذا المراجل لبسة شماغ وعقال . . قل للعذارى يلبسن العمايم . .
بيض الله وجهك يالسعيدان . . وصح لسان قايلها . .
مطلع في غاية الروعة .. . مشكور . .

معيض بن صميع
18-03-2007, 11:20 AM
.


الأخ السعيدان ..



ياهلا وغلا ..



مشكور ولاهنت على الإختيار والنقل ..



وصح لسان الشاعر ...



دام تواصلك ودمت بخير ..

السعيدان
04-04-2007, 09:29 PM
أشكر الجميع على مرورهم العطر

وأعتذر للتأخر عن الشبكة لمدة 15 يوم ماتتخيلون كبر فرقا النشاما شرواكم

@تركي السنحاني@
06-04-2007, 12:57 PM
لاهنت وبيض الله وجهك يالسعيدان


قصيده جزله من رجال جزل


واعتقد اعتقاد فقط ان القصيده لابن سرار الشهراني

يمكن اجابتي تكون وممكن غلط

خالد بن حامد الحبابي
12-04-2007, 09:20 PM
صح لسانه وصح اختيارك