إيــّـاني ويــّـاك !!

[سعد الحمدان]

السلام عليكم

صلوا على النبي عليه افضل الصلاة والتسليم





إيــّـاني ويــّـاك !!


وش لزومه ذا العتب وانت اتصدّد = يا معشّمني العنا .. واقول ماشي !
اتودّدلك .. ولي منـْتْ اتودّد = يا شقاة الروح يا ماي ومعاشي
إن ضواني الليل الالي به واردّد = ويلتي من طيفك إن لـَزْمْ الفِراشي
او ترتـّع في مفاليه وتمدّد = في ضلال ضلوعي العوج الهـَشاشي
آتوحّد من شتاتي وآتعدّد = لا قرح فالحنجره شغـْفْ العِطاشي
وأنّس أجفيّاك واستنكر واندّد = ما انتزعته من لَهَف ْ عيني وجاشي
من قبل تحتلـّني جيشي تبدّد = تحت وطأة جندك السود العكاشي
كنّ هتلر من رموش اللي اتـّـلدّد = اقتبس تحيّة النازي وفاشي
ولابقى فيني فصيل الاّ وجدّد = بالولا بيعة خفوقي لك بلاشي
وخـَذْتني بالناصيه ياللي مشدّد = قبضته على شبيهات القِشاشي
لين ما بي ينسخر لوما تهدّد = لا انبلج نورك هوى مثل الفراشي
إمتط القلب المتيّم بك وجدّد = الوصل وأسْقْ اليباس من المناشي
جوب بأطلق وأضيق اعروقي وتردّد = واقطع اللي ما يضخّك وانت ماشي
إنطلق من حيث شئت ولا تحدّد = لك نهايه لو تخلّفني عِشاشي
وسدّد وقارب وانا اقارب واسدّد = وخذ بكفك ما جمع كفي وحاشي
ولدّ لي .. إيّاني ويّاك اتصدّد = قول ماشي يا سعد ؟ .. واقول ماشي


وسلامتكم

.

[عبدالله المهداني]

اررررررررررررررحب ياسعد


من طول الغيبات جاب الغنايم


الله يحييك ويبيض وجهك على هذه الرائعه


سعد بمعانقتي لهذا المتصفح


دمت بود

[عوض بن شفلوت المناديه]

صح لسانك


يا سعد



ابيات وافيه من راس وافي




حبك وسبك و قافيه





تحياتي

[سعد القحطاني]

وسدّد وقارب وانـا اقـارب واسـدّد
وخذ بكفك ما جمع كفـي وحاشـي

ولدّ لـي .. إيّانـي ويّـاك اتصـدّد
قول ماشي يا سعد ؟ .. واقول ماشي


سعد الحمدان

صح لسانك مدد

جزاله وابداع لاتستغرب منك

بيض الله وجهك

لاعدمناك ،،،

.

[عبدالله بن غفره]

الله الله


على الأبداع ياسعد


قصيده رائعه وشامخه


وصح لساااانك مليون يالوافي

[سعد بن مناحي بن شفلوت]

مرحبا ومسهلا

وصح الله لسانك يالسمي


عز الله انك ابدعت


الله يبيض وجهك


لاعدمناك

[معيض بن صميع]

.




إنطلق من حيث شئت ولا تحدّد = لك نهايه لو تخلّفني عِشاشي
وسدّد وقارب وانا اقارب واسدّد = وخذ بكفك ما جمع كفي وحاشي
ولدّ لي .. إيّاني ويّاك اتصدّد = قول ماشي يا سعد ؟ .. واقول ماشي



أخوي الشاعر الرائع : سعد الحمدان



صح لسانك .. ودام هالبوح الجميل ..



قصيدة رائعة و عذبة ..



دمت مبدعا وبألف خير ..

[@تركي السنحاني@]

صح لسانك

[عبدالوهاب آل راضي]

بسم الله الرحمن الرحيم
السلام عليكم ورحمة الله وبركاته


صح الله السانك يابن عمي
\
ولا تستغرب عليك العلوم الجزاه


اخووووك

عبدالوهاب بن علي آل راضي

[فلاح آل راكان]

لاهنت يا سعد


وصح الله السانك


جزززززززززززل قاف ومعنى


لا تحرمنا من جديدك يا القرم