المساعد الشخصي الرقمي

مشاهدة النسخة كاملة : الى عموم المشرفين والاعضاء والضيوف


القهره
03-03-2005, 10:59 PM
بسم الله الرحمن الرحيم اخواني اعجبني توقيع المشرف الاخ السيف النادر بحثت لكي اقدم هذه القصيده كامله والحمدلله الذي وفقني ووجدت كتاب بعنوان المجموعه البهيه من الاشعار النبطيه للمؤلف/عبد المحسن البابطين سنة1398 هجري والقصيده لشاعر الامير الأمام تركي بن عبدالله ال سعود وهي



واجهدت في طلب العلى لين قرا=وطاب الكرى مع لابسات الحزاري
ومن غاص غبات البحر جاب درا=ويحمد مصابيح السرى كل ساري
وانا احمد الي جابلي ماتحرا=واذهب غبار الذل عني وطاري
والعمر مايزداد مثقال ذرا=عمر الفتى والرزق في كف باري
طار الكرى من موق عيني وفرا=وفزيت من نومي طرالي طواري
وابديت من جاش الحشا ماتدرأ=واسهرت من حولي بكثر الهذاري
خط لفاني زاد قلبي بحرأ=من شاكي ضيم النيا والعذاري
سر ياقلم واكتب على ماتورا=ازكى سلام لابن عمي مشاري
شيخ على درب الشجاعه مضرا=من لابة يوم الملاقا ضواري
ياما سهرنا حاكم على مايطرا=واليوم دنيا ضاع فيها افتكاري
اشكي لمن يبكي له الجودطرا=ضراب هامات العدا مايداري
ياحيف ياخطوا الشجاع المضرا=في مصر مملوك لحمر العتاري
من الزاد غادله سنام وسرا=من الذل شبعان من العز عاري
واشعاد لو تلبس حرير يجرا=وامتوج تاج الذهب بالدراري
بدنياك يابن العم هذى مغرا=ولاخير في دنيا حلاها مراري
تسقيك حلو ثم تسقيك مرا=ولذاتها بين البرايا عواري
اكفخ بجنحان السعد لاتدرا=فالعمر ماياقاه كثر المداري
مافي يد المخلوق نفع وضرا=ماقدر الباري على العبد جاري
ان سايلو عني فحالي تسرا=قبقب شراع العز لو كنت داري
اليوم كلن من عميله تبرا=وحطيت الاجرب لي عميل امباري
رميت عني برقع الذل برا=ولاخير فيمن لايدوس المحاري
نعم الصديق الي سطا ثم جرا=يودع مناعير النشاما حباري
ونزلتها غصب بخير وشرا=وجمعت شمل بالقرايا وقاري
وحصنت نجد عقب ماهي تطرا=مصيونة عن حر لفح المذاري
والشرع فيها قد مشى واستقرا=ويقرا بنا درس الضحى كل قاري
زال الهوى والغي عنها وفرا=ويقضي بها القاضي بليا مصاري
وان سلت عمن قال ليلاتزرا=نجد غدت باب بليا سواري
وما سلت عمن قال لي ماتدرا=حطيت الاجرب صديق مباري
ومن امن الجاني كفا ماتحرا=وتازى حريمه بالقرايا وقاريوصلاة ربي عد

القهره
03-03-2005, 11:11 PM
العذر والسموحه من الجميع وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآسف الجهاز عندي لخبط الدعوه كلبوها لاكن الي يقدر ينسقها بيض الله واجهه اخوكم القهره باخذ اجازه عنكم لمدة يومين وآآآآآآآآآآآآآآآآسف للمره مليون