شاعرة قصائدها.... يتغنى بها شيبان الى الان

[قمة جبل]

هذة الشاعرة التى اثبت وبلا شك انها شاعرة تقارع بشعرها الشعراء...... فمازال شعرها الى الان وبعد وفاتها من عام 1995 يتغنى بها شيباننا وهذا يدل على جزالت شعرها رحمة الله هذا من بعض شعرها


وقالت تتمنى حياة البر والبادية :

وجودي على بيت الشعر عقب بيت الطين=وجودي على شوف المغاتير منثره

وجودي على خوة هل الموتر المقفين=وجودي على شوف السهل من ورا الحره

ليا حلوا البدوان وصاروا على بيتين=ومن كان له خل مع ذاك ماغره

من له قدرة على جرة الصوت في ارض خلاويه يجر هذي البيتين ..... ولكم شكري وتقديري

[متعب الهاجري]

اضن انها من ال مره ؟؟

[قمة جبل]

صحيح صحيح اخوي بني هاجر هذي بخيته المريه او بخوت وهذا لقبها ................ ولها قصائد يطرب لها الناس وذات شجون نادرا ما يصدر من امراة ولكن بخوت كسرة القاعده بشعرها الجزل

[معيض بن صميع]

.




.هلا وغلا ..



شكرا جزيلا لحضورك ومشاركتك ..




الشاعرة هي بخوت المرية ..




ولها قصائد مشهورة ..



ومنها القصيدة المعروفة ( عيّدوا بي في الخلا والفريق معيّدين ) .



دام تواصلك ودمت بخير ..

[السعيدان]

ولها أيضاً هذه الأبيات الجميلة :

ياجماعه وان عزمتوا على انكم راحلين
غمغموني عن مظاهيركـم لا أشوفهـا

كن في قلبي لهب نـار ربـعٍ نازليـن
أشعلوهـا بالخـلا والهبـوب تلوفهـا

ولّ عودٍ لاش رحمه ولا قلـبٍ يليـن
جعل ذودك في نحر قوم وأنت تشوفها

عيدوا بي في الخلا والفريق معيديـن
كل عذْراً نقشـت بالخضـاب كفوفهـا

ما يقرب دارهم كود صنـع الذاهبيـن
كود حمراً عزمها من صفـات بلوفهـا

[سعد بن مناحي بن شفلوت]

الله يعطيك العافيه


الشاعره المشهوره بخوت المريه


‘‘‘‘‘‘‘‘‘‘‘‘‘‘‘‘‘‘‘‘‘‘ ومما قالت ‘‘‘‘‘‘‘‘‘‘‘‘‘‘‘‘‘‘‘‘‘‘


ايّست الأخبار من صوبكم ياهل الجنوب
داركم عقب البطا حظ ابو من زارها

ولها ايضاً


ياهل البيت المطرف تراني يوم جيت
عندكم لي حاجةٍ واستحي ماقولها

وقالت


المحبه لا سطت ما يعالجها الطبيب
روحتك ياصاحبي ليت ربي لدها

عادة الدنيا تفرق حبيبٍ عن حبيب
واقطعش يارفقةٍ والمفارق ضدها


ولها ايضاً


تل قلبي تل فرتٍ على سبر العجـل
عشقه راعيه والحوض تحته قد ملاه

ان تسنّد عشّقه بالثنين و بالدبـل
وان تحدر ريّحه لين ياصل منتهـاه




،،،،،،،،،،،،،،،،،،،،،


تقبل تحياااتي

[قمة جبل]

الشكر موصل لكل من اثرا هذا الموضع بالردود والمشاركة
.... ويكرر قمة جبل شكره لكم يالنشامى