مبتدي في مجال المحاوره وابي احد يلعب معي

[خالد القحطاني]

يا سلامي عليكم يا زحول الرجال \\ في محل الشرف والدين والمكرمه
يا بني عمنا لا جاء نهار القتال \\ اقتلو الكافر اللي دنس المسلمه

==============================================



وتراني جديد في مجال المحاوره يعني شوي شوي علينا عليمي لاحد يتعفجني ههههههههههه

[طلال القحطاني]

ارحب الله يحيي حضرتك مع طلال=حدد البوصله واليخت رز علمه

لا بغيت الدراسه شد حيلك تعال=سرح المنقله ياصاح والمرسمه

[خالد القحطاني]

البقاا يابن عمي والليالي طوال \\ نحسب اشهورها واسنينها المقدمه



يا مدرس نبي منك علومٍ جزال \\ من يجيب الجزيله يا عرب نكرمه



:)

[خالد ابن علي]

الله الله
خالد القحطاني وطلال القحطاني
صحت السنتكم
واصلوا واصلو

[طلال القحطاني]

هيه لا تامن الدنياءوسود الليال=مقبلات الليالي شفرة مبهمه

الجزيله ياخالد دورو للجزال=وأفتنا كيف سارت معركة مجلمه

[طلال القحطاني]

مروض الخيل الله يبارك فيك اللعبه بيني وبين خالد القحطاني وأنت ابشر با العوض في الليالي القادمه

[خالد القحطاني]

الليالي تدور وكل شيٍ يزال \\ غير وجه الله المعبود يامعظمه

الجزاله طبوعي يا كريم السبال \\ امسك العلم وافي ياولد والزمه

طلال لا ترقد مثل البارحه عجل جعل شيبانك في الجنه

[طلال القحطاني]

ماتورد على الجمه قصار الحبال=لوتورد بها ياذيب كل اقلمه

بسألك عن حرام لا نقلته حلال=ينقله كل حي غالي بسهمه

[خالد القحطاني]

مانورد هزيله بين كفو العيال \\ من جهل مقصدي يا شيخ مايفهمه


انت يامن نشدني بنشدك ويش قال \\ راعي الحكمه اللي سارح ن بغنمه

[طلال القحطاني]

الله يبارك فيك وأشكرك جزيل الشكر على الطرق الرائع وأستاذنك ما بقا اللا النوم

[خالد القحطاني]

ومن قال ما يهان تصبح على خير

[نواف بن سعد المدوخل]

انشـــــــــــهد انها محاورة ماهي لمبتدئين انها محاورة لفحول الشعراء
بيض الله وجيهكم انشهد انكم شعراء
اجل لا جات عندنا حفله بزهمك ياخالد انت وطلال والقرقاح وتركي 2000
ونخليها رباعية يمال الشحم

[خالد القحطاني]

جعلك تسلم ههههههههههههههههههههههههههههههههههه
انتفخ راسي يارجال بغيت اطير ابشر بعزك لمن جاء عندكم مناسبه ابشر من يبيض وجهك وقحطان كلهم فيهم خيرر

[اَل طالع]

يعيكم العافية