فيديو انقاذ العائله السعوديه من الغرق ,, أنا اشهد انه بـ100 رجال !!

[أبو حسين الحبابي]

انقاذ عائله بطريقه تدل على الرجوله والشهامه

بصراحه كسرت خاطري الطفله وهي تبكي داخل السياره

ومنظر الاب وهو خايف على عائلته

ولكن الحمد لله ربي ارسل لهم رجال اشوفه ب 100 رجال

صوره من الشهامه والمروئه اثبتها الرجال وهو ينقذ العائله

شخصياً والله لا اعرفه ولا اعرف من صور ولا اعرف العائله

ولا اعرف بأي منطقه من المملكه هذا التصوير

والمقطع وصلني على الايميل و من شده الموقف مالقيت غير الدعاء

لرجل وهو ينقذ العائله

شاهد الموقف وحط نفسك في مكان الاب

وحط نفسك في مكان الشخص الذي انقذهم هل تتصرف مثله او تكتفي بالمشاهده

اسئل الله ان يكتب الاجر والثواب لهذا الرجل وان يرزقه كل خير

إضغط هنــــــــــا (http://www.shazly.net/~freehosting/5x1/wy2hcykd_zib_almtlae.3gp)

تحياااتي وتقديري للجميع

منقوووول

[خالد العاصمي]

جاري التحميل ...........

والرجال وانا اخوك ماهم سوى

فيهم الردي وفيهم أهل الشجاعة والنخوة والشهامة

واتوقع أن المنقذ قحطاني

[مخاوي سهيل]

أشهد إنك صادق

[خالد العاصمي]

الله يقطع أبليسك يابو حسين

توني أشوف المقطع بعد التحميل

والله انه ذيب ......... شاف الموتر قد هو بيغرق

يالله انك تجعلها في ميزان حسناته

وراعي العايلة والله ان ماعاد يكررها

[عبدالله آل عباد]

أشهد لله أنه ذيب

بيض الله وجهه

وأشهد لله أنه يستاهل الموتر ألي تحت رجله

والمتشمت ذا ألي يصور الله يكفاه شر الشماته

لايعود يهبها الله في وجهه





أرحب بك يابو حسين

أشتقنا والله المواضيعك

[محمد سعد القحطاني]

عزالله انك صادق والله يكثر من اشكاله الرجال الوافيه وووووو

[وتد]

بيض الله وجهه هذا الذيب
أما الوصخ اللي يصور لا شيمة ولا نخوة رجال وما ألومة لأنه ....................

[سعد بن عوض ال سيف]

انشهد انه اجودي
ومثله هذه الايام نادر
الله يجعلها في موازين حسناته

[فارس قحطان]

السلام عليكم ورحمة الله وبركاته





انا اشهد انه رجال


وعرف كيف يتصرف وينقذهم


حتى انه غامر بنفسه



لاهنت يابوحسين


.

[الواصل]

بسم الله علية والله انة ولد شيخ وان امة جت بولد

[°°¤§][الرأي الصحيح][§¤°]

انا اشهد انه مثل ما قلتوا

والله يكثر الي مثله

السلام عليكم ورحمة الله وبركاته

[خالد العاصمي]

والله كل ماشفت ذالمقطع أقول الله ستر عليه

أعتقد أن الشخص اللي أنقذهم سيحصل على ميدالية أستحقاق من الدرجة الأولى

[عاشق الليل]

بيض الله وجهك وجهه يابوحسين عادتك الجمايل

علي بلازيم انه قحطاني

خيل الشرفاء ابو رعد

[شيخ المهادية]

بيض الله وجهه عز الله انه رجال فيه خير

[فتى خضار]

علي الطلاق لو ان عندي بنت في حق الزوااااج لزوجه 00000 الذيب ذيب لين يموت
فتى خضار الزهيري

[ولد جوف المعمر]

السلام عليكم ورحمة الله وبركاته
بيض الله وجهه

وكثر الله من امثاله

قولوا امين

وهذا الوقت الي يبين به الرجال

والله يكتب اجره

[صالح ابو مريحة البشري]

بيض الله وجهه جعله يسلم والحادث وقع في منطقة جيزان والرجال قحطاني صاحب الشاص ووالله ان شعر راسي وقف والله يوفقه 0

[ابن حابي]

ابصراحه ان راعي الشاص أسد وصليب راس وبيض الله وجهه وعساه يلقى فزعته في الدنيا والأخره هذا تفريج كربة مسلم
من يزور تهامه وأوديتها ايام الامطار والله بيشوف اكثر من هذا المنظر وانا شخصيا وقفت على مثل هذا اكثر من مره واللي استغرب ان فيه مثل هذا يضحي بعائلته ويطمر السيل بدون حساب للعواقب
والله اني لاحظت ان عند كل وادي شباب من المنطقه نفسها كأنهم فرق انقاذ حيث عادة يجتمعون على طرفي الوادي للفرجه او ينتظرون السيل يخف وكل يكمل طريقه ولكن اذا حدث غرق ولا نشبت سياره يتفازعون على مثل هذه الحالات بشجاعه ومهاره سواء بالسيارات او بالحبال او فقط بترابط الأيدي . مره أخوي يذكر لي ان فيه شايب لوح به السيل في شاص قديم وانقلب الشاص في مطمر السيل بعد المزلقاني وطلع الشايب فوق الشاص بس في نصف السيل وماهنا حبال يقول ترابط الشباب بالايدي واحد جنب الثاني والاول يتقدم جهة الشاص حتى وصلوا الشايب وانقذوه

ويذكر لي ان اكثر الناس اللي تقع في هذه المخاطر اناس عابري سبيل لايعرفون خطورة الاوديه اللي يقطعونها رغم وجود ناس من اهل المنطقه تحذرهم حيث لهم على اطراف الاوديه علامات يعرفونها ويستدلون بها على قوة السيل وكبره ويقررون متى يقطعون ومتى ينتظرون

دمتم بخير

[أبــومبارك الـعـابسي]

بيض الله وجهه وما قصر وهذي شيم المطاليق


وبيض الله وجهك يا بو حسين

[@ابوريان@]

تحياتي لك ابو حسين


الف شكر يالغالي

[ال مالح]

صاحب العائلة يشاهد السيل و الناس واقفين ويعرض نفسة وعائلته للخطر

[ولد الحبابي]

عز الله انه زي ما قلت

والله انه ذيب ذيب ذيب

والله يوفقه

ولا هنت يا بن عمي

[ساج الوقت المشعلي]

بيض الله وجهه وعزالله انه ماقصر

اشهد ان الشاص موتر

تقبل تحياتي

ساج الوقت المشعلي

[العبدي]

اشهد انه ذيب ..

عز الله انه تجمل ..

وذا الشايب الله يهداه يخاطر بروحه وارواح اهله ..

ويلومووووني في حب الشاااااص . .

مشكور يا بو حسين . .

[علي الفهد]

في ميزان حسناته إن شاء الله




وبيض الله وجهه

[الزهيري المغترب]

ان جاد والا جوده عزم راعيه

[الخنــفري]

انا اشهد انه شنب

[محمد الحياني]

انا اشهد لله انه كفو


بيض الله وجه

ولاهنت يالغالي

علماً بان المشاركة

مكررة

لكن بموضوع آخر (http://www.qahtaan.com/vb/showthread.php?t=23074&highlight=%E3%C8%C7%D1%DF+%C7%E1%E3%DA%E3%D1%ED)

لكن ذلك لايخفي الجمال الرائع للتفاعل

[أبو حسين الحبابي]

ارحبواااااااااااااااااااااااااااا جميع

والله لا يهينكم على تفاعلكم وردودكم ...

ولا هنتوووووووو

تحياااتي للجميع

[أبو حسين الحبابي]

انا اشهد لله انه كفو


بيض الله وجه

ولاهنت يالغالي

علماً بان المشاركة

مكررة

لكن بموضوع آخر (http://www.qahtaan.com/vb/showthread.php?t=23074&highlight=%E3%C8%C7%D1%DF+%C7%E1%E3%DA%E3%D1%ED)

لكن ذلك لايخفي الجمال الرائع للتفاعل


أرررررررررررررحب يا محمد ,, وش حالك نفداك

بس يا الغالي يا ليت تشوف تاريخ موضوعي وتاريخ الموضوع المكرر ,,

هذا للتوضيح ,,

ولا هنت على مرورك

تحياااتي يالغالي