منصور بن حيان القحطاني
27-02-2007, 01:00 AM
عسا الله يعوض العود في الفايت اللي فات=ويجبر عزى بنت الرجال المناعيري
هذ البيت ليس لي وانما طلب مني كتابة قصيده على معناه واليكم ماكتبت000
دنيا دنيه كلبوها الم وآهات= لو زاد عمرك زودها زود تقصيري
جاني الخبر والرجل ذكره معي ما مات=والله ولي العرش رب المقاديري
واوجست جسمي كن في داخله حيات=تقرض عظامه والبقايا مناثيري
والعلم خنجر بيتها القلب والطعنات=والصدر يغلي كن وسطه مساعيري
راح العديم الشهم ومقدر الوقفات=عديم المثايل والحجاج المسافيري
كريم السبال وصاحب اليد والمدات=يعطي العطا والبيت تلقى المباهيري
فعله يساوي فعل عشره وراها ميات=صقر علا فوق الصقور المكاسيري
فيه البشاشه والوفا صافي النيات=وله خوة فيها تقل المشاويري
وليا غضب ليث عدى صادق العديات=ضربه بعدوانه صليب المشاطيري
يا عود لاتحزن عسا الغمر للجنات= جنات عدن عند حور ومزاهيري
واطلب ولي العرش يجزل له الحسنات=ترى الله كريم وصاحب الفضل والخيري
وصبر ترى فالصبر عند التقي لذات=يلقى حلاها من بخيره مكاثيري
صواديف بقعا تجلب الشر واللوعات=ولا يستوي فيها مدم ومحافيري
يللي سمعت القاف ردد مع لبيات = دعوة ضعيف عد قطره شخاتيري
عسا الله يعوض العود في الفايت اللي فات= ويجبر عزى بنت الرجال المناعيري
هذ البيت ليس لي وانما طلب مني كتابة قصيده على معناه واليكم ماكتبت000
دنيا دنيه كلبوها الم وآهات= لو زاد عمرك زودها زود تقصيري
جاني الخبر والرجل ذكره معي ما مات=والله ولي العرش رب المقاديري
واوجست جسمي كن في داخله حيات=تقرض عظامه والبقايا مناثيري
والعلم خنجر بيتها القلب والطعنات=والصدر يغلي كن وسطه مساعيري
راح العديم الشهم ومقدر الوقفات=عديم المثايل والحجاج المسافيري
كريم السبال وصاحب اليد والمدات=يعطي العطا والبيت تلقى المباهيري
فعله يساوي فعل عشره وراها ميات=صقر علا فوق الصقور المكاسيري
فيه البشاشه والوفا صافي النيات=وله خوة فيها تقل المشاويري
وليا غضب ليث عدى صادق العديات=ضربه بعدوانه صليب المشاطيري
يا عود لاتحزن عسا الغمر للجنات= جنات عدن عند حور ومزاهيري
واطلب ولي العرش يجزل له الحسنات=ترى الله كريم وصاحب الفضل والخيري
وصبر ترى فالصبر عند التقي لذات=يلقى حلاها من بخيره مكاثيري
صواديف بقعا تجلب الشر واللوعات=ولا يستوي فيها مدم ومحافيري
يللي سمعت القاف ردد مع لبيات = دعوة ضعيف عد قطره شخاتيري
عسا الله يعوض العود في الفايت اللي فات= ويجبر عزى بنت الرجال المناعيري