جنبٍ هل الفزعات وكبار الضوي = هواجرٍ ينطح ميه خيالها

[عبدالله ابن شايع الزهيري]

بسم الله والصلاة والسلام على رسول الله

هذه القصيده قلتها قبل مايقارب ستة أشهر وأرسلتها للأخ الغالي الذي سمعت بذكره من خويه في نفس العمل ولم أعرفه شخصياً ومن كثر مايذكره بالخير وعلوم الطيب معه ومعَ خوياه أعجبني ذكره وفعوله وأرسلت له ولربعه إخواني بني هاجر خلان الاشده هذه القصيده ويستاهلونها وأكثر وأكبر منها وهو النقيب / سعد بن علي الهاجري في القوات المسلحه وقد وصلته مع نسيبي / الاخ فهد بن عوض العبيدي.


صلو على النبي

المدح في عكف الشوارب يستوي = ويزيدها بالمدح طيب أفعالها
والطيب والله مامثل طيب الخوي = لاصار كفو وخوته يعنالها
تلقاه في الشدات لك ضلعٍ قوي= لاشانت أخلاق العرب وأحوالها
مايمح الرجّال لي صار رخوي= مدحتْه منقودٍ على من قالها
أنا أمدح اللي في المواقف يحتوي = كل المراجل دقها وجلالها
وابو علي فيه المثايل تستوي = تطرب على ذكره وتلقى فالها
يفداه لاشٍ في المواقيف فهوي = لايلحق الطاله ولايحتالها
هذا سعد من طيب ساسه يرتوي = وافي وربعه وافيٍ مثقالها
جنبٍ هل الفزعات وكبار الضوي = هواجرٍ ينطح ميه خيالها
على المسالم مثل ودّان النوي = وعلى العدى شهبٍ تهدّ جبالها
تاريخهم يشهد به الحي السوي =ماضي وحاضر للحمول جمالها
قلته وقول الحق ماله مثنوي= إلا صدقت وكل قرمٍ قالها

عبدالله بن شايع الزهيري

الله يحفظكم

[متعب الهاجري]

صح السانك يالعبيدي وبيض الله وجهك
وماتمدح الى اهل المدح والي يفعل الطيب يذكر بين ربعه وجماعته

جزاك الله خير على هذي القصيده الجزلة ولاهو غريب عليك يالزهيري








بني هاجر

[@تركي السنحاني@]

لاهنت يابوشايع وبيض الله وجهك على ذي القصيده

ولاهي غريبه عنك يا كحيلان


ويستاهل الهاجري كل طيب وخير



(( السنحااني ))

[عبدالله المهداني]

اررررررررررحب يا وجه ولد الحارث


صح والله لسااااانك


ووجه جنب يستاهل العلم الغانم


وانت من هله


ولا مدحت الا مديح


بيض الله وجهك بياض تشله الركاب


ولك خالص تحياتي


اخوك

[مهدي بن مسفر الحبابي]

أخوي عبدالله أبن شايع القحطاني


صح لسانك واعتلا شانك وبيض الله وجهك


رايعه ووافيه من وافي ومنصاها وافي


لك فائق احترامي وتقديري

[فهد بن محمد الزهيري]

عبدالله بن شايع

صح لسانك لا عدمناك وبيض الله وجهك

قصيده جزله ويستاهل الممدوح

[راشد العلى]

السلام عليكم ورحمة الله وبركاته
بيض الله وجهك على هذا القصيده يا ابن شايع
عز الله انك وافى والجنبي يستاهل المدح

[ابوساري البشري]

السلام عليكم ورحمة الله وبركاته
صح لسانك ويستاهل

[سنحان بن عامر]

المدح في عكف الشوارب يستوي = ويزيدها بالمدح طيب أفعالها
والطيب والله مامثل طيب الخوي = لاصار كفو وخوته يعنالها
تلقاه في الشدات لك ضلعٍ قوي= لاشانت أخلاق العرب وأحوالها

وافي يا بو شايع يستاهل المدح راعي المدح وأنت من هله

[معيض بن صميع]

أستاذنا الكبير : عبدالله بن شايع



للإبداع والأصالة والوفاء معك رحلة تطول ..



ولتحليقنا دوما ً مع عذوبة حرفك ذكريات تتجدد ..



لا فض فوك وصح لسانك ولاعدمناك ..



رائعة بروعة حرف قائلها وجميل مناسبتها وصدق ووفاء بوحها ..



دمت مبدعا و تقبل تقديري ،،

[شجاع عمر الأكلبي]

صح لسانك يابو شايع وافي ولا يجي منك إلا وافي




تحياتي لك

[عبدالله بن غفره]

نصيت القصيدة لرجالً كفو ومن قبيلة يستاهلون المدح

وبيض الله وجهك يابو شايع


وصح لساااانك

[سعد بن مناحي بن شفلوت]

صح لسانك يابوشايع

وافيه وجنب يستاهلون المدح

سلمت يمناك

تحياتي

[عبدالله بن سعيد البشري]

بيض الله وجهك ياذيبان

ويستاهلون بني هاجر والرجل مامدحته الاوعلمه غانم

اعجبت بقافية القصيده والاجمل البحر الذي كتبت عليه

لاهنت ياابوشايع

تحيااااااااااااااتي

اخوك عبدالله البشري

[محمد بن قريش الفهري]

يستااااهلون بني هااااجر

يستاهل الممدوح
وبيض الله وجه المادح

[العبدي شمر]

تستاهلون اكثر من كذا

[الهـاجري]

جعلك ما تعجم يابن شايع

ومايمدح الطيبين الا طيب


وماعليكم زود يا ربعنا


ملاحظه وش نبز الهاجري او منهو منه

[ابن جبهان المسردي]

السلام عليكم ورحمة الله وبركاته

بيض الله وجهك يابوشايع قصيدة"طيبه في رجال"
يستحقونها .......

[عوض بن شفلوت المناديه]

عشت يا بو شايع



دايم الابداع حليفك جعلك تحيا




صح لسانك



وافيه وانت وافي



تحياتي

[سلطان العبيـــــدي]

صح لسان الشاعر

[محمد طلان الحارثي]

عبد الله صح لسان وعلا شانك


وما يمدح الاجواد الا جيد ولا الردي ماله بمدح الرجال طافة

جزله صبغتها بشاعريتك الرااائعه ومعانيك القيمة

ونعم بك وبالهاجري

بارك الله فيك

[سعد القحطاني]

الاخ عبدالله بن شايع

صح لسانك مدد وبيض الله وجهك

بني هاجر يستاهلون المدح

وانت كفو وتمدح مستحقين المدح

تشرفت بقرائة هذه الشامخه

لاعدمناك

.

[خالد بن حامد الحبابي]

صح لسانك

[عبدالله ابن شايع الزهيري]

بني هاجر


أرحب مليون وماعليك زود


شاكر ومقدر مرورك وتعليقك


الله يحفظك

[تركي الهاجري]

صح لسانك ولاهنت يالقرم بيض اللة وجهك

[سـعود القحطاني]

صح لسانك ويسض الله وجهك

لاهنت يالسنافي,,,,,,,

[عبدالله ابن شايع الزهيري]

تركي السنحاني


هلا وغلا



حياك الله وبياك


وصح بدنك ياغالي


الله يرعاك

[بدر آل شآفي]

الزهيــري .. صح الله لسآنك مليون ولآعليـــك زووود طآل عمرك .. قصيـده جزله من شآعر جزل .. مآنستغربهآ يآعبدالله !




لآهنـت !

[خالد الجروي]

صح لسانك وافي ومن وافين