خليل بن هدلان
28-02-2005, 02:36 AM
يعد الامام تركي بن عبدالله آل سعود مؤسس الدوله السعوديه الثانيه المعروف بالشجاعه والديانه والشهامه، وهو من أسرة مباركه شهد لها التاريخ بالمجد والسؤدد..
قال هذه القصيده يتوجد فيها على ابن عمه مشاري بن سعود ، وأرسلها تركي لمشاري الموجود أسيرا في مصر عند إبراهيم باشا سنة 1235هـ ، وهي من القصائد المعدودة في الحكمة والحماسة:
طار الكرى عن موق عيني وفرَا= وفزيت من نومي طرا لي طواري
وابديت من جاش الحشا ما تدرَا= واسهرت من حولي بكثر الهذاري
خط لفاني زاد قلبي بحرا= من شاكي ضيم النيا والعزاري
سر ياقلم واكتب على ما تورا= ازكى سلامي لابن عمي مشاري
شيخ على درب الشجاعه مضرا= من لابة يوم الملاقا ضواري
ياما سهرنا حاكم ما يطرا= واليوم دنيا ضاع فيها افتكاري
اشكي لمن يبكي له الجود طرا= ضرَاب هامات العدا ما يداري
ياحيف يا خطوا الشجاع المضرا= في مصر مملوك لحمر العتاري
من الزاد غاد له سنام وسرا= من الذل شبعان ومن العز عاري
وش عاد لو تلبس حرير يجرَا= ومتوَج تاج الذهب بالزراري
فدنياك يابن العم هذي مغرا= ولا خير في دنيا توري النكاري
تسقيك حلو ثم تسقيك مرا= ولذاتها بين البرايا عواري
إكفخ بجنحان السعد لا تدرا= فالعمر ما ياقاه كثر المداري
مافي يد المخلوق نفع وضرا= وما قدر الباري على العبد جاري
واسلم وسلَم لي على من تورا= واذكر لهم حالي وما كان جاري
إن سايلو عني فحالي تسرا= قبقب شراع العز لو كنت داري
يوم ان كل من خويه تبرا= حطيت الاجرب لي خوي مباري
نعم الرفيق الى سطا ثم جرا= يودع مناعير النشاما حباري
رميت عني برقع الذل برا= ولا خير في من لا يدوس المحاري
يبقى الفخر وانا بقبري معرا= وافعال ( تركي) مثل شمس النهاري
أحصنت نجد عقب ماهي تطرا= مصيونة عن حرَ لفح المذاري
ونزلتها غصب بخير وشرا= وجمعت شمل بالقرايا وقاري
والشرع فيها قد مشى واستمرا= ويقرا بنا درس الضحى كل قاري
زال الهوى والغي عنها وفرَا= ويقضي بها القاضي بليا مصاري
وان سلت عمَن قال لي لا تزرا= نجد غدت باب بليَا اسواري
ومن أمن الجاني كفى ما تحرا= وتازي حريمه بالقرايا وقاري
واجهدت في طلب العلا لين قرا= وطاب الكرى مع لابسات الخزاري
ومن غاص غبات البحر جاب درا= ويحمد مصابيح السرى كل ساري
وانا احمد اللي جاب لي ما اتحرا= واذهب غبار الذل عني وطاري
والعمر ما يزداد مثقال ذرا= عمر الفتى الرزق في كف باري
وصلاة ربي عد ما خط بالرا= على النبي ما طاف بالبيت عاري
شعر :الامام تركي بن عبدالله آل سعود
المصدر:حديث الصحراء للمؤلفين: ناصر السبيعي_ إبراهيم الخالدي
قال هذه القصيده يتوجد فيها على ابن عمه مشاري بن سعود ، وأرسلها تركي لمشاري الموجود أسيرا في مصر عند إبراهيم باشا سنة 1235هـ ، وهي من القصائد المعدودة في الحكمة والحماسة:
طار الكرى عن موق عيني وفرَا= وفزيت من نومي طرا لي طواري
وابديت من جاش الحشا ما تدرَا= واسهرت من حولي بكثر الهذاري
خط لفاني زاد قلبي بحرا= من شاكي ضيم النيا والعزاري
سر ياقلم واكتب على ما تورا= ازكى سلامي لابن عمي مشاري
شيخ على درب الشجاعه مضرا= من لابة يوم الملاقا ضواري
ياما سهرنا حاكم ما يطرا= واليوم دنيا ضاع فيها افتكاري
اشكي لمن يبكي له الجود طرا= ضرَاب هامات العدا ما يداري
ياحيف يا خطوا الشجاع المضرا= في مصر مملوك لحمر العتاري
من الزاد غاد له سنام وسرا= من الذل شبعان ومن العز عاري
وش عاد لو تلبس حرير يجرَا= ومتوَج تاج الذهب بالزراري
فدنياك يابن العم هذي مغرا= ولا خير في دنيا توري النكاري
تسقيك حلو ثم تسقيك مرا= ولذاتها بين البرايا عواري
إكفخ بجنحان السعد لا تدرا= فالعمر ما ياقاه كثر المداري
مافي يد المخلوق نفع وضرا= وما قدر الباري على العبد جاري
واسلم وسلَم لي على من تورا= واذكر لهم حالي وما كان جاري
إن سايلو عني فحالي تسرا= قبقب شراع العز لو كنت داري
يوم ان كل من خويه تبرا= حطيت الاجرب لي خوي مباري
نعم الرفيق الى سطا ثم جرا= يودع مناعير النشاما حباري
رميت عني برقع الذل برا= ولا خير في من لا يدوس المحاري
يبقى الفخر وانا بقبري معرا= وافعال ( تركي) مثل شمس النهاري
أحصنت نجد عقب ماهي تطرا= مصيونة عن حرَ لفح المذاري
ونزلتها غصب بخير وشرا= وجمعت شمل بالقرايا وقاري
والشرع فيها قد مشى واستمرا= ويقرا بنا درس الضحى كل قاري
زال الهوى والغي عنها وفرَا= ويقضي بها القاضي بليا مصاري
وان سلت عمَن قال لي لا تزرا= نجد غدت باب بليَا اسواري
ومن أمن الجاني كفى ما تحرا= وتازي حريمه بالقرايا وقاري
واجهدت في طلب العلا لين قرا= وطاب الكرى مع لابسات الخزاري
ومن غاص غبات البحر جاب درا= ويحمد مصابيح السرى كل ساري
وانا احمد اللي جاب لي ما اتحرا= واذهب غبار الذل عني وطاري
والعمر ما يزداد مثقال ذرا= عمر الفتى الرزق في كف باري
وصلاة ربي عد ما خط بالرا= على النبي ما طاف بالبيت عاري
شعر :الامام تركي بن عبدالله آل سعود
المصدر:حديث الصحراء للمؤلفين: ناصر السبيعي_ إبراهيم الخالدي