قيل ( لازعزعت قحطان نرمي الغتر ) .. تكفون ياقحطان

[عبدالله ابن شايع الزهيري]

السلام عليكم ورحمة الله


عبدالله بن غريب الحبابي .. والله والنعم به وبكم ياربعي

رفيقنا في شاعر المليون وبما أن الوضع سار بالنخوه والحميه وقحطان أهل الثنتين من ذو فجر التاريخ وأنا هنا أذكر فقط وأنتم ماتوصون وبما أنه نخانا على العالم وجب علينا الوقوف خلف ولدنا .. تكفون ياربعي

أفزعو للحبابي يارجال قحطان= ياهل المدح والناموس وأهل الظفر
خابرٍ عشركم ماهي بترجع ثمان = فزعةٍ تبهج الخاطر وتجلى النظر
قد نخاكم على العالم وسيع البطان = شاعرٍ شرّف الغيّاب واللي حظر
وأنتو أهل المواقف من قديم الزمان = لابةٍ تحتمي الماقف وتاطى الخطر
المواقف على ماقيل سدّ وضمان = تحفظ أهل المعزّه في عيون البشر
أفزعو ياهل الفزعات في كل شان= من الامارات ولاّ مالكويت وقطر
وأفزعو له من البحرين وأيضا عمان = والسعوديه اللي كلبوها فخر
الكتوف اتداحم والمناقب تصان = قيل ( لا زعزعت قحطان نرمي الغتر )

عبدالله بن شايع الزهيري القحطاني

[ابراهيم آل بي حبيب الرفيدي]

صح الله لسانك

وافي يالزهيري والحبابي يستاهل

ونتمنى له التوفيق والشاهد الله

[عبدالله المهداني]

ارررررررررررررررحب يابن شايع


علي الحرام انه شاش راسي من كلامك


لعنبوا من لا فيه حميه


حي والله ذا الحجاج يا حارثي


بيض الله وجهك وجمل الله حالك على هالشامخه


وابن غريب بإذن واحد احد بعد الله بقحطان وبقصيده بيفوز


تحياتي وتقديري



اخوك ومحبك

[ابو مبارك القحطاني]

صح اللسانك يا شايع

والحبابي يبشربالسعد

ملاحظه

ولازعزعت قحطان حذفنا الغتر

وليس زحزحت


يالله يالمطلوب ياعدل النظر........... يارازق(ن) الطير خفاق الجناح

يارازق(ن) الطير في بر وبحر..........بامره يسير العبد وتهب الرياح

ايقول ابن علوش في اللعب افتكر..........واوحوا كلامه يامروية الرماح

هواجر(ن) لا جا زعازيع النذر...كم واحد(ن) من ضربنا في الضيق طاح

وان زعزعت قحطان حذفنا الغتر..........هم ربعنا لاثار مشخول الملاح

هم ربعنا في خير والا في قشر...........لاقامت الجربا تحكك بالصحاح

قحطان من نجد(ن) ليا سيف البحر......من ضدهم يمسي بهمه ماستراح

من ضدهم نسقيه كاسات الكدر.............ونبيته في ليل والا في صباح

عند العشاير ما نهاب من الخطر..لا حل ضرب مخلص(ن) والكذب راح

ترى الظفر يالربع رايات الفخر......ترى الظفر في الضيق ياطيور الفلاح

كله لعينا الغر براق النحر............اللي جبينه برق صيف(ن) يوم لاح

وختامها صلوا على سيد البشر........اقول قول(ن) منه عرضي مستباح

[هيثم الرفيدي]

صح الله لسانك

وافي يالزهيري والحبابي يستاهل

[علي الفهد]

صح لسانك يا أبو شايع




وبيض الله وجهك

[الفارس الجنوبي]

صح لسانك وأبشر بالسعد ((لازحزحت قحطان نرمي الختر)) الختر والا الغتر

تحيااااتي

[منصور بن حيان القحطاني]

صح السانك يابو شايع

ولاهي غريبه فزعتك يالوافي

صوتنا لبن غريب والله يوفقه

تقبل تحياتي وتقديري لشخصك الكريم

[عبدالله ابن شايع الزهيري]

ابراهيم البي حبيب

عبدالله المهداني


هلا والله وغلا

صحت ابدانكم ولاعليكم زود والحال واحد


الله يحفظكم

[عبدالله ابن شايع الزهيري]

صح اللسانك يا شايع

والحبابي يبشربالسعد

ملاحظه

ولازعزعت قحطان حذفنا الغتر

وليس زحزحت


يالله يالمطلوب ياعدل النظر........... يارازق(ن) الطير خفاق الجناح

يارازق(ن) الطير في بر وبحر..........بامره يسير العبد وتهب الرياح

ايقول ابن علوش في اللعب افتكر..........واوحوا كلامه يامروية الرماح

هواجر(ن) لا جا زعازيع النذر...كم واحد(ن) من ضربنا في الضيق طاح

وان زعزعت قحطان حذفنا الغتر..........هم ربعنا لاثار مشخول الملاح

هم ربعنا في خير والا في قشر...........لاقامت الجربا تحكك بالصحاح

قحطان من نجد(ن) ليا سيف البحر......من ضدهم يمسي بهمه ماستراح

من ضدهم نسقيه كاسات الكدر.............ونبيته في ليل والا في صباح

عند العشاير ما نهاب من الخطر..لا حل ضرب مخلص(ن) والكذب راح

ترى الظفر يالربع رايات الفخر......ترى الظفر في الضيق ياطيور الفلاح

كله لعينا الغر براق النحر............اللي جبينه برق صيف(ن) يوم لاح

وختامها صلوا على سيد البشر........اقول قول(ن) منه عرضي مستباح


ابو مبارك صح بدنك


وافي وشكراً على الملاحظه وقد تم التعديل في الكلمه الذكوره

من ( زحزحت الى زعزعت ) بيض الله وجهك

وأمل من المشرفين تعديل العنوان


الله يحفظك

[متعب الهاجري]

لازعزعت قحطان نرمي بالغتر

مطلع قصيده لشاعر من بني هاجر


بيض الله وجهك على القصيد الجزل وصح السانك وسلم بنانك ،،

[مهدي بن مسفر الحبابي]

أخوي عبدالله ابن شايع القحطاني


صح لسانك وجمل الله حالك واعتلا شانك


بيض الله وجهك يابو شايع


والطيب ما يستغرب منك انت و شرواك وقحطان كلهم وافين واهل فزعات


لك فائق احترامي وتقديري

[فهد بن محمد الزهيري]

صح لسانك يا بو شايع

الحبابي فايز فايز ان شاء الله

نعول على رجال أعمال قحطـــــــــــــــــــــــــــــــــــــــــــــــ ـان ان يحذو حذو عتيبه ومطير بالتبرع للشاعر ودعمه عن

طريق شركة النصب والاحتيال عفوا الاتصالات

تقبلو تحياتي

[محمد المرقوع]

بيض الله وجهك وجعلك والله تسلم



على النقل

[شجاع عمر الأكلبي]

أررررررحب ياعبدالله



مررت للمتعة ولا رأيي فيما تطرح تعرفه مسبقاً


صح لسانك مدد

[معيض بن صميع]

الرائع : عبدالله بن شايع



صح لسانك وبيض الله وجهك ..



رائع كما هي عادتك دوما ً ..



تقبل تحياتي وتقديري ..

[عبدالله ابن شايع الزهيري]

أرحبو أرحبو ياربعي



شدو الهمه ولاتنسون هذه الجوله مهمه جداً


الله يرعاكم

[صقري عبيدي]

يستاهل ويبشر بالسعد

شدوو الهمه ياعيال العود ما بقى شي

صح لسانك ياعبدالله

[مرعي بن دواس الحبابي]

صح لسانك

والله يبيض وجهك


اخووووك

[الهـاجري]

صح السانك

والوعد قدام