اجمل ابيات اعجبتك في شبكة قحطان [الأرشيف] - شبكة قحطان - مجالس قحطان

عبدالله المهداني

22-02-2007, 03:10 AM

في الحقيقه ان الجمال كثير

والجزاله كثيره في هذا الموقع

وبما اني انا كاتب الموضوع راح ابدا بقصيده كامله لابو عبدالرحمن عوض بن شفلوت وهي بعنوان

لا غريب

العيون اللي تخفى وراء ستـار الخجـل=
مثل در غطه البحـر الاحمـر وغمـره

والعيون اللي تناظـر وترمـش بالعجـل=
اعمرت قصر من الشوق والحـظ دمـره

والعيون اللي تبحلق ولـو كانـت نجـل=
ودك انها من ورا أديس ابابـا واسمـره

فارق اللي يسحر العين بخمـار الدجـل=
لا تقـول القلـب ميـال اذا الله ومــره

انشد اللي لا ضوت ليلته سـرا الرجـل=
لين شمسه تشلع النور من ضـي قمـره

المواقف بعضها خوضه يجيـب الاجـل=
والحصان اللي ليا كـاده الشـي طمـره

والغبينه كان مرت على القلـب الوجـل=
يمكن انهـا فـي ثوانـي قليلـه تجمـره

والدروب اللي يجي بعضها ربـد حجـل=
من سحب ثوبه عليها على طول شمـره

والمعلم شيـخ علمـه قبـل لا يرتجـل=
كلمـة تغتـال ترحيبتـه قبـل ذمــره

علموا اللي شيييخ لسان حاله ما اختجـل=
يحسب انه ينـذر القـوم لا شـد كمـره

ما يخيف الحر جول الحباري والحجـل=
مير بعض الناس لوله يسـاوي مرمـره

ليت راعي الطيب في هالزمن يزرع فجل=
خير مما يزرع الـزرع ويضيـع ثمـره

يا خديني هاك جوالـي ادخـل للسجـل=
دور آخر اتصال امسـح اسمـه ونمـره

ما اصدق اللي كلمته مثل صبح منبجـل=
يوم دمعه خان محجـر عيونـه وهمـره

لا غريب ان المره تأخذ طبـاع الرجـل=
الغريب ان الرجل يأخـذ طبـاع المـره

والخير جاي

ارجوا التفاعل مع الموضوع

عبدالله بن غفره

23-02-2007, 12:31 AM

موضوع رائع ونقل مميز

وبيض الله وجهك يابو سعود

والقصايد واجد والجزل كثير

لكن في خمسة ابيات تذكرتها الآن ولي عودة بعدة
أختيارات بعد ما اشوف التفاعل على نفس الموضوع

الأبيات لشاعر / سعد بن مناحي بن شفلوت

الطيب فرصه و الجمايـل توافيـق = ومن لاتوفق ماكتـب لـه جمالـه

ومن لارقى للطيب روس الشواهيق = مازان له وقتـه علـى مابدالـه

ومادام لفعول الجمايل عشاشيـق = كسب الجمايل ما يجي بالسهالـه

ولو انها تشرب مع فكـة الريـق = كلٍ خذا له كل ما اصبـح بيالـه

والطيب منوه للقلوب المشافيـق = كلٍ يتـوق ومنوتـه راس مالـه

عبدالله المهداني

24-02-2007, 01:23 AM

سلطان ابو ديه

وخمسة ابيات من قصيده جزله

سوق الاسهم في الحقيقه ان القصيده كامله كفو لكن اخترت منها هذي الابيات

سوق الأسهم فيه نصب وتلاعب وإحتيال=بين شك وريب ولا عرفنا بايقه
سوقنا اللي في تدهور وأزمه وإنحلال=باح دمه كثر نزفه من اللي رايقه
والمصيبه نخسر آلاف مانربح ريال=وناس واجد مستغيضه وثله رايقه
ثلة(ن) منا وفينا ومن ابنا وآل=والضماير ميته والمشاعر فايقه
ياكلون اموالنا لاحرام ولاحلال=كل منهم ماجهلنا هدف طرايقه

في الحقيقه اني لا ارى اي تفاعل

لكن بأقعد اتفاعل مع عمري لين نشوف

تحياتي

مهدي بن مسفر الحبابي

25-02-2007, 06:43 AM

أخوي عبدالله المهداني

بيض الله وجهك وجمل الله حالك على المجهود الرايع

أما القصائد الذي تعجب فكثيره جداََ ولا تنحصر

لك فائق احترامي وتقديري

سعد بن مناحي بن شفلوت

26-02-2007, 01:52 AM

فكره رائعه ياعبدالله

الله يعطيك العافيه

‘‘ ‘‘

قصيده للشاعر/فراج بن محمد‘‘ ‘‘ ‘‘

انا لاشفت النقط ماجات فوق الحروف = ماانشد عن الشجرة اللي قاصر ٍ ضلها
وان كان راحت جمايلنا بدون امعروف = اصد واحفر لها في الارض وادفن لها
ماني بلاش ٍ ليا كثرت عليه الظروف = لايحتملها ولايقدر على حلها
انا ابذل الجهد بالماقف وكل ٍ يشوف = وفي ساعة الحسم لجحدها ولااذعن لها
الخوف بعده لمان وبعد لامان خوف = وضعف الروابع يهين النفس ويذلها
حتى القمر في مداره لو غشاه الكسوف = يشع نوره بالارض وبالسما كلها
ومن حيث وش لون مااطلع في مجلة قطوف = محد ٍ ظهر في المجله كود يرسلها
ونا بدون القصايد بيّن ٍ ومعروف = ومكانة الرجل توصل له وياصلها

معيض بن صميع

26-02-2007, 08:57 AM

من أجمل ما قرأت لبحـــــــــــــــــر :

ماغير أنا والليل وظروف العنا=والهاجس اللي للقصيده تلّني
قاسي وفي يمناه للعاشق قنا=أذللـ ــــــه بدري عليه يذلّني
يجي لي من هنا وأجيله من هنا=أنفث عليه إلين حتى زلّني
يابو العيون السود حالي في عنا=أما رحمت الحال والا جلّني
ياللي مضراً بأغتيالات الهنا=أين الطريق الى وصالك دلّني
آنا دخيلك جيش حبك دكنا=خلخل حصون القلب ثم أحتلّني
ياحبنا ياخالنا ياعمنا=ما اكل من شوفك لو أنه كلّني
حنا عليك مطوّلين بالنا=على المناوي والرجاوي خلّني
صدك وهجرك ياغناتي طالنا=وألظاهر أنه صوب قبري شلّني
يامزنة براقها ماله ســـــــنا = يرهش مطرها وبلها مابلني
والله ماتكسب بها مدح وثنا = ا لاالهروب اللي لغيرك تلني

معيض بن صميع

26-02-2007, 09:04 AM

وهذه الأبيات للرائع : بدر بن هادي الوبري

وما دام اني عبيدي وقحطاني) = ( وربعي في اللقاء نجوم مطله)
عليه با الحرام اني لا اهاجم = وارجع كل عقل في محله
فخذ علم ثمرته في بيوته = ودور للضعيف ثم قله
ولا هو (بتيامن) ( متياسر) = ولا له بيت ولا منزل له
ولكن بثها في كل ديره = لعلها توصله من صاحب له
سمعت العلم من قاصي وداني = ودورت الجريده والمجله
وان ما اعرفه لكن من كلامه = عرفت ان له دروب مستقله
يغني في دفيدوفه وكنته = وجورج وسوف ما هو بتارك له
يحط السيف في غماد القديمي = ولا ادري ويش عليه مهايط له
علامه ثم علامه ثم علامه = مذله ما بعدها من مذله
ما دام ان سنه المكسور مكسر = فيحذر لا تجي في جبهة له
يقولون الرجال اهل التجارب = لا شفت اللي يهوز طويق خله
ما دام طويق ما هو بداري به = علامك (تحرق القلب وتزله)
وانا في ذمتي ما احسب حسابه = ولكن موقف احب استغله
اذا جاني ضعيف ما تعلم = ( ابي هذا يجي له عبرت له )
واسكر باب هافين الشوارب = واطلع جمرة من تحت مله
وانا حبيت اعلمه الحقيقه = وانزل كل دلو في مدله
مساكنا شواهيق النوايف =( جنوب وكل نو مستهله)
وانا لي الفخر باني جنوبي = اذب الضلع وانزل فوق تله

سعيد بن مسعود آل مهدي

26-02-2007, 04:34 PM

عبد الله المهداني

بيض الله وجهك على هذه الفكره
ومشركتي أبيات لشاعر / ما يحتاج

بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا

وفق الله الجميع الى ما يحبه ويرضاه

سعد القحطاني

26-02-2007, 11:57 PM

الأخ الغالي عبدالله المهداني

اشكرك على طرح هذه الفكره الجديده

واكثر من رائعه

وانا معجب باكثر قصايد شعراء الموقع

وعلى سبيل المثال قصيدة الشاعر / معيض بن صميع التاليه:ـ

بعض العرب يعجبك لو كان نايد=ودّك لو إنّه لك قريبٍ وتغليه
الطيب طبعه والوفاء له عوايد=واللي لك بقلبه لسانه يبدّيه
هذاك أنا بالروح لرضاه جايد=حتى ولو يخطي فلا لي مشاريه
اللي يلمّح لي بزين الفرايد=مآقول له ياكود عونك و لبيه
لبيه ياراع الفعول الوكايد=ياطيّبٍ طيبه عن الناس مغنيه
للشارده دايم من الناس صايد=وأنا على ماقيل " صيدي مذكّيه "
ماني غشيمٍ بالقنص والشرايد=آوقّف المعنى وأبرّق بخافيه
لو قلت يامحمد ولا قلت رايد=لزوم يعرف رايد إنّك تناديه
المسأله ماهي طقوس وعقايد=هذي منح والعبد له رب يعطيه
أصغر طموحي حب راع القلايد=غروٍ موّردني بحرهمٍ وتيه
وأكبرطموحي علم خافي وكايد=ياعنك ماغيري موكّد مواريه
درب السهر يامكبّرين الوسايد=درب اللي همومه بليله تسرّيه
الهرج زوده مايجيب الفوايد=والحر يفهم لالمح شي يعنيه
إعرف ترى للطيب لابد عايد=لوكان كلمة شكر للرجل تكفيه
علمك سمين وعلم غيرك بدايد="غيرك"هم اللي : يكثرون المشاريه
يامال فرقا اللي علومه نكايد=اللي يذلّ الراس للنفس مابيه
الكفو نرسل له سلام وقصايد=والفسل لاباللّه نفتّش مخابيه
السير له خطّه وللسرب قايد=والعلم له قلبٍ على طول يوحيه
لك منّي التقدير وافي وزايد=وتحيّةٍ منّي وللأمر OK
والغانمه مآني عليها بأزايد=ومن قدّم المعروف يبشر بقافيه
يشتدّ بي لا جاء نهار الشدايد=وينزاح همّه كان همّه معنّيه
وبالعون بعض الناس لو كان نايد=ودّك لو إنّه لك قريبٍ وتغليه

ولي عوده على الموضوع لاحقاً إن شاء الله

وتحياتي للجميع

.

معيض بن صميع

27-02-2007, 06:49 PM

أيضا ً من أجمل ما قرأت هذه الأبيات للرائع : سلطان بن مسفر بن سعيدان

بشويش لاتقضي على القلب بشويش=ماعادعندي يوم اجاريك طاقة
ليش انت قاسي ياهوى خاطري ليش=لاتاخذالدنيا غرور وحماقة
ولاالجهل والزود والصغر والطيش=انستك اساليب العقل واللباقة
ماقلت لي ياروح روحي على ويش= ولاعشان انني عشقتك عشاقة
الكهرب اللي يربط السلك بالفيش= مثل الغرام اللي علقنا علاقة
ليت العيون ام الرموش المراييش=مااهدت علي من وردالاشواق باقة
لوكان بيدي كان ابنساه واعيش=وانحرعلى فرقاه عشرين ناقة
لكن في قلبي جروح ومناقيش=من موس عشق مثل موس الحلاقة
قلبي مثل طيرخفق مامعه ريش=ولاكسيرماجبرعظم ساقة
جوالمولع والولع فيةتشويش=وين انت ياجوالصفا والرواقة
لوصارفي دربي حواجزوتفتيش=ماعاقني عن حلم الايام عاقة
اتعبت وايامي دروب ومطاريش=ولاذخرت من اللياقة لياقة
ماينحني راسي ورى لقمة العيش=صرح على ساس وشموخ وعراقة
ماضيقت صدري علوم الدراويش=اللي صداقتهم مجرد صداقة
سودالليالي ساقت الخيل والجيش=واللي لقى شي على الدرب ساقة
واللي نصيبة في حياتة عراميش=لاينطلق سيلة على اهل الطلاقة
وياناعس الطرفين بشويش بشويش=ماعاد عندي يوم اجاريك طاقة

وسلامتكم

سعيد بن مسعود آل مهدي

27-02-2007, 11:06 PM

في الحقيقه أعجبتني قصيدة الاخ الكريم عبدالله المهداني لما تحمل من جزاله في المعنى
ولما لها من صوره جماليه ومهما أقول سوف تكون شهادتي في هذا الشخص مجروحه

يا سعد خذها صريحة من ضميرٍ صافي = لعنبو لحية رفيقٍ يرتضي لك خله
والله انا عارفينك في المقام سنافي=تعشق العليا ولا تقبل لنفسك ذله
لا تحسب من هرج لك بالنصيحة جافي=والله ان اهل النصايح في زمنا قله
ما نصحك الا ويبغا لك مقامٍ وافي=وانت وافي ما تزل ولا تحب الزله
أشهدٍ بعض المواقف ما رفاها رافي=واشهدٍ بعض الحقايق في الزمن منحله
ما يعرف الرجم غير اللي رقا المشرافي=وما يقدي غير من هو كل درب يدله
المواقف لنشاما تزهل الميقافي=عادةٍ عليا يابن عمي لهم وجبله
فلو تفكر وأتفكر وانت مالعرافي=في الزمان اللي يغيير عالبنادم دله
أشهد إن الرجم صامل ما سفابه سافي=وأشهد انك ما تحب الغاويه لا بله
خذ كلامي والله انه عالمٍ بالخافي=عالم النيات يعرف وش يبي عبدالله!!

تحياتي لجميع أعضاء هذا المنتدى الشامخ

سعيد بن مسعود آل مهدي

27-02-2007, 11:32 PM

اعجبتني قصيدة الشاعر الكبير سعيد الفهري وذلك لجزالتها وقوة معانيها
قصيدة من شاعر شاعر

ما يبين الطيب الا في الشدايد=في نهار يصير حملك فيه كايد
يظهر الصنديد في صف الجماعه=وينثبر من يشتري مدح الجرايد
ويسكت اللي بين خلق الله علاقه= ويعرف اللي في سبيل الخير ذايد
والهجوس اللي على الموعد تجيني=عاهدتني ما تجيب الا الجوايد
لو اصوم من رمضان الى الضحيه=ما افطر الامن معاليق الشرايد
كل ما هلت مزون العقربيه=جاد صندوق النوادر والفرايد
والشعر في ذمة الشاعر رساله=تذكره حتى محاريب المسايد
شاعر الرسول حسان بن ثابت=والامام الشافعي في الشعر رايد
ولاتزال معلقات الشعر رايه=للشعر واهله وعشاقه شهايد
واناشعري مثل دمي له فصيله=له علاقه با الفصيلهo+
لانها فصيلة الدم الكريمه= والكريم معان حتى في القصايد
محزم لي في المسره والمضره=ما وقف بي عند وقفات الزهايد
خادمنّي عند عصمان الشوارب=عرفهم طاله وخدمتهم فوايد
واكسب بعرفي بلاد الله اماره=والبس ثياب النواميس الجدايد
وقفة تذكر وتاريخ ومهابه=ومزح راقي مع وسيعين البنايد
وان رجعنا للمطامع والمراجل=مانضريها على نوم الوسايد
وانت يا اللي تحسب ان هرجك مؤثر=وتزرع اشجار النميمه والمكايد
لاجميل ولاسلاح ولا حميه=ولاتمسك با الشريعه والعوايد
غاسل وجهك من اثار المروه=مثل ما يغسل يدك صابون تايد
وتزعم انك مثل شيخان القبايل=وانت صيد للسلق مانته بصايد
ان ترفعنا عن الواطي كرامه=ما مضى من وقتنا ما هو بعايد
ما يمثل شاعر الوقفات نفسه=غيرذخر للقريب وكل نايد
نية الرديان ماهي لي مطيه =البشر ما تفرق الا في العقايد
وكان ثار العج عند ابل الدواسر=يعرف ابن قويد عند اولاد زايد
كل عود ازرق لافاح يجيك طيبه=فال من لايرتجف يوم الطرايد
والحقيقه في البدايه والنهايه=كل شي غير وجه الله بايد

والسلام عليكم

سعود الحبابي

28-02-2007, 02:06 AM

الاخ / عبدالله
لا هنت على اختيار هذا الموضوع
ويا كثر القصايد الثمينه ولكن اعجبني قصيده
للشاعر / مهدي بن مسفر

آه يا حلمِِ رسمتـه علـى حـد الخيـال = واه يا عمرِِ قضاء بين طيـات الحيـاه

وأه يا صكات الأيام والوصـل المحـال = والطريق اللي دليل الليالـي فيـه تـاه

واه يا بعد المسافة ويا شـوق الوصـال = ويا تصور موقفِِ يجمع أثنيـنِِ أغـلاه

واه من ضيقات صدري ومن كثر الجدال = بين هاجوسي وفكري وقلبي فـي عنـاه

وجعل جدرٍ ما وجد به كنان ولإضـلال = ينهدم قصرِ ِ من الطين ما يـذري ذراه

ويش ابي به لو مبانيه توصف بالتـلال = اسم مبنى ما يزبـن دخيلـه لا نصـاه

والمثل قال الرجاجيل توصف بالجبـال = الجبال الي بعضها رفيـعٍِ مستـواه

فلا تقول الطيب لهل الوفاء صعب المنال = أشهد أن الطيب وهبه ومن يشقاء لقـاه

بيض الله وجه رجلِِ لما جالـه مجـال = كاسبِِ كلمة نعم صار له وجـهٍِ وجـاه

فالشدايد يرتكي ما ذخـر حـالِِ ومـال = يرخص الغالي بوقته ويا مطيـب نبـاه

وعقب الله فالمواقف ما ياقف بأحتمـال =وعقب اللي ما يشرف ربوعه واخويـاه

فيا زمانِِ ضاع فيه الوفاء بين الرجـال = ضاع فيه الحق حتى معى بعض القضاه

وضاع وجه السالف بين ترديد السـوال = وانتظاره للإجابـة معـى كـل اتجـاه

ورسم الامال العريضة على خد الرمال = ودفن سر السالفة قبل يظر فـي ثـراه

وكل نور يشع يبدى معه حلم الوصـال = ويفرح الغرقان لا من وجد طوق النجاه

عبدالله المهداني

03-03-2007, 09:28 PM

لما لشاعر مهدي الحبابي من قدره على حبك المعنى والاسلوب وجزالة الالفاظ اخترت لكم احد روائع الشاعر الكبير مهدي بن مسفر الحبابي وهذا غيض من فيض ابداع ابو نواف

مــدري وش ألي حــدنـي ليـن مـريــت=ذاك الـمـكــان ألي يــجــدد جــروحـي
كـنـت أتـجـنــب دايـم أمـــر ذا الـبـيــت =والـيـوم مــريـتـه وسـجــلت بـوحــي
يا بـيـت خـبـر سأكـنك كـيـف عـانـيـت =ثـم خـبـره عـنــي بصـدق وضـوحـي
قــلـه تـرانـي مـا نـسيـت وتــنـاسـيــت=وقــلـه مـكـانـه فـي عـيـونـي وروحـي
وقـله مـعى غـيـره ترى ما تـهـقـويـت =وعـلى الـعـهـد بـاقـي لـطاريه أنـوحي
ولدلال غيـره ما عـشقـت وتـقهـويـت = تـحـرم عـلي لـوهـي تـصـب وتـفـوحـي
ولـغـيـر حـبـه مـا ذكـرت وتـعـزويــت =اذكـر سـنـينـه يـوم هـو لـي نـصـوحـي
ويا طـير يـالـي فـ الخضـيرأ تـعـليـت = خـذ مـني إرسالــه قـبـل مــا تـروحـي
أنت الرسـول ألي عـلى السر وصيت =احـفـظ وصـاتـي جـد مـا هـي مـزوحـي
وإذا وصلـه الـعـلـم كـفــيـت وفــيــت =تـرفـع لـك البـيـضاء بـروس ألسفـوحي
وان كان من خلي بالأخبار ما جيـت = يـلـحــقـك مـنـي لــوم كـان أنـت تـوحـي
وش فـأيدة يا لـيـت يـا ليـت يـا ليـت =ما مـن كــلـمـة لـيــت غــيـر الـجــروحـي

عبدالله المهداني

12-03-2007, 08:18 PM

وهذه احدى روائع الشاعر المبدع

حسين العبدي الحبابي

حسبي على الحاجه وحسبي على الزنقه=قبلـي تحسـب عليهـا عالـم واجـد

تجبر هل الضيق ترجي الاوسع الانقـه=واغتر واصبح فقيـر المجـد متماجـد

الوقت يحكم كذا والذنـب فـي عنقـه=وش ذنب مثلي عليـه الهـم متراجـد

ولد وعاش وْيمْـوت الديـن معتنقـه=جعله يموت بصلاتـه خاشـع ساجـد

في صدره العبره من الخوف منخنقـه=من الله اللي يعـرْف القـل والواجـد

ياهاجسي انق طـازج ماجنيـت انقـه=ثم قـدم لكـل صاحـب ذوق ماتاجـد

حتى ثقيـل المـزاج يطيـر سبرنقـه=ويصبح معك كـل مابدّعـت متواجـد

واللي خفيّف طبـوع يـروّق المنقـه=وعبد المجيد ايحكي عن ذوقك لماجـد

واصبر على التضحيه فاجواء مختنقـه=لاترتجـي يالشجـاع لنجـدة الناجـد

صـدّام ماقـل مقـداره بعـد شنـقـه=لا والله الاّ رفـع مـن هيبتـه واجـد

عبدالله المهداني

12-03-2007, 08:25 PM

وهذه احدى روائع الشاعر سعد بن عبدالله القحطاني

ياناقض المجدول بالله وش شفت؟=في حال من حبك لموته يدفه
ابعدت عني غير في الرقم وظفت=همٍ على طاريك قلبي يلفه
ياكثر ما آطالب بالانصاف ما انصفت=ياللي ختام وصوفك العشر عفه
لو دخلو في ذمتي وصف وصفت=إنك بكفه والعذارا بكفه
لاعاد يومٍ حاش بك داخل اللفت=مطفي ويادوب طفت المطفه
هرولت ثم هديت واليوم وقفت=واجمع فتات الحلم .. والياس سفه
ماني بمحصي كم سافرت وانكفت=مبعد ويمل والهقاوي تزفه
ما احسب كلافات السفر لو تكلفت=تقول مستشرق والاسفار شفه
استغفر الله فيه مره تحسفت=يومك بخست الكيل وآقول وفه
وزودٍ على ماصار ياهوه نشفت=اقلامي اللي مقصدي ماتطفه
ماتدري اني كل مازرت واطفت=ادعي لكن الصعب لاتستخفه
افهم كلامك صح لو كان حرفت=كلامك اللي كنت عندي تصفه
يادافن الاسرار معذور لو خفت=هروج من حلمه وفاتك بكفه
وانا بعد معذور لو فيك ولفت=قصايدٍ منها الخبر تستشفه
واللي بقى من علم في الصدر غلفت=تمد كف الوصل والا تكفه
باحلف بربي صادق إنكان حِلَفت=إن البخت ماحدٍ بقاري ملفه
هذي الرساله والنهايه كما اسلفت=خلك ترى بعدك لموته يدفه

عبدالله المهداني

15-03-2007, 01:10 PM

سعيد ابوديه

واحداء روائعه التي حازت على رضا الجميع

ياسلاطين العرب وش عذركم وين الحميه=واحد(ن)من خيرة عيال العروبه عيدوبه
عيدو بالقائدالحر الأبي عيد الضحيه=وانتخت بغداد في عزوتك ياصقر العروبه
النصارا واليهود يحالفون الفارسيه=وامة الأسلام حتى مجدهم ما فكروبه
الشهاده زور والقاضي من انصار القضيه=استهانو في العرب والدين والعرف اعبثوبه
كيف مدري ليه مدري والدعاوي سرمديه=واللعتب مرفوع يصحاب المصالح ومحسوبه
ون رضيتو مارضينا فيه والذمه بريه=قائد(ن) في خدمة اهل الضاد تشهد له حروبه
اشهد انه فارس(ن)مقدام وعزومه قويه=وقفته في ساعة الشده تكفر عن ذنوبه
انحنى برج العرب والمملكه والفيصليه= انحنت في حشمته والبنت عذراء ومغصوبه
والعراق اعلن حداده وارقصي يالناصريه=للهلال اللي تبين بعد ماطول غروبه
والنتيجه فتنة(ن) عضمى وحرب طايفيه=وهدمو مجد العراق وذللوه وشهرو به
الحقيقه غامضه والقصد واضح في الوصيه=نفذوها ياهل التوحيد والنصر ابشروبه
ما يذل المسلم اللي يتبع سنة نبيه=والحذر لاتامنون الوقت وامان العقوبه

عبدالله المهداني

15-03-2007, 01:24 PM

احدى ابداعات شاعرنا الجزل شاعر المحاوره والنظم خولان بن عامر

وسيناريو المسرحيه

((صلوا على النبي))

يالله ياللـي كـل عبـٍد سـالـه = اللي له العبد التقـي صلـى لـه
سبحان من يسمع دبيـب النملـه = عالصخـرة الصمـا بليـل كالـه
بالله تغفـر زلـتـي وذنـوبـي = وجنبنـي الحقـران والختّـالـه
ويالله حسـن الخاتمـه يـاربـي = ولا تخليني علـى اهلـي عاالـه
ويارب جنبني الفتن فـي الدنيـا = وفتنة مماتـي والقبـر واهوالـه
وفتنة حياتي والنساء اكبر فتنـه= وفتنـة زمـان ظاهـرٍ دجـالـه
ويالله تعز الديـن واهـل السنّـة= اللي علـى سنـة محمـد وآلـه
اللي على الاسـلام فيهـا غيـره = ماجمعـت الاحـزاب والعمـالـه
ولا بهـا نـعـره ولا قومـيـه = ولا العروبه والا الكـلام المالـه
تنهج على نهج الرسـول محمـد = نبينا خيـر البشـر وازكـى لـه
افضل صلاةٍ على النبي صلوهـا = اخيـر شـيٍ للفـتـى يبقـالـه
اعمالـه الزينـه وفعلـن طـيب = ماينفعـه لمـات غيـر اعمالـه
مـن بعدهـا يا هاجسـي علمني= عطني خبر بغداد ويـش احوالـه
قال الخبر كلن عـرف مضمونـه = علمـن جبيـن المتقي يندا لـه
لعبـوا علينـا زمـرة ملعـونـه = ويقودهم بـوش اللعيـن لحالـه
اتجمعوا من كل صـوب وديـره = واتقسموا نفـط العـراق ومالـه
وبوشن جمع له من النصارى شله = كلـن خذاله قسمتـن تهدا لـه
وبليـر جاهـم فـازعٍ يتعـزوى = ومجّمـع لـه شلـة واحثـالـه
يقول انا باسرق مع من يسـرق = ماكّنـه الا ورث لـه مـن خالـه
وباقي الدول تبغى تسوي سمعـه = مصدقيـن بـوش فيمـا قـالـه
في زعمه المكذوب قبـل الازمـة = اكبـر دمـار شامـل جينـا لـه
وبعض العرب صّدقه وايد قولـه = هو ما درى انه غازين يعنى لـه
وجاونا وسوو شي مـا يتسـوى = كلن يسوي مثل مـا سـوى لـه
وصار الفرات ونهر دجله تنعـى = تنعى العرب وتقول ويش ذا الحاله
وبابل ينوح وينتخي فـي يعـرب= ينخى العرب لكن ماحـدن جالـه
وبغـداد يابغـداد دار الحكـمـة = ارض الحضاره والزمن وارجالـه
انشد عرب هارون وانشد جعفـر = وانشد هل التاريخ وين ابطـالــه
والبصرة اتوجد وتبكـي الكوفـه = على الزمن والجيـش والخيالـه
اواه ياهـذا الـزمـن التـالـي = كلن عن اسلامـه ودينـه دالـه
كان العراق اشهر بلد في القـوه = لـه هيبـة كـل يخـاف ظلالـه
كان النصـارى واليهـود تهابـه = والفرس ماتقـدر تطـول احبالـه
واليوم صار اضعف بلد في العالم = ماعاد له قوه ولا لــه طـالـه
كل السبب من بوش يلعـن جـده = حقده على الاسـلام سواهـا لـه
حقده على الاسلام وأهل السنـه = خـلاه يرخص كـل مايطرى لـه

ماهو بحب للخلـــيج وناسـه = ولا بـحب أهل العراق . الا ّ.. لـه

له نيةٍ معروفــةٍ *****ـــــه = الله يـقطع نيتــه واشكالـــه
نصّـب بليمـر بالنيابـه حـاكـم = واخذ بليمر حصتـه فـي فالـه
وقال اصبروا المشكلـه معروفـه = عامين ويجيكم خبـر منهـا لـه
يبغى يسوي شي في ذي المـده = وسواء لشارون اليهـودي قالـه
حّول له النفـط العراقـي منحـة = وشعب العراق امن القهر يرثالـه
يضحك على السنه وحط اليـاور = ريس يكّشـخ غترتـه واعقالـه
من شان نرضى با احتلال الكافـر = ونقـول هـذا ريـسٍ فزنـا لـه
ولا الروافض كل ابوهـم ربعـه= يعدهـم كنهـم هلـه واعيـالـه
لاّن هّـم مثلـه واللعـن مـنـه = وهذا البلاء اللي كلنا نخشـى لـه
صدام سوى فـي حياتـه حاجـه = يعجز بها غيره يسويهـا لـه
كان الروافض في زمانـه خُـدّج = كانه يدوس الرافضي بنعالـــه
رأسه تحت رجليه مثـل البومـه= ومشغـلـه في شغلت الشغالـه

على حسب دينه ودين اجــداده = ماينـعرف اصله ولا مــنزاله
واليوم صار الرافضي لـه هيبـه = كنـه كديشٍ فـالتـين عقالـه
بالله ياللـي كلنـا تحـت امــره = ياواحد مـا خـاب عبـدٍ سالـه
انـك تحـل العقـده المعـقـوده = ا لعقـده اللـي مالهـا حـلالـه
الا أنـت يـارب المـلا سبحانـك = لعبـدك المكـروب فرجهـا لـه
هـوّن مصيبنتـا بـردع الظالـم = الزمـره الحيـالـة المحتـالـه
حن السبايب فـي ضعـف قوتنـا = اهمالنـا فـي اسلامنـا وافعالـه

ذا موجز الموضوع قبل النشره = غــنابها خــولان في موالـه

هذا وصلى الله على اشرف خلقه = على محـمد خير رسله والـــه

فهيد النهاري

20-03-2007, 04:02 PM

بما ان الموضوع عن الابيات وليست القصائد

أنا اعجبني بيت واحد ...

لسعد بن شفلوت المناديه

من شربنا دلته ناكل قدوعه ***** ومن طمع في ذودنا ناخذ قطيعه

ولاهنتم ..

ديوان مصغر ...

عبدالله المهداني

24-03-2007, 02:16 AM

سعد المسعودي

وهذه الرائعه

البارحه سامرت ليل الذوابيح = اللي على موتي تنكس أرماحي

يانجوم ياللي ساريات ٍ مصابيح= أنا دخيلك بالمساء للصباحي

ألد وأنخى يالوجيه المفاليح= ضرير في عين الكرامه وطاحي

يعز نفسه من كفوف ٍ مشافيح = ولامد كفه للكفوف الشحاحي

زبونها ماجاء بكثر الملاويح = حرٍ على أسمه مثل طير الفلاحي

مايلتفت في قوم نظم المسابيح= والصبح في جل المواشي يتاحي

ماردد علوم الضحى والمضاويح = ليته تحت ظل البيوت أستراحي

الطيب مايلقح على اللأش تلقيح =يبدن فالماجوب راع اللقاحي

مديت كفي للكفوف المصافيح = يوم إنها ضاقت علي النواحي

مهدي ولد مسفر بعيد المشاويح = اللي على النخوات لبس الوشاحي

زبونها نسل الرجال الزحازيح = أهل الكرم والطيب بالطيب فاحي

ماحسبو للجود كثر المرابيح = سم الكبود وموت سم ذحاحي

يارأس مهدي سندوك الطحاطيح = وناصيك ماله عنك لأقبل مراحي

ماصكت البيبان دون المفاتيح = وللعرف فكرك للمواجيب صاحي

هاذي جواري مقبلات ومراويح = جعل الردي يمحاه في الكون ماحي

عليك وضعي صحح الوضع تصحيح = ويصفي من الجمه عذ ّي القراحي

من خط رؤؤس أقلامنا جاك تلميح = بإسمي سعدنايف وبالجد ضاحي

عبدالله المهداني

13-04-2007, 01:01 PM

معيض بن صميع

والشااااطر حسن

وبسم الله ماغيره له التصريف والتدبير=بديت بحمده وشكره وأصلّي عالنبي والآل

على طاري دعاة الشر والتهويد والتنصير=على ذكر الردى لامن رسم فوق الوجيه ظلال

أنا مآقول صح النوم ولا حتى صباح الخير=ولا أهلا ً ولا سهلا ً ولا بأنْشِدْك كيف الحال

ولاهي سالفة كف .. وفناجين .. وطرق تبصير=حكاية من حكاياتي ولو مابه حكي ينقال

بعد ماطحت من عيني معاد يْـهّــم ويش يصير=بعد ماخانت الفزعة مهابيل ٍ تسوق هبال

على عقلك ضحك خِـبل وتهزّابك وطار الطير=بلا أقصد بلا ماأقصد بلا شاعر بلا موال

بأنوّه بس أبآنوّه مدام السالفه للزير= 100 فارس مثل ( فارس ) ولا كل الرجال رجال

ولاينطق بمنطوقه مثل من ينطق بتزوير=جهالة .. واحدين .. إثنين .. ألا يابلشة العقــّـال

حميّة حاسد وحاقد مرض أنفس مرض تفكير=تناخت هالوجيه السود على نغمات ليل ولال

(يقولون السعة زينة ) .. حِكَم .. يانافخين الكير=تجارب عاشها الأول والأول صاغها أمثال

وأنا من منطلق فهمي بلا تفكير يا .. دردير =حكيت حكاية الشاطر حسن والشاطرين قـْـلال

بدايتها ذكرت الله وبالتهليل والتكبير =رفعت الصوت وصلّى الله على خير البشر والآل

نهايتها .. بلا ..لا .. بل .. ليال العشر للتذكير=على طاري الردى لامن رسم فوق الوجيه ظلال

معيض بن صميع

08-05-2007, 09:58 AM

مساءكم شعر :

هذه القصيدة من أجزل وأجمل ماقرأت في السنوات الأخيرة ...

الإسم المستعار .. لشاعرنا القدير :

سعد القحطاني

شفت السعد مقفي وشفت الشر دوبه مقبلي=ياللي يمين من المسار ولحظه يسار المسار
المشكله كبرى وكبرت من زمنها الاولي=وبعض العلوم الطايله عنها تكفينا القصار
الله يعين الصابر ويفرج هموم المبتلي=ويعز متعبة السلوم ويمحق قصار العمار
ما قال كلمه ناقصه ياكود قاصر واجهلي=اللي يذم اهل الوفا من خلف الاسم المستعار
دايم ردي الرابعه طبعه ردي ومغفلي=يبغى الستر لكن موه واخفق وطار الستار
وإنكان ولد اللاش طاش وشاش معه الهجولي=فالله لكم يامتعبين الجيش وسباق المهار
اللي لو يحل اصغر الهشال تذبح له طلي=فطره من المولى وسلمٍ زين من زين الشنار
ياهيه لو تجنب جنوب الدار والا تشملي=مالك عن المكتوب والله لامفر ولا مطار
اللي ترعرع فالرفاه ولا تخلوى فالخلي=ماظن يمسك مقبض السيف الحدب لو قيل غار
اخذ الرساله ودها يابو علي لخو علي=ثم اشرح الخطه ولا آوصيك قلها بإختصار
ماباقي إلا دمعةٍ تذرف ونارٍ تصطلي=وكلمه يرددها ضعيفٍ عاش في ظلم وحصار
الثار روح مع كليب التغلبي يامهلهلي=لو حلمك الأول والآخر تاخذه مافيه ثار
ياراجي السقيا ووبل المزن عيا ينزلي=ماهي برائة الإختراع ولا وسام الأبتكار
اما تعل الدلو لين يفيض من جيز الدلي=والا تصلي ركعتين يقال مسلم واستخار
إن درهمت غير الشداد الزين مالك منزلي=وإن ابركت مالك خشير فالسنام وفالفقار
وإن خبت ياللي ترتجي بيبان دونك تقفلي=ترى الهزيمه في بعض لحيان شبه الإنتصار
ارفع يدينك للسما عل الغمامه تنجلي=مادام تنشد ويش صار وقيل لك ماشي صار
يوم اهلكوك اهلك وهلكو لاتعاين في هلي=مات الولد في ساقة الشايب ويرجون الحوار
لو صحت من واد الرمه يوحيك من يقطن حلي=وذابت حيود الضلع قبل مسببات الإنصهار
إنكان ماجاك الفرج عد العدد تنازلي=والقفله القشرا تجي بالشيش والا بالجهار
قد قيل ماحل العقد ياكود منهو يفتلي=قمتك بكره ياجبل وشهي لو البركان ثار !!
اثر الشجاع الظفر قدم الفارس المستبسلي=ثوبه من الضيقه خطير يطير من جيبه زرار
لو لك جمل تقدر تكرر ثم تكرر (ياجملي)=سوات من ينخا جمل ثم جاه وانزاح الغبار
اللي حصل لك من خلاله عارفٍ مستقبلي=وانا بربي مومنٍ والنار تالع من شرار
والجنه الجنه لكن ماتحصل إلا نعملي=واصل المصير المنتظر فالآخره جنه ونار

عبدالله المهداني

23-05-2007, 05:14 AM

أسعد الله أوقاتكم بكل خير ..
حمد السحيمي وهذه الرائعه اتمنا ان قد وفقت في الاختيااااااااار

الله عليم بغايتك يالروقي = كنّك تبي تسلب جميع حقوقي
حطيت فيني شك مدري ريبه = قمت اتفقد عقبها منطوقي
اتهمتني بالزور والبهتاني = قلت السحيمي ضاريٍ بالبوقي
هذا وانا رجل ثقيل عاقل = ابيع واشري بالغلا فالسوقي
حنا بنينا البيت طوبه طوبه = يوم انت من بين القنص والنوقي
ما أذم فعلك دام فعلك غانم = يشهد علي رب الملا من فوقي
يامحمد الدعوى تراها سهله = ماهي قضية مسكةٍ بحلوقي
الشعر حنا له ونتعب لجله = حبه بقلبي ماشيٍ بعروقي
الشعر ديوان العرب تعريفه = فيض المشاعر فيه فن وذوقي
انته تحدا والتحدي وارد = لاكن طعني وافتهم طاروقي
حنا ترانا ما نبيع بغايب = بالكاش ما نعطيك بالمفهوقي
قم يانديبي وارتحل من عندي = من فوق جيب سايقه مطفوقي
مطفوق سرعه ما يعرف يهدي = ما قد خبرت انه وصل مسبوقي
منصاك ابو فارس كريم السبلا = يتوق راسه للمراجل توقي
سلم عليه وعلمه بالقصّه = عساه يفهم مقصدي ويروقي
قل له علومي ما تسر الخاطر = ماتستوي وبينهن فروقي
جتني من الجنب الموالي ضربه = القلب منها يا ولد محروقي
من صاحبٍ كنت احسبنه ناصح = حتى تبين راسه المحلوقي
يحلف يمين وبالثلاث يحرم = يقول كل اللي معي مسروقي
ياكبرها ياعبرها ياشايع = لاجات مثل السم فالمسحوقي
هذاك درب مستحيل امشيبه = حتى ولوه قبلنا مطروقي
مانيب من يكسر عصاه بنفسه = وعلمه ليا جابه يجي ملفوقي
ابدع طروقي كلها بالحكمه = ولاقد مدحنا زينة المنتوقي
خذها نصيحه يامحمد مني = مالك بوسط السوق ذا ماسوقي
ماتنفع الحجه بلابرهاني = ومطرودها ياصاحبي ملحوقي
حضر شهودك بين اللي عندك = والحق مني تاخذه مطبوقي
اما تعال اثبت علي علومك = والا تراك اليوم لي محقوقي

عبدالله المهداني

23-05-2007, 05:23 AM

عوض بن شفلوت المناديه وقصيدة قحطان العريبه

ياللي تهوز الضلع بالقرن مسكين = مسكين والله غرروك المساكين
ان كان تبغى الصدق والصدق منجاه= كلمتك ما تحسب ولا توفي الدين
ترسل على الجوال نكته قبيحه =تقول المهايط سلم عند القحاطين
لا شك خذها اليوم من كف صاحب =و اسمع علوم مرجحين الموازين
حنا عيال العود روس القبايل = حنا هل الطاله كعام المعادين
حنا هل النخوه نهار الملاقى = نقبل على الهيجاء سواة الشياهين
حنا الحسب حنا النسب في الجزيره =وان جات للسلطه ترانا السلاطين
حنا العرب ساس العرب يا مغفل = تاريخنا يعطيك عنا براهين
يكفيك (حسان بن ثابت ) وكافي = شاعر نبي الله ختام النبيين
قصيدته للحين تقرا و نكتب =تخيّل من الجاهليه لهلحين
(نحن بني قطان هوداً جدنا) =وأجدادنا الغر الزحول الميامين
حنا قحطان ايه قحطان العريبه =أهل الفعايل لا نعى ناعي البين
قصيرنا ينعم بنعمة ذرانا = نقسم عشانا في رضى الجار قسمين
و خوينا يبشر بنا في لزومه =حنا على باديه في العسر و اللين
و نسيبنا يفخر بنا ونفتخر به = ولا ندور في النسب للمزايين
و رفيقنا له في رفقنا بنايد =اليا زهمنا نجيه مثل المجانين
في جهلنا نجهل على كل جاهل = أميرنا شيطان وحنا شياطين
و في حلمنا اثقل من جبال(ن) رواسي = أميرنا رحمن و حنا رحمين
وقوعنا في كل ديره عقوبه = انشد عن اللي شافها شوف بالعين
وقايع(ن) منها يشيب الغليّم = أهوالها بأهوالحطين و حنين
حفيفنا لو صد عنا مواجر = ولرضى مشايخنا يقرب قرابين
و عدونا كانه نوانا بنيه = لاهازنا ندبل له الصاع صاعين
وشيوخنا مقدم شيوخ القبايل = لانوخت دعوى العرب بين صفين
منا المهادي وبن هادي وشالح = ومنا الشفاليت الدهاة الدنادين
و مناجمل و جراب و الذيب فراج = واللي خذا من القوم تسعه و تسعين
مسعود يوم اشتل عيلة رفيقه = وساق العوادي مثل سوق البعارين
و تكفيك قصة ذيب بين القبايل = يم احتمى الخلفات دون المغيرين
هذي فعايلنا و باقي و باقي = لا قلت لك ثنتين باقي ثمانين
فينا الوفاء والطيب طبع وجبلّه = و فينا الكرم و الجود دايم مقيمين
وفينا الفخر و العز خصله عتيقه = لها بوسط نفوسنا سنين و سنين
يعرف عيال مضيم من ضاع رايه = و من طيّحه في نارنا فاله الشين
و يعرف عيال مضيم من زل حده = وصالى حرايبنا وعانا الامرين
و يشهد لنا بافعالنا كل عارف = من البحر الاحمر لين عجمان و العين
يشهد لنا تركي و مسلط و فيصل = ويشهد لنا عبيد العلي و بن حثلين
حدودنا من حد نجران علوى = لا حد ظلماء لابرق الخيل للرين
نستاهل النعم وقليل(ن) علينا = حتى ولو يدبل لنا النعم نعمين
ولا على القبايل زود كل(ن) له ايده = في ذمتي وافين وافين وافين

معيض بن صميع

23-05-2007, 10:46 AM

من أجمل ما قرأت للشاعر المتألق : عبدالله البشري

الشعرمابين00 غث00وبين00جزل00وبين00جيد =له عبيد00وله حرار00وبه على الاحرار ساده

ولعنة ن لا صار مع ضحل الفكر00وأبطى مقيد=واحدن 00عله00وذله00جر طاروقه كعاده

لين من كثر اعتياده أبيضه 00أصبح سويد=الحروف أشلاء حدايد00واعتياده00كالبراده

بس ربع في هجوسي00يابعد فكري وعيد=مالك الا هاجس ن من جزل00يقدح لك زناده

القريحه00هوسة بروق ن على العذبه تسيد=والفرايد00تنعسف عسفة كريم ن في جواده

له منيف ن باالشعر00 مبهر كما القصر المشيد=ساسه احرف ذوبت صلد المشاعر من جماه

ان نظمته في ربوعي00مانطح شطر ن زهيد=وان كتبته في غرامي00مايصاغ الا لغاده

النوادر00يبتدعها من جديد ن في جديد=والشوارد00من بنات الفكر00ترضخ في هواده

كل موق ن يوم يهدف00ينعقد لجله سهيد=وكل عتمه في عيوني00تنبلج ضد السواده

واحترف به لو هجوسي من طواريقه جهيد=وأقدره00الا أجله00عن هوان00ومن زهاده

ولاتمايل غصن فارعة الجديله والنهيد=انثنى طرقه ويارد00من مزيد ن في زياده

من وضع هذي الفوارق00من قصيد ن 00أوقصيد=أو فصل بأمر القصايد00بالركيك وبالعماده

كل إجماع ن بأمر ن بين منكر00او مؤيد=يغلب الإجماع نفيه00او يقرر00بإعتماده

هي قواعد00أو أوسس00مابين تونبذ00أوتُريد=من قبل آراء شتى تجتمع ذم00أوإشاده

حرف للابداع داني00وحرف للابداع نيد=يمُيز البيت السمين00وينعرف قبل إنسراده

والشعر يابحر بيدك00ياعلى زورك ضديد=يايسرك حل حبله00ياتبهذل بنعقاده

مالطم روس النوايب00كود من باسه شديد=وماوطى روس الطوايل00كون من زهب عتاده

والحقير اللي لغلطات المطليق إيتصيد=شرهته في وجه مطلق00كان مافخخ وصاده

الاكيد من الخبر00 الا الاكيد من الوكيد=لاغدى نيشان قرم ن حط من راسه عناده

حي كفو ن عن بني عمه حرام ن ماتحيد=درعهم يوم النوايب00بين فرسان ن وقاده

ماسمع في صلب جده00كلمه لزيد وعبيد=في ركايبهم مضى00 والزمل ماأرخى في شداده

كل صرح ن ثابت ن00ساسه حشا ماهو ببيد=والثوابت00ماهي بحاجة قسم 00 والا شهاده

النباهه00ماتميز بين غمر ن00 أوعويد=والفتى من عظم راسه00والصبر00جين الجلاده

قلتها وأنا من ايام التجاريب متزيد= زودتني صكت الايام من حزن00وسعاده

اي شاعر كان00عبد00او كان حر00او كان سيد=مايهمه غير فعله00الشعر00ماهو عباده

مع التقدير ،،

عبدالله المهداني

16-06-2007, 12:08 PM

عيسى العرجي وهذه الابيات المصااااغه بماء الذهب

الأرزاق في الدنيا توافيق وحضوض = والمشكـلة بـين الكـرم والمناضح
تغيرت الأطباع والفرق ملحــــــوض = مع إختـلاف الـوقت شفـناه واضح
قطع القرابه في اللغة شي مـــرفوض = راعيه يكسب ذ مب والفعل فاضح
بيـنـتها في بيت شعــري ومفــروض = إن الحقيقه صـد ق لابــد تاضــــح
يفهم عريب الأصل من دون معروض = وإلا الردي تضحك علـيه النـواضح

فيصل العبدالله

01-08-2007, 12:03 AM

عبدالله المهداني موضووووووع قووووووووووي

الله لا يهينك.....

وانا ابدي رأيي

ابيات للشعر / خالد الحصين

(ف)سامح الله من عمدنـي بالظليمـه
مستغـلٍ طيـب راسـي .. وانتمائـي
كل مـا قدّمـت لـه قـدر وحشيمـه
يبتسـم قدامـي .. ويطعـن ورائـي!
لو خذاها من صميمـي فـي صميمـه
والله اني ما اطرق الطـرق الهجائـي
غيـر قـام يلـد بالعيـن الكريـمـه
النظـر محـدود .. والتفكيـر نـائـي

حمود الحصّين

11-08-2007, 10:34 AM

السلام عليكم ورحمة الله وبركاته
اخوي عبدالله المهداني اشكرك على هذا الموضوع الشيق والممتع والمفيد,,,,,
هذي قصيده اعجبتني وهي للشاعر خالد الحصين
اتمنى تحوز على اعجاب الجميع وان يكون اختياري موفق,,

مبطي وانا بيني وبين الهواجيس = وقفة تأمل .. واستراحة محارب
عجزت لا افهم وش تقول الكوابيس = في كل ليل تمرْ .. والها مآرب
من حقي اوزن كل ما فات .. واقيس = واشمر ذراعي .. واسدد .. واقارب
وكان البحر قدمي .. وخلفي تضاريس = وبموت من حيتان .. والا عقارب!
سلّمت صدري للهوا والنسانيس = وسوّيت من نفسي لنفسي تجارب
شاعر معاناه .. وعذوبه .. واحاسيس = ومصامخٍ بين اللحى والشوارب
حتى ولو اعيش خلف الكواليس = تعرفني الاجناب .. قبل الأقارب
ثبّتْ عرشي .. بين كسرى وبلقيس = وانهار كسرى .. وانهدم سد مارب
وان كان مال الميل .. دون النواميس = رفعت كفّي لله وقلت ..يا رب!
لحّفني .. بشِدّة هل الخيل والعيس = اللي لها يوم المضارَب .. مضارِب
وجنّبني من ابليس .. وعويّل ابليس = ابليس حربه حرب .. وانا مُحارب
انسان تغريني المظاهر وانا .. ليس = الاّ ! .. ضعيف ومنك واليك .. هارب
احلم .. ومن حلمي اشب الفوانيس = واصحى .. على وقع الفتن والمكارب
هذا زمان الدرس .. من غير تدريس = ياللي ليا هالحين .. تعمل تجارب
ان شفت بيضة ديك .. والا لبن تيس = حاول تصدّق عينك .. ولا تغارب!

سعد القحطاني

12-08-2007, 06:46 AM

الشاعر سعيد الحمالي ( قلب الذيب )

الكلمة اللي تضايقنا نعديها = وإن جاتنا من سفيه العقل طنشنا
مادام نقدر نمشيها .. نمشيها = من خوف نبلش مع الجاهل ويبلشنا
لو كل عوجا تجينا نلتفت فيها = ماكان نمشي مع العالم ولاعشنا
ا

سعد القحطاني

12-08-2007, 06:51 AM

وهذه القصيده اعجبتني كلها

للشاعر / عبدالله بن مداد الحبابي

ياللي نسيت الموت وفراق الاحباب=وتسعى ورى الدنيا وتنسى عن أبوك

ابوك من جور الزمن عارضه شاب=وباب الحياه اصبح عن العود مصكوك

لي صرت في دنياك للمال كساب=مال يغيض ابوك ماهو بمبروك

لابد من يوم يقولون لك غاب=يرحل من الدنيا بلا ضن وشكوك

مادامت الدنيا لبو زيد وذياب =ولا دامت لحًكام وشيوخ وملوك

ولا دامت لسعدون وعقاب وحجاب=ولا دامت لتاجر وفاجر وصعلوك

المال ماعّرب ضعيفين الانساب= لو انّها تملك عمارات وبنوك

والفقر ماعذرب طويلين الاشناب =لوكان ماتملك ولا ريال بالبوك

أن مافلعت الطيب لصحاب واجناب=والا ترى العربان لي غبت ذموك

ترى البخل هو والغنى ربع وصحاب= وترى الكرم بالفقر والعسر مشروك

وترى الصقر وكره على كل مرقاب= وتالي زمانه حوّل وصار مشبوك

وصيّور بقعى تجعلك بين الانياب = وتوطى برجلك مثل غيرك على الشوك

عبدالله المهداني

25-08-2007, 06:30 AM

شامخه من شوااااااامخ الشامخ

سعيد ابو ديه

كل ما يطري على هاجوس شعري طاري=امتطا صهوة جواده يوم طاب المسرى
سج بالي في هواجيسه وفكري ساري=في سكون الليل سامر واتحرا القمرى
ياقصيدي شب ضوك ليلنا سماري=والقمر يوضي سمانا في ليالي الغدرا
لو يشح الجود كله ما تشح اشعاري=في السنين المرهيه ولا السنين الغبراء
تتفق لشوارولا تختلف لشواري=اطمر الهين وعدي وستبيح العسرا
في متاهات الحقيقه يابنات افكاري=جمعي شمل(ن) تشتت طوع ولا قسرى
الشعر عود(ن)عقيم ولا وقف ماساري=يشتكي من قل حيله والقصيده عذراء
استباحو حرمته يامعشر الشعاري=عزته ماعاد منها الا بقايا الذكرى
له مقام ما يهون وللشعر مقداري=عفته عن كل هين والله انها تبرا
والمشاعر خسر بايعها وخسر الشاري=غاليه بالحيل لكن ماتباع وتشرا
والقناعه كنز ولارزاق بيد الباري=والطمع معم(ن) عيون اهل النفوس القشرا
العيون تشوف لكن اليدين قصاري=وادمن الجرح العميق ولا هقيته يبرا
ولا يصح الا صحيح ماعليه غباري=والمخالف ليه ما يعطا بطاقه حمراء
الصراحه هاجسي وليا طارالي طاري=سج بالي في هواجيسه وطاب المسرى

عبدالله المهداني

29-08-2007, 07:22 AM

سعد بن علي

وهذه الرائعه

آه ياعين تولاها السهر واشقاها=وآه ياهاجوسي الخافي وياوجداني
إن طرالي هاجسي قمت أنتقي معناها=والقصايد برق صيفٍ هل بالامزاني
نظرتي فوق السحاب وفكرتي تحداها=وأتجنب كلمةٍ تاتي بلا برهاني
كل مجروحٍ يداوي علته بدواها=يعرض الحاله على الدكتور والشيخاني
فيا محمد يانظر عيني ويارجواها=هاك مكتوبي بلا رقمٍ ولا عنواني
أخذها مني على وضح النقا مبداها=كلمةٍ في خاطري ترجمتها بلساني
المشاعر صادقه والشارده ما أبغاها =إسمع العلم . أحفظه ياشمعة الاعياني
الحياة ادروس والرجال ماينساها=والدليل من الهروج يرجح الميزاني
المهونه للرجال اللي تجر إخطاها=بين ردهات الخطا مايدري إنه مهاني
لاتهين النفس مهما كان مهما جاها=ولاتنطحها الصفا ولا تجي وحداني
والمواقف للرجال اللي على مبداها=ماتغيرها ظروف الوقت مهما كاني
والعروض اتصونها والناس لا تقفاها=وراعي الاحسان مايجزى بغير احساني
الرجال اهل القلوب الدالهه عفناها=مايعرف المقبله والمدبره كوباني
الزمان ايدور والساعه على مجراها=والسعاده كلها في طاعة الرحماني
ذي نصيحه يانظر عيني وياسلواها=قلتها من هاجسي والقلب والوجداني

عبدالعزيز الحمداني الفهري

31-08-2007, 01:31 AM

بسم الله الرحمن الرحيم

السلام عليكم ورحمة الله وبركاته

افضل بيت قريته في المنتدى

بيتين للشاعر حمد هادي المسردي

المال كم ساس طمان وعلاه************ والفقر كم حطم روابع سنافي

البيت الثاني

اشهد ان الجود في من لا يجود ************مثل من حجج على غاربه ذباح بوه

عبدالله المهداني

20-09-2007, 01:12 AM

خولان بن عااااااااامر وهذه الراااااائعه

شريط صبرك فّر ويلـف وييعيـد=ياقّّو عزمـك يـا وسيـع البنأيـد
بين الرجا والياس والعبد والسيـد=اصبر لها صبـر الجمـل للشدايـد
وانا هواجيسي صـدور ومواريـد=والهـم يطـوي حالتـي ويتزايـد
كني سجين حز في رجلـه القيـد=ولا مريض عاف حتـى الوسايـد
رفقة هل المعروف واهل الوفا فيد=يفدونهـم قـومٍ تبيـح السـدايـد
انا عرفت اصحابنـا زيـد وعبيـد=ياما استفدت من التجـارب فوايـد
الشعر حكمه والمعانـي مفاريـد=ولا كل شاعر بارع فـي القصايـد
ولاكل من ركب الفرس قال انا تييد=ولاكل مـن قـاد الطوابيـر قايـد
ولاكل من لقّب با ابوزيـد ابوزيـد=ولا كل من سمـوه زايـد بزايـد
ولاكل من واعد صدق في المواعيد=ولاكل من عيّد مـع العيـد عايـد
اهل الحداثه والهزل جابـو العيـد=حسبي عليهم مرخصيـن الجدايـد
لشفتهـم مــع(...............)=احزن على سلم العـرب واتعايـد
وجه الشبه ماينقص الشكل ويزيـد=الشكل واحد فـرق بـس القلايـد
وحنا بـدو لنـا طبـوع وتقاليـد=علـى سلـوم اجدادنـا والعوايـد
ليـا وردنـا صافيـات المواريـد=نارد ولانخشـى ضعـاف العقايـد
نلطم عيون اهل الردى بالعباريـد=وناطا على خشم العداء وانتسايـد
ونخشا من الشرهه وبعض المناقيد=والعيب ماله في طرفنـا مصايـد
ولا نأمن الدنيا وهـرج المقاريـد=اللـي يحبـون الحكـى والزوايـد
والعلم له معنى ومصـدر وتحديـد=والصدق بيّن وامن الاوطان سايـد
لاهان ديوان العرب يـا الاجاويـد=فيه الـدرر والمبهمـات الفرايـد
ورخ لنـا تاريـخ قـومٍ صناديـد=سجل لهـم مجـد تعلـى ونايـد
اللي لهم في العز والمجـد تمجيـد=ماحرفّوا سلـم العـرب والبدايـد
حنا بلشنا في هل الكـذب والكيـد=اللي تكّتب على الـورق والجرايـد
اللي ينقص في التواريـخ ويزيـد=ويله من الله يوم فـرز الشهايـد

العبدي

03-10-2007, 07:47 PM

والله وبدون .. أيّة مجاملة .. شعّار كبار ..

عبدالله المهداني .. وابن عايض الفهري .. وعوض بن شفلوت .. وحسين العبدي .. وسالم الحبابي .. ومشخص الفهري .. وسعد القحطاني .. خولان ابن عامر .. معيض بن صميع .. محمد بن دشن .. مهدي بن مسفر .. وابن دماث ..حسين بن شتوي .. وسعد الحبابي .. وأبو ديّة ..عون القحطاني .. وسعد بن مناحي .. وعلي البورعي .. وابن غريّب .. وشعّار كثر ..

متميزين .. وقمّة الجزالة ..

أما برأيي أفضل الأبيات .. هي للشاعر مشخص الفهري ..

سلام يانسـل الرجـال المياميـن
طلق الحجاج الـي يمينـه طليقـه

الوقت قصه والمواقـف عناويـن
والعبد عمره بين فرحـه وضيقـه

وان قاله الله بدل العسـر بالليـن
وتبرى مصاويب الجروح العميقـه

الهم والفرحه من الحيـن للحيـن
والـي يوقـف وقفتـه ماتعيقـه

حنا معك في حزة الضيق وافيـن
وافكارنـا بالثانيـه والدقيـقـه

لايدله الخاطر ولاتنعـس العيـن
مثل السباع الضاريـات المويقـه

ويالله يامنـزل محمـد وياسيـن
وسط البحر دليت موسى طريقـه

يامن ومرت بنصرة الحق والديـن
واخرجت يوسف من مكايد شقيقه

تفرج لمن عانى من الهـم والبيـن
من ضيقته يونس بقلبـه حريقـه

واخر كلامي جملة ٍ بيـن قوسيـن
( مال الرفيق الا مواقف رفيقـه )

تحياتي ..

عبدالله المهداني

06-10-2007, 10:37 PM

خولان بن عااااامر

ومدح حنااااااااش

يابيض غني واركزي في بيت كساب الجميل=قصر تفيّي فّيته منهو تفّيا في ذراه
راعي الوفاء راعي الكرم رجم وله مبدا ًوحيٍل= رجم طويل مزبن اللي من عنى بقعاء رقاه
زيزومها فتالها حلالها شكله قليل=يتعب على العليا وكل الطيب من طيبه خذاه
حناش يفداه الردي واللاش والهيت الذليل=واللي علومه ماتنوس لابته جعله فداه
اليا وقف في الماقف الغصاب حل المستحيل=من فضل ربه كل موضوع تدّخل به نهاه
مثل الجبل مثل الجمل ماهمه الحمل الثقيل=يدحم وجنبه مثل ظلع طويق وجبال السراه
امدحك من فعلك يابو بندر عسى عمرك طويل=ولاني بشاعر مدح بس الفعل هيضني نباه
جتنا علومك جعل يفداك المنافق والبخيل =ماهي غريبه منك ياحناش يامال الغناه
جاني خبرها يالعبيدي في جناح اطراف لليل= حي الله اللي دائمٍ علمه رفيع مستواه
اصل الكرم واصل الوفاء يعرف بها الحر الاصيل=ولاّ الردي ما فيه فرقٍ وين وجه من قفاه
حناش صيته شايع بين العرب ماله مثيل=يدري به اللي ما درى واللي درى صيته قراه
جمايله عند العرب الها عنواين ودليل=اقولها واثبت على قولي على كل اتجاه
والشاعر اللي يدّعي بالكذب يا ويلاه ويل=ويله من الله في نهار يتركه حتى نماه
اقولها والله على ماقلت في هرجي وكيل=غنيتها والنجم نوره ماتخفى في سماه
وضحت كلمة حق من شاعر ومن عابر سبيل=عسى لسان اللي يغط النور ينشب في جماه
قلت الكلام اللي يحشرج في حشاءالقلب العليل=عليل في حب الرجال اللي لها وجهٍ وجاه
والختم ياحناش هذا الهرج والعلم الجزيل=تبقى على طول الزمن غالي ومن ربع غلاه
اسلم وسلم لي على ربعك امزّبنة الدخيل=والمدح في شرواك ياحناش يطربنيٍ غناه

عبدالله المهداني

18-10-2007, 08:45 AM

علي بن حمري وصاحب السمو الملكي / الامير سلطان بن عبدالعزيز ولي العهد حفظة الله

ولايعن الراس ويسوق القدم = إلا مسيرً فوق رووس الطايله

على ضعيف الراس مافاد الزهم = لو تزهمه بسـّـمه وبسم العايله

وأذا فعلنا الطيب رفرف ياعلم = هذي وقوعاته ,,, وذي دلايله !

عليك أمان الله ومد أم الشحم = أنـّا حزامك فى الليالي المايله

أمنحرين البل عدوان الغنم = سكّـينهم من كل حمراً سايله

أحدً لما طرّوه قالو والنعم = وأحدً لا قيل أسمه يفشل قايله !!

الكفو له في هاتفي أسم ورقم = وأللاش مالي رقم في موبايله

لاصار مال الرجل لون ولا طعم = ولايعرف الحايله والشايله

بهيمةً ينعد من جيز البهم = لو أمطرت ماسـُـيلت مسايله

فلا كـُل لاً لا ولا نعم نعم = ولاي أحب أحايل المتحايله

ولا يجي فوق المهم إلا ألاهم = واشد من غـُب البحر هوايله

والسالفه لاجبتها ما أقسم قسم = الجزل لاتشتك في جزايله

فألاحترام أبرز صفات المحترم = في وقتنا أللي تـُحترم قلايله

وإن صارت الخطوات أكثر ماللقم ؟!= فالله غني وأرزاق ربي ضايله

فقط لاجاء الطاري وحنـّـن ورتزم = فالقاع أعسه 00 والسحاب أخايله !

معمةً ماتحتها عمه وعم = ما تـمِـّـن المـِرسل على رسايله

كبر الطموح ايطوّل أجال الهمم = وقل الطموح يحطـّم المتفايله

(قلب ولسان الرجل ) والباقي رسم = كنزين في ذا الخزنه المتشايله !!

ورب مكه,,والمدينه,,والحرم = ما شور في عليا .. ولارّضى عايله

يا قـلــّـة ألاصحاب في وقت اللزم = في ساعةً فيها الوقوع أمكايله

الله يزيد أرزاق شاكرّة النـِعم = والخاسر أللي ما شكر فضايله

وأللي يحفر القاع ويحـُط اللغم ؟ = يطيح في شره وفي عمايله

زلاّت ألألسن ماوراها إلا الندم = والحق يبني الطايح المتهايله

لولا السلوم وحشمة أرجال الشيم = يسود جهل أهل الصدور الغايله

ما كل حيً حي 00لو جر النسم = وش لي بحيً ميـّـته فعايله !

وأذا عزمت أتطاول النجمات رُم = إلكل ظلعً يتـّعـِب الرقــّاي له

وأذا جهلت بعـِرف رجلً ما ؟ فكم = شخصاً تعرّفه عـِرف من زمايله

ومن قال أنا فاهم وخلق الله غشم = بكره يشوفون العرب نـثايله !

طفنا ,, وشفنا,,وتـّعضنا ,,وفـّـتهم =قلبً لقا فى التجربه دوايله

ياسيدي سلطان من طيب الكلم = لك من ضميري عذبه وزلايله

ماوصلت ألاعراب ساسك والعجم = الجد مقرن 00 والمعنـّز وايله

تفهم وغيرك جعل عمره مافهم =العلم لك مواخره وأوايله 00

أطول طويل أهل العطا حولك قزم = بدري على كفـّينه وطوايله

أجنوبك الله خالقنها للدحم = وعظام راسك هي سبب صمايله

مدّت يديك أتوسـّم أللي ما أنوسم = وسمً تشوفه في أرقبة الحايله !

يامدح أبوالطيب ووصف أبن الجهم = كرمك شيخان الكرم سلايله

الوقت هجنه سود,, وخيوله دُهم = فى الصدر تسعى عـُرّبه وأصايله

لما غلبني الضيق وأزداد ألالم = والدمع ألازرق مـطـّـلقاً سبايله

فلوما عليك أشكي من الحال السقم = فغيرك بموت ولا سِـمع شكواي له

تلزمني الخوه معك يوم ألتزم = بك يامغرقني بحر جمايله

ياسيدي من رحت من نجد أنعدم = مالقاع وزنه 00وأكثرت علايله

عوّد عليه أرب يحيه الوسم = تنبت ورود 00وتنتشي خمايله

انت الحيا ,, وانت الضيا ,, وانت العزم = ياوّل أسم في كاسبين النايله

ترني بوجه الله ووجهك مالعدم = القـِل خيله صايلاتـً جايله

فيك أنت ياسلطان ظني والعشم = للظن قدحه ,, والعشم فتايله

سيدي وسيـّد سادتي منذ القدم = من عهد شيبانه وعصر اوايله

العزف عزفه ..والوتر له.. والنغم = وصوت الكمنجه له وصوت الناي له

ماتنزف ألاشعار من راس القلم = النزف من جوفي ومن دخايله

لوأنت ياسلطان سراً ماكـُتم = وش يحجبك يانور شمس القايله؟

وأذا فصلت أللحم من فوق العظم = فالحال لك دقه ولك جلايله

وإن شفت فى الجوال صورتك أبتسم = لو إن قبر أخوي توّي هايله

أنت الذرى,,وأنت القرى ,,وأنت الشكم = وأنت الرجا,,وأنت الحجاة الحايله

ياكثر ما املك من بيوتك يالنظم = وعجزت لأملك بيت وأستر عايله !

أبنيه في حلمي وأذا أصبحت أنهدم = ياجوع قلبي له وياضماي له

مالاً بدون أرجال زرعً ماصـُرِم = الشمس فوقه والهبوب أتمايله

ورجلاً بليا مال سيفً منـثلم = لوإنه مـُقّـدم ربعه وقبايله

فخوي أبوخالد مايفرك له خشم = ولايوريه الزمن نكايله

وخوي ابوخالد من الوقت ايحشم = ومن فرسة أذيابه ومن ثعايله

وخوي أبوخالد مايخطيه ألدسم = ألشد شده والنـِزل نزايله

ياسيدي بالروح نخدم وانخدم = العمر دونك عاقلاً رحايله

وأللي يحسـّب خوّتك شرم برم = نلغي عرب ساته ونلغي نايله

نقراء عليه الزلزله وأيلآ فهم = كلام ربً محـّكماً نزايله

بعيد لي بيتين من قبل آختم = عن شكة القاصر وعن جهايله

ما كل لاً لا ولا نعم نعم = ولاي أحـب أحايل المتحايله

ولا يجي فوق المهم إلا ألاهم = واشد من غـُب البحر هوايله

والسالفه لاجبتها ما أقسم قسم = الجزل لاتشتك في جزايله