عبدالله بن عايض الفهري
20-02-2007, 08:39 AM
السلام عليكم ورحمة الله وبركاته
هذه القصيده التي تشرفت بإلقائها في حفل قبيلة قحطان لتكريم الرحال ابن دمخان والذي أقيم في مدينة الرياض :
بإسمك يا واحد يا صمد يا منزّه = عن كل نقص وطالب رضاك فازي
أسطر القاف المطرز وادزه=بإسم الرجال الطيبين ال إعزازي
في حفل قحطان العريبه لعزّه=اشارك بقاف(ن) ثقيل المرازي
قحطان رمز المجد هيبه وعزه=وتاريخ في عُرف البطوله إعجازي
وقحطان لا جا يوم حزه ولزه = تجعل على كبد المعادي حزازي
وقحطان لا جا يوم لزه وحزه = غريمهم نومه عن العين قازي
كم شيخ قوم(ن) في المعاثه تكزه = وقرابته تبني بيوت التعازي
واليوم أمن وكل شر(ن) تنزه = عن دارنا واللي بغا الشر خازي
ولفعلك يا ابن دمخان فزيت فزه=فعلك لنا ياطيب الساس جازي
وفي دولة التوحيد للمجد نزه= سيسانها بأرض(ن) رفاع(ن) عزازي
في ظل شيخ(ن) جعل ربي يعزه = شيخ(ن) ولد شيخ(ن) على الطيب حازي
سيف السعد يا سعد منهو يهزه = وإن هيز ما ينهاز . لا هاز هازي
كم راس شيخ(ن) من على المتن جزه = بسيف العدل لا صار للدار غازي
وولي عهد(ن) عز شعبه ورزه =مده غناه . وحومته حوم بازي
يوم(ن) بعض الطيب حزه وحزه = الطيب عنده حاضر(ن) بإحترازي
وعز الحريب اللي نوا الدار عزه = يجيه من ضرب الحرار إهتزازي
وحنا جنودك يا وطن وانتنزه= بأرضك . وحبك في المعاليق وازي
وما دام راس المال مترين بزه = ومن بعدها قبر(ن) هيال(ن) لزازي
وش للفتى يا كود فعل(ن) يرزه = الطيب فرصه واللبيب إنتهازي
ومن لا يغامر في طريق المعزه =يعيش عمره في ظلام المخازي
والهرج بعضه له طراة(ن) ومزه = والبعض سامج ما لقوله مغازي
وأسطر القاف المطرز وادزه = بإسم الرجال الطيبين العزازي
وسلامتكم
هذه القصيده التي تشرفت بإلقائها في حفل قبيلة قحطان لتكريم الرحال ابن دمخان والذي أقيم في مدينة الرياض :
بإسمك يا واحد يا صمد يا منزّه = عن كل نقص وطالب رضاك فازي
أسطر القاف المطرز وادزه=بإسم الرجال الطيبين ال إعزازي
في حفل قحطان العريبه لعزّه=اشارك بقاف(ن) ثقيل المرازي
قحطان رمز المجد هيبه وعزه=وتاريخ في عُرف البطوله إعجازي
وقحطان لا جا يوم حزه ولزه = تجعل على كبد المعادي حزازي
وقحطان لا جا يوم لزه وحزه = غريمهم نومه عن العين قازي
كم شيخ قوم(ن) في المعاثه تكزه = وقرابته تبني بيوت التعازي
واليوم أمن وكل شر(ن) تنزه = عن دارنا واللي بغا الشر خازي
ولفعلك يا ابن دمخان فزيت فزه=فعلك لنا ياطيب الساس جازي
وفي دولة التوحيد للمجد نزه= سيسانها بأرض(ن) رفاع(ن) عزازي
في ظل شيخ(ن) جعل ربي يعزه = شيخ(ن) ولد شيخ(ن) على الطيب حازي
سيف السعد يا سعد منهو يهزه = وإن هيز ما ينهاز . لا هاز هازي
كم راس شيخ(ن) من على المتن جزه = بسيف العدل لا صار للدار غازي
وولي عهد(ن) عز شعبه ورزه =مده غناه . وحومته حوم بازي
يوم(ن) بعض الطيب حزه وحزه = الطيب عنده حاضر(ن) بإحترازي
وعز الحريب اللي نوا الدار عزه = يجيه من ضرب الحرار إهتزازي
وحنا جنودك يا وطن وانتنزه= بأرضك . وحبك في المعاليق وازي
وما دام راس المال مترين بزه = ومن بعدها قبر(ن) هيال(ن) لزازي
وش للفتى يا كود فعل(ن) يرزه = الطيب فرصه واللبيب إنتهازي
ومن لا يغامر في طريق المعزه =يعيش عمره في ظلام المخازي
والهرج بعضه له طراة(ن) ومزه = والبعض سامج ما لقوله مغازي
وأسطر القاف المطرز وادزه = بإسم الرجال الطيبين العزازي
وسلامتكم