ذبحتنا الغنم يارجال

[الوادي الابيض]

كلنا نعرف ان كثير من الناس لايمتلكون غنم
واذا جاء احدهم ضيف ؟؟؟؟؟؟؟؟
اكيد ماحد بيقصر مع ضيفه
لكن انها شقت بالناس
واكيد كلكم تشوفون هذي الضروف من حولكم
والمسلمين لازم يحسون باحساس بعض
يعني اذا انا ماهمني غلا الاسعار والذبايح
غيري توه متوظف
ولاعنده رصيد كافي
وإذا انا عندي حوش غنم
اذبح من طرف الحوش ولاهمني ارتفاع الاسعار
غيري اذا جاه ضيف ينزل يشتري من السوق
والتيس اللي كنا ناخذه زمان بـ300 ريال
اليوم بـ650 ريال وبدون مبالغة
اكثر من الضعف
فارجو من الجميع ان يشاركوا في الحد من هذا الغلا
يعني من كان صحفي
او له مجال في الاذاعة او الحوارات
او له نفوذ الى اهل الحل والعقد
يتصرف بما يرى انه مناسب
تحيتي...

[@تركي السنحاني@]

زين وانا اخوك ب650

عندنا في المنطقه الشرقيه الذبيحه الوسط تلقاها حول 900 _950 هذا بس الوسط كيف لو تبا ذبيحه للضيفان علي نذر ما تلقاها اقل من 1200

بس وانا اخوك تراهم يمدحون الدجاج والسمك

[بشربن قحطان]

يا اخوان الله بمسيكم بالخير
ارتفاع اسعار الاغنام بسبب الحصار المفروض على سوريا حيث تعتبر المورد الاول للمملكه

[عبدالله آل عباد]

ما عليكم لي قد الواحد بيدفع فلوس وياخذ شي يجمل


حل عندنا ضيف قبل أقل من أسبوع


والله أني هبدت في المجلبه أنا والشايب ألين طابت نفوسنا

ماعينا الذبيحه ألي تجمل ألا بعد شق الانفس


معا العلم أن السعر ما كان يفرق عندنا واجد

[الوادي الابيض]

اشكر الجميع على هذا المرور
اكرر واقول
اذا كان الواحد منا ماهمه ارتفاع السعر لقدرته المالية
فالكثير من الناس بيبلشون اذا جاهم ضيف
اللي نقوله الله ييسر امرنا وامر كل مسلم
واشكركم جميعا مرة اخرى

[سعد بن عوض ال سيف]

الحل جمع الضيفان وهبلهم قعود اطبخ نصفه وحط
نصفه التالي في الثلاجه والله انه اصرف وتراك تجملت

[الفارس الجنوبي]

شكرا على الموضوع وصحيح أن الغلا منتشر في كل المناطق ولابد من وضع حد لذلك لمنع أنتشار هذه الظاهرة .... وكنا نحسب أن الغلا في الاسواق التجارية ولكن للأسف الغلا شمل كل شئ في الحياة

تحياااااااتي

[سيف السحيمي]

1200 ريال في سوق الغنم اللي في الخبر ... قبل أسبوعين بالتمام

والله أنا أشوفه ضرب من الجنون يستدعي تدخل الجهات المختصه .

[سعيد بن مذي]

في الخرج

على 1200 وتعتبر رخيصة

والغلا صار في كل شيء حتى في الخضار ؟؟

[سعد بن سعيد بن فالح]

والله مصيبه
الاسعار نار عندنا في الشمل السعر مابين 1200ـ1300 يعني سلخ
والله مالوم الرجال يوم قطع الاشارات
لاهنت يالوادي الابيض

[الواصل]

تصدقون فية طريقة حلوة


اذا انزنق الواحد مرررررررة فية غنم مكفنة في الجمعيات الكبيرة مثل المخازن الكبرى خذ خروف مكفن ب 80 ريال

ومر على اقرب جزار لحم واشتر ذنب ب 12 ريال وزود البهارات ولا تحطة مفطح قطعة على عدد2 صحن تشوف

كيف الثناء والشكر من الضيف والمعازيم خاصة اذا الضيف فاقع قلبك يعني ما يستاهل خروف 1200 ريال



تقبل تحياتي

[@ابوريان@]

مافيه ازين من الحاشي

[العبدي]

والله الغلى جانا من قبل العيد باسبوع تقريبا وذلك لما فتحو السوق أمام الخرفان السورية . . .
وللحين لازالت الاسعار كما هي . . .
السوري اللي كان . . . 500 ريال واذا كثر 600 ريال . . الحين 1100 ريال
الاردني اللي محد كان يشتريه بــ900 ريال وهو ما كان يتعدى الــ 450 ريال
الهرافا الصغار اللي كنا نشتريها بـــ 350 ريال الحين لاتقل عن 600 ريال
والظاهر الاسعار ستبقى على هذا المنوال . . . بسبب زيادة المعاشات
والله يخارجنا

[عبدالله آل عباد]

الله يفرج على كل من ضاقت عليه

والله يالي مامعه شي أن الحياة أمامه صارت أكثر صعوبه

[سعد بن عوض ال سيف]

فكرتك يالواصل تفك ازمه

[تهاويل]

ياربع هنا شيء واضح من رب العباد ((((( ياعرب أقنوا حلال ))))

يبست الأرض وقل المرعى والبلا ماهو في سوريا ولا غيرها البلا فينا لو كل رجال عنده دخل يكون عنده شبك للجمايل ولا الجووووووع ما أحد ميت جوووووع من فضل ربي والله إن يرخص الحلال وإن تزين البران وتزين العلووومي كلها حتى الرجال اللي دخله بسيط لا ضاقت باع منها ولا جااااع كلى منها والدنيا يسره ما غير حنا المعسريناه والله يالجنوووووووب كان ما ينقطع خيره لا من مطر ولا ربيع واللحين شوفوا كيف والسبب تركنا الأرض وتركتنا وسلامتكم واعذروووتي على المرووور المتأخر ولكن موووضووع عجبني خيووو هههههه



وتقبلوااااااا تحياتي

[خو دبسه]

اللهم ادمها نعمه واحفظها من الزوال يا رب العالمين ان شاء الله فتره وتروح اما بالنسبه للضيوف فوالله العظيم اذا كانت عزيمتك تقدير له ولوجه الله فابشر بالخير و والله ان ييسرها الله اما اذا كانت مهايط زي ما بعض الناس يسويها وانا احيانا منهم فالله المستعان

[عبدالله آل عباد]

تهاويل


دائماً أحرص على سماع كلامك وقرائة ردودك

بتوفيق لك

[ابن عياف]

كلامك صحيح وعين الحق

يالوادي الابيض

الله يعين الفقير

[منصور العبدالله]

تدرون وش بعد المشكله

إرتفاع الأسعار وبعد ذولا اللي يبيعون لو جاهم واحد غشيم

والله يصلخونه ما يرحمون وطمع غير طبيعي

أتذكر زمان على أيام كنت تلقى ذبيحة هرفي بلدي على 450 أو أقل شوي

يعني ذبيحة متوسطة أو ثلاجة

نزلت للمجلبه بالرياض وساويت نفسي حجازي

ورحت لواحد من هالرشايدة وقلت أبي ذبيحة ذكر ( علشان يتأكد إني غشيم )

وبعدين قعدت شوي وجاب لي ذبيحة وقلت مو حرام يذبحوها ويطلع منها دم ( علشان يدري اني مدلع ويأخذ راحتة)

قال عادي لا مو حرام قلت أول مرة أشوف زي كذا

بس تراها مو لي هادي الله يسلمك للمدير

وهو مايعرف يشتري قال لي روح أنت ( يعني انا اللي أعرف )

المهم كم سعرها وممكن أسحب ببطاقة فيزا أو ماستر كارد

والله ياجماعة على ماجاكم وهم يجتمعون ممكن 7 منهم

قال لا لازم كاش

قلت طيب بالنسبه للألوان بس مافيه الا هاللونين أبيض وأسود مافيه غيرها

قال لا

قلت طيب كم هادي والرجال يقول وش ذا الفاغر

المهم قال 1600 ريال

ومني ومنه ومني ومه ونزل لي إلى 1400 ريال

ويوم خلص قلت تعال تضحك علي صدقت اني غشيم لعنبوك قبل أجيك

رعيت الغنم وكليت معها ورقدت معاها وكم رعيتها وكم ضاعت وكم أنضربت

وتجي تضحك علي وأعطيهم الوجه الثاني قلت مصدقيين تراني بدوي لو أحطكم في راسي

خليت الغنم هي اللي تبيعكم وفي الاخير قال كم تبيها واعطاني ب 400 ريال وقلت لا

لو تعطيني بلاش ما خذيتها


المعذرة طولت شوي بس شدني الموضوع

لاهنت يالوادي الأبيض موضوع يستحق النقاش بجديه شوي

يعطيك العافيه وبإنتظار جديدك

[سعيد بن مذي]

8

8


هههههههههههههه قمة الروقان يا منصور


بس صراحة أقديت فيهم

[سعيد بن محمد بن خريم]

هههههههههههههههههه

تجمعو كلهم يبون يتقاسم الدراهم
مشكور يا منصور

اما بالنسبة لموضوعنا

طريقة طيبة لتفادي الغلا تعرف لك على رشيدي معرفة جيده وابشر بالرخص الهرفي باقي انا اخذه منه بـ600 مابه غلا
عفو قصدي بـ380 ريال

والله يعين الجميع

[هايل]

الله يفرج على كل من ضاقت عليه

[ضرغام]

تسلم والله