المساعد الشخصي الرقمي

مشاهدة النسخة كاملة : ليلي نوى المسرى وقلت اسري مع ليل العتام وأمسك طرق ما يوقف بي ولا به هجولا


عبدالله المهداني
26-02-2005, 07:12 PM
بسم الله الرحمن الرحيم



البارحة عيني جفاها النوم عيت ما تنام=وضاقت علي الأرض من صدر(ن) به الهم امتلا
الصدر صاير فيه حرب(ن)بين تكسير وهدام=والقلب وقع فيه من طعن السلال الصقلا
في ليلة(ن) ما شفت فيها النور ويسود الظلام=شفت السهوم اتطعن بقلبي وذقت المقتلا
قمت اتعزوا وانتخي وأقبل لي الهاجس شمام=الهاجس اللي لا نخيتة ما يلقيني جلا
لا زاد هم القلب واقبل لي توجدت الكلام=أبدع قوافي الشعر لكن واّلله قلبي ما سلا
أختار من زين المعاني والبيوت اللي تمام=وأطرق لحون(ن) تحكم القيفان وتزيد الحلا
وأطوع الطاروق لجل القاف يحكم بإحتكام=حُكم على قافي حكمتة ماخذ فية إقبلا
أبيات شعر(ن) مثل نور الصبح جلاي الغسام=اصبها صب الذهب وارقا بها رجم علا
لا يا وجود الحال وجد اللي ما يلقا له طعام= صابه زمانة بالفقر مسكين ما لقي الكلا
يعول عشرة من عيالة كلهم جلد وعظام=إجياع والحالة عديمة وسط مسكن بالبلا
ولا ياوجودي وجد عود (ن) تالي ايامة يضام=من عقب ما قان الحكيم اللي يفك المشكلا
عقيد قوم(ن) في المواقف سيف بتار وحسام=لا ثار عج الخيل رد المعتدين العيلا
وافي وذكرة بين خلق الله من الناس الكرام=يمسي ويصبح تحت ظل الله ربن معتلا
متمسكن في سنة الهادي علية الفي سلام=واليوم صاير وسط سجن(ن) بالقيود مكبلا
سجنتة لا من شان دين ولامشا درب الحرام=سجنتة في حمل حملة وصار حملة مثقلا
في يوم(ن) اسود من سواد الليل لا اشتد العسام=وسوس له ابليس اللعين وزود الجهل إجهلا
من عقب ما صلى صلاة الصبح وانهاها تمام=عود لبيتة داعي ربة وللّه هللا
مستغفر ربه ويطلب منه في حسن الختام=ويردد أيات(ن) من كتاب الإله المنزلا
يسلك طريقة صوب بيتة في أمان وفي سلام=ما عنده من الشر طاري قارئ(ن) ومرتلا
فجأه ظهر له رجل في خطه على وجهه لثام=حاقد وعينة تقدح النيران من زود البلا
أثر اللعين يخطط لذبحة قصيرة وأستظام=في إيدة سلاح الغدر ناوي بالقصير المبتلا
فز وطمر بالنذل ناوي الغدر والله ما يلام=لزمة وجود بالسلاح وقال روح للخلا
النذل جاوبة بهروج(ن) من مناقيد الكلام=ويقول له روح إذا تبغا السلامة والشلا
حاول خبيث النفس بالمخلاص من راعي المقام=لكن تحيل له بحيلة عادتة متحيلا
واقبل على جار الشجاع وناوي(ن) له بالعدام=فز الشجاع ولزم غدار النوى مترجلا
قام وسلب خنجرة من يمناه غصب واحتزام= ثم إضربة ضربة بنحرة صار دمة مسيلا
وصار الشجاع اللي فزع للجار ذباح الغلام=وأصبح اسير السجن من شان القصير المبتلا
يوم احتماء راسة لجارة واحتمالة ثم قام=قضى حياتة وسط سجنة والقصاص مأجلا
همي تعداء هم هذا يالله جرني مالهيام=الحمل زاد وكايد(ن) مثل الجبال الزحلا
انا حمولي تكسر ظهور الجمال ام السنام= اللي تشل من الحمول الكايدات الثقلا
ليلي نوى المسرى وقلت اسري مع ليل العتام=وأمسك طريق ما يوقف بي ولا به هجولا
أمشي ولالي مع هل التدليس والهرج الحرام=أمشي وقابلني على الطرقة بعير محملا
محملة رجل بيدة الفرخ محتزم الحزام=وقفت في راسي سؤال وفجأه اقبل واسئلا
قال انت يا رجال وش تبغى وجاوبني همام=والا نبا نرميك قلت اركد وجيتة مقبلا
قلت اللعن اشيطان يا حر شهر جنحة وحام= أنا مضيع وجهتي يم الجنوب ومشملا
وقف ورحب مرحبابك عد همال الغمام= ارحب وترحب والله ترحب مرحبا بك ياهلا
قلت البقا دام البقاء ياشايب عالي المقام=وافي ووافي يا عريب الجد فعل مجملا
قلت أسألك يا شايب الرحمن لا ضاق النسام=والفكر شت وضايق صدري وعقلي مقفلا
اقبل يواسيني على الايام ويقول الهمام=ويحثني ويقول سج الرجل واطرقها الفلا
لا ضاق صدرك وانت ودك بس ما حقق مرام=اركن على الله والله الكفال في رزق الملا
قلت الله المعبود رب البيت خلاق الأنام=خالق عبادة من تراب ورافع السبع العلا
الله خلقنا للعبادة من صلاه ومن صيام= إياه نعبد وإنتوكل والله نعم المكلا
خذيت لي مع شايب الرحمن علم وإعتلام=مع دلتين فوحت ببهار زود مهيلا
ودعت شايبنا وعودنا على درب النظام=والله يحل العقد ويعقد حلال محلحلا
ختمت وصلى الله وسلم عالنبي الهادي الإمام=محمد المختار للأمة رسول(ن) مرسلا
وسلامت الجميع

محمد بن مسفر القويفل
27-02-2005, 02:50 PM
بيض الله وجهك


صح السانك يا عبدالله قصيده شامله تضمنت كثير من الحكم والنصح
جزلة من جزالة راعيها

في انتضار جديدك



اخوك

محمد القويفل

هاوي نجد
27-02-2005, 05:51 PM
لاهنت يا خوي المهداني على هذه القصيدة الجميله

ولا تحرمنا من ابداعك المميز

تقبل تحيات اخوك

ابن عاصم
27-02-2005, 08:38 PM
اول شي ماشاء الله عليك


قسم بالله انك شااااعرر عملاق



وانت من قائمه الشعراء المفضلين عندي من دون مجامله والله

قصايدك ملئه بالمعاني الجزززله

فاستمررررر بالجزززاله ياجزززززل

فوالله لم ارء لك قصيد ركيكه

عبدالله وين الاعلام منك

لله درررررررررررك ايها الشاعر الفلته


اخوووووك

ابن عااااااصم

عبدالله المهداني
27-02-2005, 09:07 PM
محمد القويفل الله لا يهينك ويصح بدنك

ماعليك زود

وشكراً على المرور

عبدالله المهداني
27-02-2005, 09:13 PM
قايل مايهون يا هاوي نجد والله لا يهينك

ابشر بالخير ياذيبان

وشكراً على المرور

ابوملاك
27-02-2005, 09:18 PM
صح لسانك اخوي عبدالله على هذا الابداع .

عبدالله المهداني
27-02-2005, 09:19 PM
ابن عاصم
الله لا يهينك
وما عليك زود
وارجي من الله ان يقدرن يعلى الجميل والقول الجزيل
شاكرين ومقدرين على مرورك

عبدالله المهداني
27-02-2005, 09:22 PM
صح بدنك اخوي ابو ملاك
والله لا يهينك

تركي المهداني
27-02-2005, 09:23 PM
لاهنت اخوي عبدالله المهداني

وصح السانك
ونرجوا منك المزيد

عبدالله المهداني
27-02-2005, 10:13 PM
اررررررررررررررررررررررررررررررررررررررررررررحب يا تركي مليارات الله لا يهينك
ويجمل حالك

شكراً على المرور

القهره
27-02-2005, 10:16 PM
لبا قلبك على ذالقصيده يابو عابد

العبرود
28-02-2005, 01:46 PM
عبدالله .. صح لسانك .. وعلى الأخرى عانك ..
قصيده جميله ورائعه .. وتستحق الصداره ..
سجل إعجابي
ولاتنسى اللي طلبتك وشكراً

فارس قحطان
28-02-2005, 02:29 PM
صح لسانك

ياعبدالله

دائما مميز

ابراهيم بن مريع
28-02-2005, 11:37 PM
عبدالله المهداني



اقف لك احتراما واعجابا على هذه القصيدة الجزله





انت شاعر ومبدع تقبل تحياتي

عبدالله المهداني
01-03-2005, 04:46 PM
اخوي القهرة الله لا يهينك ويجمل حالك

عبدالله المهداني
01-03-2005, 04:50 PM
صح بدنك يالعبرود والله لا يهينك

ولكن اللي طلبت منك ما جاني واللي طلبتة انت يترتب على طلبي منك
اما الغزل والله مالي فيه والمعذرة

عبدالله المهداني
01-03-2005, 04:59 PM
صح بدنك

يا وليد

ولا عليك زود

عبدالله المهداني
01-03-2005, 05:07 PM
الله لا يهينك اخوي ابومريع

مرورك فخر لي ووسام على صدري

الله يجزاك خير

كلي فخر فيك اخوي ابومريع

اخوك

عبدالله المهداني

ملحف الرفيدي
01-03-2005, 05:48 PM
الله لايهينك يا عبدالله على القصيدة المميزة وصح لسانك ومن يسمع

عبدالله المهداني
11-03-2005, 04:08 PM
الله لا يهينك يا ملحف واسف على التأخير

خـالـد أبن جـلـيد
12-03-2005, 01:31 AM
عبد الله المهداني

لوقلت صح السانك ملياااار ماوفيت قصيدتك

صراحةً ومن دون أي نفاق أومجاملة

قصيدة ليست رائعة وحسب بل رائعة بكل ماتعنية الكلمة من الروعة

رائعة بطرقها رائعة بكلماتها رائعة بمفرداتها رائعة بمعناها

راااااااااااااااااااااائعـــة بشاعرها

أكرر صح لسانك مليااااااار يالمهداني

والله يديمك لنا ولقلمك


تقبل أعجابي وتقديري

شبل قحطان
12-03-2005, 02:57 AM
صح لسااانك يا عبد الله المهداني

عبدالله المهداني
12-03-2005, 06:44 PM
اخي خالد
الله لا يهينك ويطول عمرك
ويصح بدنك
وشكراً جزيلاً على المرور فهو شرف لي

اخوك عبدالله المهداني

عبدالله المهداني
12-03-2005, 06:46 PM
°ˆ~*¤®§(*§*)§®¤*~ˆ°صح بدنك يا شبل قحطان والله لا يهينك°ˆ~*¤®§(*§*)§®¤*~ˆ°

محمد العاطفي
20-03-2005, 06:37 PM
عبد الله المهداني


لاهنت وصح السانك اجزلت يالسنافي





تحياتي وتقديري

ابن صد
21-03-2005, 12:07 AM
ابداع والله ابــــــــــــــــــــــــــــــــــــــــــــــــ ــــــــداع
سجل اعجابي اخوي عبدالله المهداني

عبدالله المهداني
21-03-2005, 04:41 PM
محمد العاطفي

ابن صد

الله لا يهينكم جميع واعذر من التاخير للأنني مشغول اليومين هذي

عبدالله المهداني
21-03-2005, 04:44 PM
محمد العاطفي

ابن صد

الله لا يهينكم جميع واعذر من التاخير للأنني مشغول اليومين هذي