المساعد الشخصي الرقمي

مشاهدة النسخة كاملة : بدر العجمي @ سعيد ابوديه واسطورة الفتل والنقض


عبدالله المهداني
12-02-2007, 12:43 AM
من اجمل ما قرأت وحظرت هذه المحاوره التي جرت بين الشاعر بدر العجمي وشاعرنا طويق الجنوب سعيد ابوديه اترككم مع هذه الامسيه والابيات وقوة الفتل والنقض

بدر العجمي

بعد ماالله مجمعنا وجتمعنا بعد طول غياب=سلام الله عليكـم والمعانـى نـارها حيـه
سعيد اللى لقيته يذرف الدمعه على الاهداب=اثر عينه على الاتراك يالله تصلح النيـه
سعيد ابوديه

بعد مالله جمعنا والوعد في عالي المرقاب=هلا يمرحبا ترحيبـة(ن) بالطيـب مثنيـه
تقوله يابدر والعلم واضح والخفوق انصاب=عسى ربي يعيض بخير والله يدفع السيـه
بدر العجمي

ولا يافكرتى فى تابع الدجال والنصـاب=اثر شر البلاوى فى زمن تضحك بلاويه
ابو زيد الهلالى يطلب الله يوم راسه شاب=وانا عارف ودارى ماش لا هاذى ولا ذيه
سعيد ابو ديه
تشرهنا على هـذا وهـذا والعتـاب اعتـاب=ونا وياك ياوجه محلف بـارض(ن) خلاويـه
مثل ما قال ابن هادي حمد جتك العلوم اسراب=وجاها من شروق الشمس طايرة(ن) خمينيه
بدر العجمي
بعد مافتحت الابواب منهـو فتـح الابـواب=انـا بنشـدك وانتـه قولهـا والعلـم ماريـه
تقول اهل المثايل يطلع الك صحيب من لجناب=ويطلعلك حريب قريـب وسمعهـا يابوديـه

سعيد ابو ديه


فتحت الباب في حشمتك لكن ماحسبت حساب=عواقبها الوخيمه والنتيجـه جـات سلبيـه
ورا ريع الندامه يابدر نسمع هديـر ركـاب=مغير الا تذرا من سموم القيض فـي الفيـه
بدر العجمي
تبى تحرب وتنهب لين ماحول عليك اذياب=برمـح ذيـاب ريحنـاك والايـام مقفيـه
ذبحنا الداب لاكن البلا الحيه ماهوب الداب=نسير بالقدم مابيـن نـاب الـداب والحيـه

سعيد ابو ديه
كذا ولا كذا ولا كذا حنا عرب واعـراب=على الاطلال نبكي كل صبح وكل عصريه
على الله كل شي ويمكن انا نتقي لاسباب=لكن ياحارس الغله تحـرص مالحراميـه

سعيد بن مسعود آل مهدي
27-02-2007, 03:56 PM
عبدالله المهداني

جميل منك هذا النقل والمتابعه والاهتمام


ونحن بدورنا نشكرك يامشرف الظفر


ولك فائق الاحترام والتقدير