((الأجـــــــــــــــــــــــواد والأنذال))

[أبن مجمش]

((الاجواد والأنذال))
من الأبيات الخالدة في التراث النبطي هذه الأبيات
من قصيدة المهادي ,وفيها يعقد مقارنه رائعه بين
شيم الأجواد, وطبائع الأنذال , فتعالوا نستذكر هذه
المقارنه التي تدل على رؤية ثاقبة وتجربه صادقه....
يقول المهـــادي:

الأجواد , وان قاربتـهـا ماتـملها = والانذال ,وان قاربتها عفت مابها
الاجواد ,وان قالوا حـديث وفوابه =والانذال منطوق الحكـايا كذابها
الاجواد: مثل العدّ من وردة ارتوى=والانذال لاتسقى , ولا ينسقى بها
الاجواد: نيلــها دون عــرضها= والانذال : تجعل نيلها في رقابها
الاجواد:مثل الزمل للشيل يرتكي =والانذال :مثل الحشو كثر الرغى بها
الاجواد : لوضعفوا وراهم عـراشه =والانذال :لو سمـنوا معـايا صلابها
الاجواد :يطرد همّها طول عـزمها =والانذال :يصبح همـها في رقابها
الاجـواد تشبه قــارةٍ مــطلحبّة = لي دارها البردان يلقى الذرابها
الاجواد:تشبه للجبـال الــذي بها =شربٍ , وظلً , والذي ينهقى بها
الاجواد: صندوقين مسـكٍ وعنـبر= لي فتحن ابوابها .. جــاك مابها
الاجواد: مثل البدر في ليلة الدجى =والانذال: ظلما تايهٍ من سـرى بها
الاجواد: مثل الدر في شامخ الذرا=والانذال: مثل الشـري مرًشـرابها
الاجواد وان حايلتهم ماتحــايلوا= والانذال: أدنى حيــلةٍ ثم جـابها
الانذال لو غسلوا ايديهم تنجست=نجاسة قلــوبٍ مايســر الدوابها
يارب لا تجعل للاجواد نكبــه =من حيث لا ضعف الضعيف التجابها

[مسفر بن حسين بن نومه]

بيض الله وجهك

والموضوع مكرر لقد قام المشرف عبدالله المهداني

بوضع هذا الموضوع ولكن اشكرك على الجهد


تقديري

[متعب الهاجري]

ابيات اشهر من نار على علم
ورحم الله المهادي واسكنه الجنه

تسلم يمينك يابن الاجواااااااد



بني هاجر

[أبن مجمش]

بيض الله وجهك

والموضوع مكرر لقد قام المشرف عبدالله المهداني

بوضع هذا الموضوع ولكن اشكرك على الجهد


تقديري

يعطيك العافية على المرور يابن نومه

والمعذره ماعندي خبر ان الموضوع متكرر

تقبل تحيتي ووافر احترامي

[أبن مجمش]

يعطيك العافية على المرور يابني هاجر

تقبل تحيتي ووافر احترامي

اخوك ابن مجـــــــــــمش