@ابوريان@
06-02-2007, 01:08 PM
السلام عليكم ورحمة الله وبركاتة
(((( منـــــــــــــــــقول للامـــــــــــــــــــانة ))
عندنا واحد بالعمل امريكي مسلم واصله باكستاني مستغرب من اشياء كثيره بالبلد ويقول انتم ناس تحبون الفشخره في معيشتكم رغم ان طبعكم محافظ وينبذ تصرفات البذخ وهذا الي سمعته يوم كنت في امريكا . يقول ياخي اول مره اشوف سكورتيه على بوابه عندهم اغلى السيارات واحسن الجوالات وحتى سكورتيه الراشد تلقى عندهم جوالات اخر موديل والسياره اخر موديل. حتى الموظفين اصحاب الرواتب المنخفضه تلقى تفكيره بس كيف يسدد فاتورته او قسط سيارته يعني مافيه اي خطط ثانيه او كيف يزيد راتبه.
قلت يامسكين ترى الدعوه فشخره بس لايهمونك . السكورتيه الي شفتهم برى السيارات الي معهم اقساط على البنوك والبيت اقساط على البنوك ولا يبقى اخر الشهر معه شي وتلقى جواله مفصول واذا كانت زوجته موظفه زين بعد تساعده .
فعلا ياخوان الي مايسأل عن ذي الامور ماراح يدري . ليش الواحد الي راتبه 5000 ريال يقسط له لاندكروزر ابو 160 الف وياخذون من راتبه 2500 ريال ويجلس 4 سنوات على 2500 ريال ويسب الحكومه ويقول مديون ومسكين وخذلك سلوف . ياخي ماحد قالك سو نفسك وش هالفشخره وين مقوله (مد رجولك على قد لحافك)؟ يعني اشتر سياره على قد فلوسك ومتطلباتك واشتر بيت على قدك وقد راتبك . الي راتبه 15 الف يختلف عن الي راتبه 5 الاف وكل واحد المفروض بيته يصير على قد راتبه .
اعرف واحد يشتغل في البنك الاهلي يقول يومياُ تجينا طلبات بشراء سيارات عن طريق البنك واكثرها سيارات غاليه . لاندكروزر - يوكن - اودي واكثر الي يشترونها عسكر وموظفين حكومه رواتبهم ضعيفه ويقول مدام الراتب موجود بجلس اسدد اهم شي اركب سياره زينه.
http://www.qahtaan.com/works/up/uploads/qahtaan-02-06-1170756281.jpg (http://www.qahtaan.com/works/up)
وفي وقت السفر تلقى الواحد يعتمد اعتماد كلي على الفيزا واذا رجع يجلس 4 شهور يسدد ويقول مو مهم مدام الراتب موجود بروح اسافر مع الخلق . هو يسدد اقساط سياره ولا جوال ولا يجمع للزواج .
ولا تلقى واحد وقت زواجه استأجر بي ام دبليو يوميتها 1800 ريال وهو سيارته الاصليه كامري ومصدومه من الجنب بعد . طيب بتلعب على العروس ؟ اذا جاء اليوم الثاني وشافت الكامري وش بتقول؟ انغسلت وكشت؟
حتى البنات فيهم حقهم . تلقى بنت موظفه راتبها 5000 الاف وكل راتب ينزل تروح للسوق وتشتري شنط قوتشي ام 5000 وتجلس مفلسه لين اخر الشهر وبعدين تشتري جزمه ماركه ثانيه ناين وست ولا يبقى في راتبها شي وتمر السنوات وهي على ذا الحال وهي معتمده على الزوج هو الي بيسوي كل شي .
ممكن هذا سبب ان الناس تحب المظاهر مو المخابر ومدام الشخص عنده سياره زينه او بنت عندها شنطه ماركه فلانيه يعتبر نوع من النواع الترف وان الشخص هذا شايف خير وممكن يلفت انظار الاخرين ويقدر يوصل للي يبيه عن طريق هذه الاشياء.
عندنا امريكي ثاني بالعمل عمره 40 سنه .. عنده كورلا موديل 90 وهو راتبه حدود 35 الف . وعندنا الواحد اذا ماصار عنده جوال ابو 2000 ريال وسياره فوق 100 الف ولا يعتبر نفسه مو عايش .
هل الناس اصبحت ترى المظهر اكثر من المخبر؟
هل وجود الطبقيه تجعل الطبقه الوسطى تريد اللحاق بالطبقه الغنيه؟
تحياتي للجميع
(((( منـــــــــــــــــقول للامـــــــــــــــــــانة ))
عندنا واحد بالعمل امريكي مسلم واصله باكستاني مستغرب من اشياء كثيره بالبلد ويقول انتم ناس تحبون الفشخره في معيشتكم رغم ان طبعكم محافظ وينبذ تصرفات البذخ وهذا الي سمعته يوم كنت في امريكا . يقول ياخي اول مره اشوف سكورتيه على بوابه عندهم اغلى السيارات واحسن الجوالات وحتى سكورتيه الراشد تلقى عندهم جوالات اخر موديل والسياره اخر موديل. حتى الموظفين اصحاب الرواتب المنخفضه تلقى تفكيره بس كيف يسدد فاتورته او قسط سيارته يعني مافيه اي خطط ثانيه او كيف يزيد راتبه.
قلت يامسكين ترى الدعوه فشخره بس لايهمونك . السكورتيه الي شفتهم برى السيارات الي معهم اقساط على البنوك والبيت اقساط على البنوك ولا يبقى اخر الشهر معه شي وتلقى جواله مفصول واذا كانت زوجته موظفه زين بعد تساعده .
فعلا ياخوان الي مايسأل عن ذي الامور ماراح يدري . ليش الواحد الي راتبه 5000 ريال يقسط له لاندكروزر ابو 160 الف وياخذون من راتبه 2500 ريال ويجلس 4 سنوات على 2500 ريال ويسب الحكومه ويقول مديون ومسكين وخذلك سلوف . ياخي ماحد قالك سو نفسك وش هالفشخره وين مقوله (مد رجولك على قد لحافك)؟ يعني اشتر سياره على قد فلوسك ومتطلباتك واشتر بيت على قدك وقد راتبك . الي راتبه 15 الف يختلف عن الي راتبه 5 الاف وكل واحد المفروض بيته يصير على قد راتبه .
اعرف واحد يشتغل في البنك الاهلي يقول يومياُ تجينا طلبات بشراء سيارات عن طريق البنك واكثرها سيارات غاليه . لاندكروزر - يوكن - اودي واكثر الي يشترونها عسكر وموظفين حكومه رواتبهم ضعيفه ويقول مدام الراتب موجود بجلس اسدد اهم شي اركب سياره زينه.
http://www.qahtaan.com/works/up/uploads/qahtaan-02-06-1170756281.jpg (http://www.qahtaan.com/works/up)
وفي وقت السفر تلقى الواحد يعتمد اعتماد كلي على الفيزا واذا رجع يجلس 4 شهور يسدد ويقول مو مهم مدام الراتب موجود بروح اسافر مع الخلق . هو يسدد اقساط سياره ولا جوال ولا يجمع للزواج .
ولا تلقى واحد وقت زواجه استأجر بي ام دبليو يوميتها 1800 ريال وهو سيارته الاصليه كامري ومصدومه من الجنب بعد . طيب بتلعب على العروس ؟ اذا جاء اليوم الثاني وشافت الكامري وش بتقول؟ انغسلت وكشت؟
حتى البنات فيهم حقهم . تلقى بنت موظفه راتبها 5000 الاف وكل راتب ينزل تروح للسوق وتشتري شنط قوتشي ام 5000 وتجلس مفلسه لين اخر الشهر وبعدين تشتري جزمه ماركه ثانيه ناين وست ولا يبقى في راتبها شي وتمر السنوات وهي على ذا الحال وهي معتمده على الزوج هو الي بيسوي كل شي .
ممكن هذا سبب ان الناس تحب المظاهر مو المخابر ومدام الشخص عنده سياره زينه او بنت عندها شنطه ماركه فلانيه يعتبر نوع من النواع الترف وان الشخص هذا شايف خير وممكن يلفت انظار الاخرين ويقدر يوصل للي يبيه عن طريق هذه الاشياء.
عندنا امريكي ثاني بالعمل عمره 40 سنه .. عنده كورلا موديل 90 وهو راتبه حدود 35 الف . وعندنا الواحد اذا ماصار عنده جوال ابو 2000 ريال وسياره فوق 100 الف ولا يعتبر نفسه مو عايش .
هل الناس اصبحت ترى المظهر اكثر من المخبر؟
هل وجود الطبقيه تجعل الطبقه الوسطى تريد اللحاق بالطبقه الغنيه؟
تحياتي للجميع