::مسـتشـفى الواصل التخصـصـي ## نحــن بعـون الله نــرعااكـمـ ::.

[الواصل]

::مسـتشـفى الواصل التخصـصـي ## نحــن بعـون الله نــرعااكـمـ ::.

--------------------------------------------------------------------------------


بســم الله الرحمـــن الرحيــمـ ,,

لقد تم بحمد الله وتوفيقه افتتاح مستشفى الواصل التخصصي

لجميع الأمراض وبأطباء عالميين ,,

مستشفى الواصل التخصصي ...صرحٌ طبي شامخ .

مستشفى الواصل .. يدنا الراعيه تمتد الى كل بيت ....و "رجلنا الرافسه" تصل الى كل منزل.

مستشفى الواصل التخصصي ..نحن بعون الله نرعاكم .

مستشفى الواصل التخصصي .. سنة من التجربة المره ... نحن لانستخدم فئران تجارب ...
(الله يخليكم لنا نجرب فيكم).

مستشفى الواصل التخصصي ... سعة (5000) سرير ... و (7000) وسادة ..... و (300) بطانية ...
بلغ عدد المرضى المراجعين في العام الماضي اكثر من 60,000 مريض .... و1000,000 حالة وفاة . << حالات الوفـاة اكثـر من المـرضـى

مستشفى الواصل التخصصي ...تدخل مريض محمولا على السرير....
وتخرج محمولا على "النعش".
تدخل محــمّــلاً بالدراهم والفلوس .... وتخرج وقد خرجت من الاجساد النفوس .

مستشفى الواصل التخصصي تتوفر به جميع أقسام الرعاية الطبية....
جراحة ..زراعة قلب. ...قسطرة ...زراعة كلى...زراعة رئة....زراعة بطيخ.

مستشفى الواصل التخصصي تم فصل توأمين متلاصقين بنجاح..
فقد تم فصل رأس كل توأم عن بقية جسده
(وماتو الاثنان على طوووول) . << الله يرحمهــم
قسم خاص لأمراض الكلى....غسيل كلى...غسيل مخ ..غسيل حلل و مواعين..
غسيل سجّاد وموكيت ...غسيل بخار مستعجل.

مستشفى الواصل التخصصي ... يعالج جميع الامراض المستعصيه...
امراض الغدد اللمفاوية ... امراض الغدد
الصمّــاء... امراض الغدد العمياء.
نعالج امراض العيون والأذن و الجيوب الأنفيه.. ننصح أصحاب "الجيوب"
الانفية الملتهبه بمراجعتنا ...
ونفضل اصحاب "الجيوب" المليئه بالريالات.

مستشفى الواصل التخصصي ... سيارات لتوصيل المرضى مجاناً....
عربات لنقل المصابين...مقبرة لدفن الموتى .

مستشفى الواصل التخصصي ...تتوفر لدينا جميع أعضاء الجسم للبيع بأسعار
روووووعه....قلوب ... كلاوي...
كبدة ... شكشوكه ... فلافل.
اكيد...اكيد للى جيعاااااااان

مستشفى الواصل التخصصي.... تتوفر لدينا أفضل الأجهزة الطبية... مقصات ..
جراحه.. مشارط .. سكاكين... ملاعق.... سواطير .... سيوف
وكلها من عند الجزااااااااااااار
(المريض اللي مانقدر نعالجه نقص رأسه بالسيف ونرتاح).

مستشفى الواصل التخصصي ... اطباء مميزون ... شهادات عالمية
(غير مزوّره) ومن اعرق الجامعات في العالم...
ممرضات جميلات (بس تشوف وجه الممرضة وتتعافى على طووووووول).

مستشفى الواصل التخصصي ...تتوفر به جميع وسائل الراحة والرفاهية...
غرف تنويم مميزة.... غرف "عناية
مركزة" مكيفة اسبليت.... ثلاجات موتى مريحة ... أثاث أمريكي.... دش 600 قناة
.

مستشفى الواصل التخصصي ... طب اعشاب... طب شعبي ... طب مسلح... طب وتخيّر.
بشرى سارّة لجميع مرضى الخليج العربي والعالم العربى عامه
تم بحمد الله افتتاح مستشفى الواصل التخصصي في كل من ...
الدمام...الحوطه... رأس ابو قميص... رأس ابو دشداشه.. رأس تنوره..
الرياض .. والقصيم ..و بريده.. و حايل..وجده ومــكه وخميس مشيط و طريب و سراة عبيدة وغيره
ولنا فروع فى جميع الدول العربيه

مستشفى الواصل التخصصي .. يتمنى لكم حياة سعيدة وعافية مديدة




بس احب اعرفكم بالاخوه الزملاء
المدير العام: الواصل
دكتور زراعة الشعر: ال معمر
دكتور القلب: ماجد الخليفي
دكتور العيون: منصور العبدالله
دكتور الاسنان: الزهيري المغترب
دكتور الاذن: ابو فيصل
دكتور عيادات الطواري: ابو حسين الحبابي
دكتور مختبرات: ابوريان
دكتور الحالات النفسيه: بن خرصان
دكتور العلاج الطبيعى: سفير بني بشر
دكتور العظام: ابو فراس القحطاني
دكتور العيادات الخارجية: تركي بن فرحان
دكتور التجميل: ابو حنش
دكتور الامراض الجلديه: ابن خريم
دكتور التخدير: ابن فاران
دكتور الاشعه: سعيد بن مذي
دكتور نساء وولادة " شوكة عبدالرؤف
دكتور مشرف العيادات: علي الفهد
دكتور انف واذن وحنجره :نايف القحطاني
دكتور مخ واعصاب : قحطان وبس
دكتور الغضاريف : ابو جابر
مشرف التموين: دكتور نجل القلم


نتــمــنى لكــم الصحــة والعافيـــة دومــــاا ,,


تقبلـــوا تحيـــاتي ,, الواصل

[علي الفهد]

بصراحه مستشفى قمه




وكادر طبي ولا أروع



يعطيك العافيه

[الواصل]

علي الفهد

مشرف العيادات

[نجل القلم]

ماتبغون أحد يشتغل في بوفيه المستشفى

[الواصل]

ماتبغون أحد يشتغل في بوفيه المستشفى



هههههههههههههههههههههههههههههه

مشرف التموين

[الواصل]

اعلان


يوجد لدى المستشفى وظائف شاغرة الي يرغب يرسل :

1- عدد 6 صور
2- شهادة دراسية (اذا امكن)
3- يجتاز المقابلة الشخصية

[منصور العبدالله]

الله يرجك يالواصل


أنا قعدت أضحك على تخصص أبو حنش

مايركب تجميل وحنش


المفروض حنش للجلديه


من جد مبدع يالواصل الله يعطيك العافيه


ودي أبدأ عملياتي في واحد من هذول:


فارس قحطان - القويفل - ابن غفرة

آهههههه لو أصيد واحد منهم




تحياتي

[ابن عياف]

الله يستر

من المستشفى ومن الكادر

=======================
لاهنت يا المبدع

[@تركي السنحاني@]

يالربع ماعندكم وظايف
ولا سلف

[هايل]

مشكوووووووووووووووووور يالواصل


وهذي سيارات لنقل المرضى بس باقي مشكلة الون مالقينا الى البني


http://www.qahtaan.com/works/up/uploads/qahtaan-02-03-1170500269.jpg (http://www.qahtaan.com/works/up)


http://www.qahtaan.com/works/up/uploads/qahtaan-02-03-1170500448.jpg (http://www.qahtaan.com/works/up)


http://www.qahtaan.com/works/up/uploads/qahtaan-02-03-1170500517.jpg (http://www.qahtaan.com/works/up)

[الواصل]

يالربع ماعندكم وظايف
ولا سلف


مدير العيادات الخارجية اول مربوط 11000:deal:

[سعيد بن مذي]

أقول شوكة عبد الرؤوف ذا وش يبغى

ما وده يأخذ إجازة ولا شيء ترا دكتوور

الأشعة ممكن ياخذ مكانه :)


مستشفى رائع يالواصل

[أبو حسين الحبابي]

احم ,, احم ,, احم

وين رحت انا ؟؟؟

:confused: :confused: :confused:

[@ابوريان@]

الواصل مافيه وظيفه لي عندكم

[عاشق الليل]

انا اضحك على تخصص العيون

منصور ........الله يستر احجزلي موعد بواسطة
سعيد ابو مذي
او
ال معمر
او
ابو جابر
او
الواصل
او
ابو حنش

ويا كثر الزحمة على اخصاي العيون

ذبحتنا هذا الشاشات

بس والله ان الدكتور من شمال النصع

ياليت ادور اخصاي ممتاز...........الزهير المغترب على القل عنده دوره في امريكا


بصرحه مستشفى روعه

[الزهيري المغترب]

عيادة اسنان مستشفى الواصل تقدم اخر عملية ناجحه وهي ترميم اسنان




هذه الصوره قبل العملية



http://www.9q9q.org/index.php?image=APVqQp75zGedie


















































هذه الصورة بعد العملية
http://www.9q9q.org/index.php?image=UekGhFsrn1YXiD

[ابوفهيدالعاطفي]

ماشاء الله على المستشفى ..
متكامل من كل ناحيه

[عبدالله آل عباد]

هبيتني في الغضاريف

يعني كيف؟



عسى ما هي سبه

[العبدي]

الحمدلله مانب معكم ,,,
اصلا اللي بشوف اسامي العاملين بالمستشفى يجب عليه ان يكتب وصيته ...
ال معمر كان حارس مستشفى المضة وش شغله معكم
الواصل انسان معروف مايهمه الا جيبه
ماجد الخليفي يحاول ياخر المريض بالضحك وسوالفه في اليابان عشان يزيد اجر الاقامة اليومية في الغرفة
الزهيري المغترب مرض عليه ضرسة وراح يشله بالزراديه وحلف من ذاك اليوم ان يشتغل طبيب اسنان
منصور العبدالله وش دخله بالعيون وهو حول يبي يعالج العين اليمنى راح لليسرى
دكتور الطواري ابو حسين يوم صار له الحادث ودخل للطواري وشاف الناس تدفه بالسرير تشوفه ياخذ المرضى بالسرير ويفحط بهم
دكتور التخدير بن فاران يقوم يصفق المرضى لين يرقدون غصب وهم ما ارقدو الا ماتو ..
بصراحة يعني مدري شقول بالتاكيد المريض بموت هناك ...
وتقبلو تحياتي














لا حد يزعل

[آل معمر]

أخوي الواصل

مساكين ما يدرون إن مستشفانا يجونه من أمريكا وألمانيا يتعالجون عندنا

المهم لا تنسى ثاني مره عندما تذكر اسمي ان تقول : حاصل على الزمالة البريطانية خخخخخخخخخخخ

[الهيثم]

ماودك تشغلني معكم يالواصل ((دكتور عصاقيل ))

ترى اصابات العصاقيل كثيره اليومين هذي ..والربح مضمون بعون الله ..

ولاتوصي حريص ..من جا وعصاقيله مصابه قصبناها له وريحناه ..


يعطيك العافيه يادكتور واصل ..<<<<<<< احسها ماهي راكبه لكن يالله ..قدها وقدود يابعدي ..

[بن خرصان]

الله يرج أبليسك.....يالدكتور واصل

مرسل.........مرضى في حالة متخرة من العلاج............يعني مافيهم رجا...






هذا واحد منتهي

http://www.qahtaan.com/works/up/uploads/qahtaan-02-05-1170662863.gif (http://www.qahtaan.com/works/up)


والثاني .....حالته صعبة....

جاه جنون الانترنت والمنتديات

http://www.qahtaan.com/works/up/uploads/qahtaan-02-05-1170663068.gif (http://www.qahtaan.com/works/up)

ولكن ماعليكم ........هذا بنتربح منه .....

كل العيادات بمر عليها ..........أنت بس أرسل الباص عشان يروع اللي العيادات التاليه

العضام ....

المخ والاعصاب

الجلدية

الكبد والبنكرياس

العيون

الاذن والانف والحنجره

أصابات الملاعب........... هذي فوق البيعة

الغضاريف....مادري فيه قسم أسمه الغضاريف

ولا خلص من جميع العيادات

ودوه اللي المسجد اللي جنب المستشفي فيه مطوع بيقرأ عليه.........واذا خلص

ودوه اللي بنك الدم.........بنمص دمه شوي.......

وبعدها..

ودوه اللي...قسم التشريح.

عشان الدكاتره الجدد يتدربون عليه

وعقبها........ودوه لأهله.......

أذا بقاء فيه شئ

ولاتنسنى توصي السواق يمر على المقبره يحجزله قبر من تبع المستشفى.......يمكن ينقصنا شئ بعد مايموت ...لاسمح الله

ونحتاج كلوه ولا كبد ولا قلب........يكون القبرقريب من المستشفى ...

وتحياتي لجميع المرضى بالشفاء العاجل..........

مستشفى الواصل التخصصي

http://www.qahtaan.com/works/up/uploads/qahtaan-02-05-1170663953.gif (http://www.qahtaan.com/works/up)

[بن خرصان]

ماشاء الله عليك .....

جاني الباص ماشي مليون

http://www.qahtaan.com/works/up/uploads/qahtaan-02-05-1170664046.gif (http://www.qahtaan.com/works/up)

[سعيد بن مذي]

بن خرصان بأرسل لك واحد من المرضى عيّنت

في معدته قوطي ببسي ؟؟

وش الحل ؟؟!!

[سعد بن سعيد بن فالح]

هههههههههههههههه
الله يرج بليسك يالواصل
ماعاد بذا مستشفى ذا تشليح المسعودي
لا والكادر الطبي روعه ياعيني منصور والربع الطيبين
تدرون حطوني المسؤل عن مستودع اللوازم الطبيه وعن الاكسجين
بعبي المغذيات دواء غسيل والاكسجين غاز عشان تزيد حالات الوفاه
من 1000.000 الى 2000.000 تعرف الدعايه تلعب دور
خخخخخخخخخخخخخخخخخخخخخخخخخخخخ

[بن خرصان]

هالمريض يالسعيد.......وده للمختبر

يحللون بطنه

نبي نعرف...البيبسي هو

من تبع القصيبي..........ولا مستورد

تعرف حنا مع المنتجات الوطنية....:make-fun:

[مشبب المعمري]

لاهنت ومشكور

تحياتي

[نايف القحطاني]

يالله حيهم

والاذن نفقعها نتاكد فيه مرض ولا يكذب

عندي قانون خشمك يمين نوديه يتمشي يسار والعكس صحيح

انت سليم نكسر خشمك وعلي العموم ترا بطلب من المدير 2 سستر يمسكون الحالات لانها ممكن تتحول لهدات
اليكم بعض الحالات المختلعه
http://www.qahtaan.com/works/up/uploads/qahtaan-02-07-1170875257.jpg (http://www.qahtaan.com/works/up)

http://www.qahtaan.com/works/up/uploads/qahtaan-02-07-1170875330.jpg (http://www.qahtaan.com/works/up)