عبدالهادي القحطاني
02-02-2007, 03:00 PM
الاخوان في مجالس قحطان يشرفني الانظمام معكم في هذا الصرح الطيب
واشكر الاخوان على دعوتهم على راسهم الاخ محمد القويفل
وكان ودي ماتكون اول مشاركاتي معكم قصيدة رثاء ولكن امر الله وحصل
وهذي قصيده كتبتها بعد وفاة خالي
الشيخ منير بن ذفيل بن سحيم ال سعد
الذي توفي يوم الاثنين الماضي الموافق 10-1-1428
بعد معاناه مع المرض
[
مرحـوم ياشيخـاً عزيـزاً فقـدنـاه=شيـخ عزيـز ولـه مكانـه وغالـي
شيخاً رحل واقفاء وقفـت مطـا يـاه=اقفـى مـن الدنيـا وشـد الرحالـي
الله يحسـن منزلـه عنـد مــولاه=ويعـل قبـره مدلـهـم الخيـالـي
ابو فهد خالي عسـى الخلـد مـاواه=عساهـا فالجنـه كريـم السبـالـي
قرم كريـم وتفعـل الطيـب يمنـاه=قـرم كريـم ومنزلـه فـوق عالـي
قـرم حفـظ سلمـه ودينـه ودنيـاه=ويشيـل ماشالـت ظهـور الجمالـي
وله مجلـس دوم الرجاجيـل تنصـاه=في مجلسه تلقـى زحـول الرجالـي
والعـود الازرق والـدلال المراكـاه=تلقـى الشحـم ومبهـارات الدلالـي
وسوالـف ماهيـب هـذر ومعايـاه=طرايـف ماهيـب قـيـلاً وقـالـي
جينا الطبيب وعقب فحصـه سالنـاه=قلنا عساهـا خيـر يابـن الحلالـي
قال المـرض كايـد ولايمكـن دواه=ادواه عنـد الله علـى كـل حـالـي
ستـة اشهـورٍ ذاق فيهـا المعـانـاه=ايصـارع امـراضٍ تهـد الجبالـي
ورغم المرض لاجيت يضحك محيـاه=وينشد من الاقصيـن قبـل الموالـي
وانـا اتضايـق لالفيـتـه وجيـنـاه=لاجيت انا له ضاق صـدري وبالـي
لاشفت وضعه والمرض وصل لاقصاه=ايضيق بي فـجٍ مـن النـاس خالـي
ادري بجـي يـوم ولاعـاد نلـقـاه=تقفيبـه الدنـيـا وســود الليـالـي
والامـر هـذا صــار والحـمـدلله=امـر الله ونحمـد عزيـز الجلالـي
مايحمـد بمكـروه غيـره ولاسـواه=والمـوت حـق وتاليتنـا الـزوالـي
واشكر الاخوان على دعوتهم على راسهم الاخ محمد القويفل
وكان ودي ماتكون اول مشاركاتي معكم قصيدة رثاء ولكن امر الله وحصل
وهذي قصيده كتبتها بعد وفاة خالي
الشيخ منير بن ذفيل بن سحيم ال سعد
الذي توفي يوم الاثنين الماضي الموافق 10-1-1428
بعد معاناه مع المرض
[
مرحـوم ياشيخـاً عزيـزاً فقـدنـاه=شيـخ عزيـز ولـه مكانـه وغالـي
شيخاً رحل واقفاء وقفـت مطـا يـاه=اقفـى مـن الدنيـا وشـد الرحالـي
الله يحسـن منزلـه عنـد مــولاه=ويعـل قبـره مدلـهـم الخيـالـي
ابو فهد خالي عسـى الخلـد مـاواه=عساهـا فالجنـه كريـم السبـالـي
قرم كريـم وتفعـل الطيـب يمنـاه=قـرم كريـم ومنزلـه فـوق عالـي
قـرم حفـظ سلمـه ودينـه ودنيـاه=ويشيـل ماشالـت ظهـور الجمالـي
وله مجلـس دوم الرجاجيـل تنصـاه=في مجلسه تلقـى زحـول الرجالـي
والعـود الازرق والـدلال المراكـاه=تلقـى الشحـم ومبهـارات الدلالـي
وسوالـف ماهيـب هـذر ومعايـاه=طرايـف ماهيـب قـيـلاً وقـالـي
جينا الطبيب وعقب فحصـه سالنـاه=قلنا عساهـا خيـر يابـن الحلالـي
قال المـرض كايـد ولايمكـن دواه=ادواه عنـد الله علـى كـل حـالـي
ستـة اشهـورٍ ذاق فيهـا المعـانـاه=ايصـارع امـراضٍ تهـد الجبالـي
ورغم المرض لاجيت يضحك محيـاه=وينشد من الاقصيـن قبـل الموالـي
وانـا اتضايـق لالفيـتـه وجيـنـاه=لاجيت انا له ضاق صـدري وبالـي
لاشفت وضعه والمرض وصل لاقصاه=ايضيق بي فـجٍ مـن النـاس خالـي
ادري بجـي يـوم ولاعـاد نلـقـاه=تقفيبـه الدنـيـا وســود الليـالـي
والامـر هـذا صــار والحـمـدلله=امـر الله ونحمـد عزيـز الجلالـي
مايحمـد بمكـروه غيـره ولاسـواه=والمـوت حـق وتاليتنـا الـزوالـي