المساعد الشخصي الرقمي

مشاهدة النسخة كاملة : للضيف لو نذبح حدينا ذبيحة !!!!!!


معيض بن صميع
30-01-2007, 09:52 PM
الشاعرة مليحة الفودري إبتعدت عن الساحة الشعبية بعد أن وجـّـه لها الشاعر


الكبير مساعد الرشيدي هذه القصيدة ردا ً على ماصدر منها من غمز ولمز تجاه



الشاعر الرائع .......... وإليكم .. القصيدة







أدخل على الله وأسلم الامر تسليم=وأستغفره وأستذكره وأستميحه

وضح النوايا والمساري مجاهيم=والحلم غالي واليالي شحيحه

سادت مفاهيم ٍ وبادت مفاهيم=ويح الزمن يابنت الاجواد ويحه

خلي علوم أمسـّسين المرازيم=واخذي علوم مصمصمين القريحه

حنا طنايا عبس يامذيّر الريم=حنا مقابيس الوغى يامليحه

حنا سلايل قاسم الخيل ودليم=وزعاتنا يوم المكايد رجيحه

بدو ٍ حفايا ماأنصفتنا المقاسيم=بصدورنا عز ٍ تطارخ فحيحه

نرعى رفيف البرق في ساقة الغيم=ومن يستبيح حدودنا مانبيحه

واليا ترع في هرجتة دفش وبهيم=خطو الهبود اللي تكابر فطيحه

عن ساقط الهرجة نطــّـق الملاطيم=ومن طاح فيها مارحمنا مطيحه

نكبر عن الطفسة ونجزع من الضيم=ونموت ما ناطا شليل الفضيحه

نزوم زومات الرجال المحاشيم=ونهد هدات النمور الجريحه

ربع ٍ على در المنايا مفاطيم=من هازنا زاغت عجوزة تصيحه

اليا تغشلينا عسير الشغاميم=لومك على اللي مايبرهن مديحه

وان لولشنّ محشّمات الملاثيم=والموت حثرب بالحناجر ضبيحه

جينا من اقصانا سحاب ٍ مراديم=كل يذكـّي حروتة عن نطيحه

يازين دح قفوشنا لة ترانيم=والعج واقف والفعايل صريحه

كان المنايا سوقها مابعد سيم=والخوف برّك بالقلوب الكسيحه

حنا زباينها عليّ الملازيم=علم ٍ يقرية النصيح لنصيحه

واللي بنى بيتة نبيه ابراهيم=إنّا طريق المستميت لضريحه

بني رشيد إن عتـّم الجو تعتيم=ماللردى فينا ملامح ..وليحه

أجسر من الرعاد واكرم من الديم=سمر الجباه اهل الوجيه الفليحه

خوينا نقريه عزة وتحشيم=ودخيلنا دونه عن الموت صيحه

يابنت ماحنـّا فقارا معاديم=لوماسكنّا فالقصور الفسيحه

تجّار لوحاشت يدينا ملاليم=ومن الغناة قلوبنا مستريحه

مانستضيق ليا لفونا معازيم=للضيف لونذبح حدينا ذبيحه

دايم ايدينا للعطايا مواليم=لا خانت الفزعة وجيهٍ كليحه

طال القريض ومقبل الود ومقيم=والبال عيّا طارقه لايريحه

اقولها وابصم على القول تبصيم=والعلم بيّن زايفه من صحيحه

ماهو قصور ٍ بالحرار الصماصيم=كل ٍ بدرب العز قد هب ريحه

مدحي لربعي مايذم الاكاريم=ولايستشك الا خبيث الشريحه

والحق واضح للرجال المفاهيم=والحقد يرّث فى النفوس القبيحه

والشر من جيت ( معزّي )وهونيم= اليوم وحده .. والشريعة سميحه

فارس قحطان
30-01-2007, 10:39 PM
السلام عليكم ورحمة الله وبركاته



صح الله لسانه الشاعر مساعد الرشيدي


قصيده مميزه جداً جداً


وبيض الله وجهك على النقل



.

معيض بن صميع
05-02-2007, 10:57 AM
السلام عليكم ورحمة الله وبركاته



صح الله لسانه الشاعر مساعد الرشيدي


قصيده مميزه جداً جداً


وبيض الله وجهك على النقل



.




وعليكم السلام ورحمة الله وبركاته



الغالي : فارس قحطان



صح بدنك وبيض الله وجهك



تشرفنا بمرورك الكريم ولاهنت



دمت بخير.

سعيد بن مسعود آل مهدي
05-02-2007, 11:32 AM
معيض بن صميع

قصيدة رائعه وقد أبدعت في الاختيار والنقل

بيض الله وجهك

وصح لسان الشاعر

تقبل تحياتي

علي بن مسفرالحبابي
05-02-2007, 02:25 PM
صح لسان مساعد الرشيدي

ردا علي مليحه ورد قاسي بالفعل

وبيض الله وجهك يابوصميع

علي النقل المميز جعلك سالم وغانم

@تركي السنحاني@
05-02-2007, 03:05 PM
صح لسان الشاعر
وبيض الله وجهك يا بن صميع على النقل

ابن عياف
06-02-2007, 09:35 AM
تسلم على النقل الطيب

ومشكور على هذا الجهد

المبارك

تقبل تحياتي

معيض بن صميع
07-02-2007, 06:31 PM
معيض بن صميع

قصيدة رائعه وقد أبدعت في الاختيار والنقل

بيض الله وجهك

وصح لسان الشاعر

تقبل تحياتي




مداهيل الرجال


ياهلا وغلا


بيض الله وجهك ولاهنت


صح بدنك ودمت بود

معيض بن صميع
07-02-2007, 06:32 PM
صح لسان مساعد الرشيدي

ردا علي مليحه ورد قاسي بالفعل

وبيض الله وجهك يابوصميع

علي النقل المميز جعلك سالم وغانم




صح بدنك يابو مسفر


والرد بالفعل قاسي ولكن في محله


بيض الله وجهك ودمت بخير

معيض بن صميع
07-02-2007, 06:34 PM
صح لسان الشاعر
وبيض الله وجهك يا بن صميع على النقل






صح قلبك ياتركي



وبيض الله وجهك



وشكرا على مرورك الكريم



دمت بود

معيض بن صميع
07-02-2007, 06:35 PM
تسلم على النقل الطيب

ومشكور على هذا الجهد

المبارك

تقبل تحياتي




سلمت ولاهنت يابن عياف



ولا شكر على واجب يالغالي



دمت بألف خير