المساعد الشخصي الرقمي

مشاهدة النسخة كاملة : [قصيده الفارس تركي بن حميد 0000000 ورد الفارس قاسي بن عضيب بن حشر عليها ]


هاوي نجد
22-02-2005, 08:16 PM
يوجه تركي بن حميد هذه القصيده علوش بن مذكر بعد نزول علوش بعيدا عن تركي

ويدعيه تركي للا قتراب ويوصف تركي بمعنى القصيده بان علوش نزل في مكان ليس مرتع للابل

وان تركي نازل بمكان جميل وصالح

وهذه قصيدة بن حميد بهذه الابيات:


يا راكب من عندنا فوق شقران
=يلفي على شيخ نزل بالحضايف
يتلونه العاصم نجوع وسلفان
=وطرش على رعي المخافه زهايف
يا حيسفا يا نزلته فوق ببان
=واليا بغى يندى بذيك الندايف
قطعاننا ما بين كشب وفيحان
= ما نشتحن لو حضبونا الحفايف




فردعلوش بن مذكرعلى تركي موضحا ان ابتعاده خير لتركي ومن صالح تركي

والا فان معاركه ستصيب اما تركي او احد اقاربه

وهذه قصيده علوش بن مذكر




ياراكب من عندنا فوق ضبيان
= يلفي لنا شيخ عديم الوصايف

قل بعدنا اشلا لك من القرب لو كان
= تر قربنا لك موردات الرهايف
إما نصيب دحيم والا ابن شبنان
= والا انت يا عيد الركاب النكايف
إ لى ركبنا فوق قرنات الوذان
=عاداتنا قرن الاخوان الولايف
من لابة سقم المعادي بالاكوان
= بسبر وجرد بي قرح وعسايف

دحيم وهو بن هندي إبن عم تركي __ اما ابن شبنان فهو عقاب الذي تولى المشيخة بعد مقتل تركي

وهو ابن عمه ايضا0


المصدر / ديوان تركي بن حميد 0

ابن عاصم
22-02-2005, 09:07 PM
بيض الله وجهك اخوووي هاوي نجد

بس عندي تصحيح اللي رد على الشيخ تركي بن حميد هو الشيخ علوش بن مذكر بن عضيب وليس الشيخ قاسي بن عضيب

وهذه القصيده التي قالها الشيخ تركي بمناسبه وفاة علوش بن حميد بعد وقعتهم مع ال عاصم وكان الشيخ تركي يتمنى لقاء ال عاصم فرد عليه الشيخ علوش بن مذكر

رحمهما الله جميعا

اخوووووك

ابن عااااااصم

خليل بن هدلان
22-02-2005, 09:15 PM
.......................

فارس قحطان
22-02-2005, 09:56 PM
بيض الله وجهك ياهاوي نجد


وماقصرت

هاوي نجد
25-02-2005, 12:24 AM
اخوي ابن عاصم

لاهنت لاهنت لاهنت

بيض الله وجهك على هذه الملاحظه

تسلم يمينك لا عدمتك

تقبل تحيات اخوك

هاوي نجد
25-02-2005, 12:27 AM
لاهنت يا بوذيب على المرور الطيب

يشرفني مرورك يالغالي

جعلني والله ما عدمك

تقبل تحيات اخوك

هاوي نجد
25-02-2005, 12:30 AM
لاهنت اخوي فارس قحطان

يسعدني مرورك يالغالي لاهنت

تقبل تحيات اخوك