يا الربع سؤال منهو قائل هذا البيت؟؟؟؟؟؟

[ابو فارس الفهري]

كيف الحال يا الربع وعسااكم طيبين


منهو اللي قال ذا البيت ويا ليت اللي يعرف القصيده كامله يكتبها

لامن ولد اللاش رزقه على امه *** رزقي على اللي ميت القشع يحييه




وسلاااااااااااااااامتكم

[ابراهيم آل بي حبيب الرفيدي]

ارحب يا ابو فارس

هذه من قصيدة الشاعر بندر بن سرور اللي يقول فيها


ماني وانا بندر بياع دمه ............... يلعنك يا بياع دمه وشاريه
أحدن يدور بالردى بنت عمه ......... وأحدن يدور ستر عذرى عوانيه
لاصار ولد اللاش رزقه على امه ........ رزقي على اللي ميت القشع يحييه

[عبدالله آل عباد]

أبراهيم البي حبيب الله يعطيك العافيه



أفدتونا ياشباب

[صالح ال الهوى]

جاك العلم

لاهنتو ياالربع

[معيض بن صميع]

القصيدة للشاعر الكبير بندر بن سرور العتيبي ويقول :



يالله ياجال الامور المهمــــــــه = تجلا وهـــــج قلب برا حال راعيـــــه
البر دجته والبحر رحت يمـــــــه = يقطعك ياحظ ٍعلى الله مساعيـــــــه
يوم ان ولد اللاش رزقه على امه = رزقي على اللي ميت القشع يحييـه
يامل قلبٍ كل مامات همـــــــــه =دارت دواليب الدهر لين تحييــــــــــه
فرّاق شمل الناس عيا يلمـّــــــه =وقتٍ يشيب الـراس من شاية ٍفيــــــه
احدٍ ينام وحاط راسه بكمــــــه =واحـــدٍ تخـّـم النوم عيـــنه وتخطيــــه
واحدٍ يحاول بالردى بنت عمـه = واحدٍ يحاول ستر عذرا عوانــــيــه
ماني وانا بندر ببياع دمــــــه = يقطعك يابيــــاع دمــــه ومهفيــــــه
اللي يبيّع لابسات الازمــــــــه = ثور ٍ يــبا بيض الرعــــابيب تغنيـــــــه
يزعل ليا جت ليلة الدور يمــــه =يرضى بسوق المال فأخوه وفأبيـــه
خطو البخيل اللي يكبّر معمّــه = يقرا الكتاب وواجب الله يخليـــــــــه
إما هرج لك في رفيقه بنمـّـه =والا عطا وامه تضـــيّع هقاويــــــــه
أنشدك ياللي كل فرض ٍ تتمّـه = تقرا الكتاب وكل فـــرض ٍتصليـــــــه
ويش القليب اللي عميق ٍ مجمـّه = مافاد غرسه ماه وعطشىً سوانيــه
تـَخالف الأنظار شرق ٍ ويمــــــه = وكل ٍ هدف رآيه من الناس مرضيـــــه
سَم السبب ياعارف ٍ عنه سمّه =سَم السبب ياعارفه قبل اسميــــــه



وهي قصيدة دخل السجن بسببها !!


مع خالص التحية والتقدير

[ابو فارس الفهري]

ابراهيم والاخ معيض بيض الله وجيهكم والله لا يهينكم

من غير قصور في الباقين وبيض الله وجيهكم
ولا هنتوووووووووو

[@ابوريان@]

القصيدة للشاعر الكبير بندر بن سرور العتيبي ويقول :



يالله ياجال الامور المهمــــــــه = تجلا وهـــــج قلب برا حال راعيـــــه
البر دجته والبحر رحت يمـــــــه = يقطعك ياحظ ٍعلى الله مساعيـــــــه
يوم ان ولد اللاش رزقه على امه = رزقي على اللي ميت القشع يحييـه
يامل قلبٍ كل مامات همـــــــــه =دارت دواليب الدهر لين تحييــــــــــه
فرّاق شمل الناس عيا يلمـّــــــه =وقتٍ يشيب الـراس من شاية ٍفيــــــه
احدٍ ينام وحاط راسه بكمــــــه =واحـــدٍ تخـّـم النوم عيـــنه وتخطيــــه
واحدٍ يحاول بالردى بنت عمـه = واحدٍ يحاول ستر عذرا عوانــــيــه
ماني وانا بندر ببياع دمــــــه = يقطعك يابيــــاع دمــــه ومهفيــــــه
اللي يبيّع لابسات الازمــــــــه = ثور ٍ يــبا بيض الرعــــابيب تغنيـــــــه
يزعل ليا جت ليلة الدور يمــــه =يرضى بسوق المال فأخوه وفأبيـــه
خطو البخيل اللي يكبّر معمّــه = يقرا الكتاب وواجب الله يخليـــــــــه
إما هرج لك في رفيقه بنمـّـه =والا عطا وامه تضـــيّع هقاويــــــــه
أنشدك ياللي كل فرض ٍ تتمّـه = تقرا الكتاب وكل فـــرض ٍتصليـــــــه
ويش القليب اللي عميق ٍ مجمـّه = مافاد غرسه ماه وعطشىً سوانيــه
تـَخالف الأنظار شرق ٍ ويمــــــه = وكل ٍ هدف رآيه من الناس مرضيـــــه
سَم السبب ياعارف ٍ عنه سمّه =سَم السبب ياعارفه قبل اسميــــــه



وهي قصيدة دخل السجن بسببها !!


مع خالص التحية والتقدير

اخي معيض بيض الله وجهك

اخي ابو فارس الفهري تحياتي لك على هذا الموضوع

[ال مالح]

سئل الشاعر الكبير السديري رحمة الله ماهو البيت الذي تمنيت انه لك فقل بيت ابن سرور

أحدن يدور بالردى بنت عمه ......... وأحدن يدور ستر عذرى عوانيه