أجازة منتصف العام ... آمال وتطلعات

[خالد العاصمي]

السلام عليكم ورحمة الله وبركاته


أجازة منتصف العام على الأبواب

صراحة أسبوع واحد لايكفي ونتطلع لزيادتها أسبوع آخر

الطلبة والمدرسين يحتاجون للراحة بعد الأمتحانات

الواحد مايمديه يمد رجليه

فما بالك بمن يريد أخذ عمرة أو الذهاب لنزهة للراحة والأستجمام أو زيارة الأهل والأقارب





وفق الله الجميع

[العبدي]

اما حنا في قطر اجازتنا شهر ....
والله يعدي الاختبارات على خير ..
شهر واحد يمديني اروح الدمام واسلم على الربع ومن ثم الرياض للسلام ايضا ... والمحطة الاخيره ... قرا والسود والعوص جعلها السيل
وانشاء الله ابو متعب مهوب مقصر معكم وانشاء الله مكرمة ملكية بالاجازة لمدة شهر قولو امين

[هايل]

والله اعتقد انها لاتكفي اسبوع بس بصراحه نحن العسكرين لانستفيد منها لا اسبوع ولا يوم

[فارس قحطان]

السلام عليكم ورحمة الله وبركاته



والله الحمدلله انا مالي شغل في الاجازه


الاجازه معاي من مبطي :)


الله يعينكم



.

[عبدالله آل عباد]

السلام عليكم ورحمة الله وبركاته



والله الحمدلله انا مالي شغل في الاجازه


الاجازه معاي من مبطي :)


الله يعينكم



.


يعني مقاحره

تبغى تقهرنا يوم عندك أجازه:)



طيب أنا الاسبوع الاول ماني مداوم

هذي مكرمه من عندي لنفسي

[خالد العاصمي]

شكرا للجميع

أبشركم تمت الموافقة على أجازتي السنوية أبتداء من أمس

مع تمنياتي لي ولكم بأجازة سعيدة وكل عام وأنتم بألف خير

[عبدالله بن غفره]

الواحد مايمديه يمد رجليه


على كذا لا صار ودك تمد ايديك يبغى لك شهر هههههههههه



يالبا قلبك :)



حبيت أجرب امزح معك هههههههههه



تحياتي

ومبروك إجازتك السنوية

[خالد العاصمي]

يابن غفرة الظاهر طاحت الميانة ههههههههههههه

وأبشرك الهياثم جاها السيل وفرصة للتطعيس والمكاشيت

[نجل القلم]

أنا بصراحة أقترح أنهم يلغون الإجازات كلها من أول أبتدائي إلى الجامعة
عشان الواحد يتخرج من الجامعة بدري ....

[علي الفهد]

والله فكره يا نجل القلم

[خالد العاصمي]

نجل القلم

الا ودك يلغون الدراسة من أصله من زين ذالتدريس

أذا لا وظائف شاغرة .... وان وجدت الرواتب يسيرة لاتكفي لأسرة من أربعة أفراد

أو يكون التدريس مركز ويلغون الرياضة والرسم

ويكفي لعب الوراعين في الشوارع وشخبطتهم على الجدران

[سعد بن عوض ال سيف]

ياجماعة الخير لاتستعجلون
اتوقع ان ابو متعب مابيقصر
ان عطونا اسبوعين والا والله اني لاعطي نفسي اسبوع زياده
خاصه عقب الامطار على الرياض بيجي ربيع مامثله واسبوع للمكشات مايكفي