المساعد الشخصي الرقمي

مشاهدة النسخة كاملة : بدع ورد من احسن الرديـــــــــــــــــــــــات عطنا رايك


حمد بن عروان
26-01-2007, 03:12 AM
هذه اسطورةً في البدع والرد بدأها الشاعر المبدع محمد بن مريع الشهراني حينما أرسل هذه القصيده الى الشاعر حامد بن سمحه القحطاني


البـــــدع



محمد بن مريع الشهراني


يامل قلب ٍ مـن عنـى الايـام حدتـه الهمـوم=ذاق الغدر ذاق الجفا مـن كـف نـاس ٍ حبهـا
يبني زمانه وانهدم ما قد بنى في ضـرف يـوم=فـي ساعـة ٍ فيهـا النفـوس ابليسهـا يلعبهـا
شئ ٍ حصل ما قد حصل حتى من اكبار الخصوم=لكن حصل من صحبة ٍ في ما مضـى معجبهـا
أرخصت حالي دونهم وآقف وفا لا جـا لـزوم=واللي هقيته محزمـي والله طلـع مـن جنبهـا
مشكاي تكفى يالوفي مشكاي يـا نسـل القـروم=مشكاي يا مشفـي الجـروح الكايـدات وطبهـا
مشكاي يا صقر ٍ تعللى في طويـلات الرجـوم=وافي ونار المرجله مـن طيـب راسـه شبهـا
يا حامد ابن مفـرح الحيانـي ادريبـك عـزوم=لانك يابن سمحه مـن شيـوخ ٍ ينومـس نبهـا
أبغاك في خدمه ويسلـم وافيـن مثلـك خـدوم=ودي بشـورك فالقضيـه وانـت خابـر لبهـا
الاولـه عديتـهـا وعلومـهـم زادت اعـلـوم=وارداهـم بهـرج القفـا طـب الرذيلـه طبهـا
وانا معه وافي واشل همومـي وهمـه واقـوم=وامـدّه احبالـي وفـا وحبـال وصلـي جبهـا
ما يدري ان سب الرخوم أكبر حرام وهم رخوم=كيـف المطاليـق يهبـا والله نــذل ٍ سبـهـا
احترت يا حامد ولا ادري يا عسى عمرك يـدوم=ناس ٍ كذا يا صعـب اجاملهـا وصعـب آكبهـا
تكفى يا حامد دلني يـا شـوق زاهيـة الوشـوم=لو الصراحه جارحـه مـا قلـت تكفـى غبهـا
قلي كذا والا كـذا يـا امّـا انثنـي والا اشـوم=وصف لي القمه وانـا نـذرن علـي لا آذبهـا
واسلم وسلم يالوفي يا القرم يـا نسـل القـروم=يا مشفـي جـروح العليـل الكايـدات وطبهـا


الــــــرد


حامد بن سمحه



يامرحبا ترحيبة ٍ تنوب عـن حـب الخشـوم=ترحيبـة ٍ تحسـب لمنهـو وفـق ورحبهـا
أكبر من الشرهه ومن حفظ العوايد والسلـوم=واعلى من الشهره ومـن لوصولهـا يتعبهـا
وارق من وبل السحايب من عقب لفح السموم=واصدق من دموع الصغار اللي توفـى أبّهـا
من بعدها ياصاحبي دامـك مقـدر ومحشـوم=جتك الحلول آربها ترضـي الكريـم آربهـا
ناس ٍ تبيع وتشتري في المعرفه للـي يسـوم=ذولا عبـاد ٍ يالخـوي بنصحـك لا تحسبهـا
خبرهم أن البحر مايطمربه اللـي مـا يعـوم=وش عاد لو ترمي بهم داخل غياهـب جبهـا
اصبر وثابر واجتهد واسمع من العالم عمـوم=ثم اختر اهل الطيب وان نادت عليـك فلبهـا
الناس في هذا الزمن ياخوك معطى ومحـروم=وان جاتك الحسنات كبرهـا عسـى تغنمبهـا
لاتقترب دار الحضر فالروم دوم الدهـر روم=لانها تمايل كالغصـون اللـي الهـوا بيهبهـا
دار الوفي بين الجبال اللي بها الخضره تـدوم=والا الصحاري لو تفيد ان كـان ذرت ضبهـا
تعال وابشر بالسعد لاضاق صدرك بالهمـوم=واترك مضيعة الجميل احسابهـا مـع ربهـا
لان اصدقا ذا الوقت صاروا يامحمد كالخصوم=عنوانهـا اسمـع هكـذا والسالفـه تعلمبهـا
اثري دبليو (مصلحه) واللي بعدها دوت كـوم=واللي حصلـك تجربـه ياصاحبـي يجربهـا
مافيه شي الا بشـي انظـر لداكنـة الغيـوم=لولا الرعد والبرق ماشافـت عيونـك صبهـا
ومن لا يحاسب للخطا قبل القدا يلحقـه لـوم=وايامنا مثـل الرحـا تطحـن وحنـا حبهـا
هذا وسلم واستلم عسـاك وربوعـك سلـوم=يابن الرجال اهل الوفا واللـي يشـرف نبهـا
لك لابة ٍ ربي عطاها قسم من خيـر القسـوم=من كبرها من طيبها صـار المثـل يضربهـا
ودامك طلبت الراي جاك الراي مقفل ومختوم=واسلم وسلـم وان لفتـك رسالتـي رحبهـا

اتمنى ان اكون قد وفقت في النقل

تحياتي وتقديري

حمد بن عروان

ابراهيم آل بي حبيب الرفيدي
26-01-2007, 09:19 AM
سلمت يابن عروان

وصح الله لسانك ولسان الشعار


ابداع ابداع

دامك طلبت الراي جاك الراي مقفل ومختوم..............واسلم وسلم وان لفتك رسالتي رحبها


ابيض وجه على الاختيار الطيب

عبدالله المهداني
27-01-2007, 01:54 AM
حمد


في الحقيقه انه ما يجيب النادر الا نادر


ولا يختار المميز الا مميز


حقيقه بدع ورد خيال وروعه

صح لسان بن مريع ولسان ابو مفرح


ولك تحياتي ولهم

سعد بن مناحي بن شفلوت
27-01-2007, 02:18 AM
سلمت يمناك ولاهنت



تقبل تحياتي

عبدالله بن غفره
27-01-2007, 09:57 PM
بدع ورد

رائع جداً وإختيار موفق


بيض الله وجهك ولاهنت ياكحيلان

معيض بن صميع
28-01-2007, 05:28 PM
رائع ولاهنت


شكرا على هذا الإختيار العذب والنقل المميز


دمت بخير

صالح ال الهوى
29-01-2007, 05:28 AM
ارررررررررررررررحب يابو علي


انا اشهد ان هذا النقل ولا بلاش

دمت لنا الله يحميك من كل شر